ساعدووني حتى لااضرب اولادي

[ابتسامه رغم الالم]

الله يحفظلك اولادك ويهديهم ويصلح حالك ويعينك وانا مع عشوقه كلامها ميه بالميه

موفقه يارب

[أم الفهد]

شوفي حبيبتي الضرب عند العصبية يصير أنتقام مو تأديب لان الضرب لازم يكون على اليد ومن خفيف إلى متوسط شوي بس لتوجيةعلشان ماتتكرر الغلطة بس لما تتكرر معناته ما جاب الضرب نتيجة فلازم طريقة عقاب ثانية مثل الجلوس في الزاوية لمدة معينه على حسب العمر كل سنه دقيقة يعنى أربع سنوات أربع دقائق عقاب من دون حركة من مكانه وتقولين له ليش عاقبتيه ولازم بعد العقاب ما ينتهي يتأسف عن الخطأ اللي عمله طبعا مو من أول مرة راح يسمع كلامك بس لازم تكوني صارمة من دون صراخ تناضرين بعيونه وتكوني في مستوى نظره لازم وأنتي تكلمينه مرة مرتين راح يلتزم بالعقاب وممكن ما يسوي خطأ علشان مايروح الزاوية اللي تحددينها طبعا لو طلع منها ترجعينه من دون كلام وشوي راح يحس أن المسألة مو لعب وأنه فعلا عقاب وإذا قال لك أنتهى العقاب ناضري في ساعتك وقولي له لسى باقي أنتظر حتى أقولك ولما ينتهي قولي له أنتهى عقابك قوم بس لاتزودين الوقت أبد ألتزمي أنتي بعد بالوقت
وفيه شي أنا كنت أتخيله خاصة لما صارخت على ولدي وخاصمته وشفت الخوف بعيونه الله يخليلي عيونه أني اللي يصارخ عليه أحد ثاني غيري مافيه من الرحمة مثل اللي بقلبي عليه وش كان راح يحس فيه هل كان راح يضمه ويتأسف له أو راح يزيد العقاب أكثر ،،يعني تخيلي مثلي أن اللي يضربهم زوجة أبوهم بعيد عني وعنك وش كانت راح تسوي هل راح ترحم ضعفهم أو لا ،، علشان كذا أرحميهم مهما سوو وتخيلي نفسك بمكانهم وهم صغار وينخاصمون وينضربون وما يقدرون يعبرون ولا يدافعون و خصوصا أن الصغار ينسون بسرعة وش صار ووش سوو بعد
وأدري أن بعد زوجك يخلي الضغط عليك أكبر بس أنتي أكبر وأقوى وأستعين بالله وأدعي ربي يهدي سرك وأذكري بعد كل صلاة سبحان الله والحمدلله والله أكبر ثلاثة وثلاثين مره بس الله أكبر أربعة وثلاثين مرة والله راح يعينك على بيتك وعيالك وفعلا والله مفعوله عجيب ،
والله يوفقك لما فيه صلاحك وصلاح عيالك وزوجك اللهم آمين