الشفاطه مصيبه دشوا وانا اقولكم ليش؟؟

[عشقت الحب لجل عيونك]

بسم الله الرحمن الرحيم
السلام عليكم ورحمة الله وبركاته
يابنات الكتاب مبين من عنوانه
انا بقولكم تجربتي مع الشفاطه باختصار واخذوني عبره ولاتسوون اللي انا سويته
القصه كالتالي:
انا ولدت وماعرفت ارضع ولدي اول يوم ((جهل))
وعطيته صناعي ورضع وتم شبعان لليوم الثاني ((لانه ثقيل عليه))
الدكتوره هزأتني وقالتلي صدرج فيه حليب اشله تعطينه صناعي ؟؟
المهم حاول اعطيه صدري لين تمكن من الرضاعه واموري في السليم اوكي؟
مرت الايام وكان صدري يكبر بشكل يخرع ويزيد الحليب بشكل ((جنوني))
لدرجة اني دخلت المستشفى بسبة الحليب مع ان ولدي كان يرضع كل ساعتين بشكل ممتاز بس الحليب كان فوق الحاجه ((قولوا مشاءالله))
لما رحت المستشفى كانت حرارتي 41 وماصارلي 8 أيام من يوم ولدت((مسكين حالي))
وترقدت 6 ايام وشفت الموت فيها
7
7
7
7
7
7
7

جايتكم بالسالفه (( الشفاطه))
المهم طول الستت ايام وانا حاطين لي شفاطتين كهربائيتين على صدري تشفط الحليب عشان الصخونه تنزل
والله العظيم ماتمر الساعه الا وصدري ممتلئ لدرجة ان الحليب يطيح من نفسه وتجي الممرضه تشغل الشفاطه
فوق هذا كله ولدي يرضع بعد ((يعني اشفااطاات من صوب وولدي من صوب والحليب مازال بالتدفق))
بالرغم ان ورزني لما ولدت 52
واكلي جدا ضعيف نتيجة التعب
ماخبي عليكم انا كنت مرتاحه لما كانوا يشفطولي لاني ابي افتك من الالم والصخونه والتعب بس ماكنت اعرف اضرارها
تبون تعرفون وش اضرارها اللي صارتلي؟؟؟؟

7
7
7
7
7
7
7
7
اول شي واهم شي ابتدى الحليب ينشف تدريجيا لين خللللللللص وولدي عمره شهرين تخيلوا بهالسرعه نشف؟؟؟
ثاني شي ترهل فضيع بالثدي بعد ماكنت امل الصدر المثالي اللي اي بنت في الدنيا تتمناه
والله يابنات اني اتعب لما اجوف صوري قبل الحمل اشلون كان شكل صدري واشلون صار الحين مترهل وطري بس الحمدلله بعد قيامي بتمارين الصدر صار في تحسن بنسبة 30 بالميه وبديت ارتاح نفسيا
ثالث شي كانت عندي الالام في مفاصي يدي من كثر ماكنت اشفط الحليب بشكل يدوي حتة ظهري ذبحني من التدنع
رابع شي اتضايق لما اتذكر الموضوع واعرف كيف كنت غبيه لما ادمنت على مكينة الشفط وكنت ماعندي خبره باضرارها
عشان كذا ياخواتي قلت بنصحكم لوجه الله تبتعدوا عنها ودوروا البدائل
اتمنى يكون موضوعي عجبكم ومابي منكم الا الدعاء لي بان تعبي في الرضاعه ما يتكرر بولاداتي الجايه لاني تعقدت
يعني انتو تخيلوا توني نفاس وخارجه من المستشفى بعد ولادتي بيومين الا وارجع وارد مره ثانيه وترقيد وفحوصات وابر وكشف وووووووو
الله المستعان بس ويعوضني خير وياجرني على تعبي
ابي ردودكم الطيبه الله لا يخليني منكم

[سموة الشوق]

حمدا لله على سلامتك خيتو الغاليه
وبارك الله فيك لإفادتنا وجزاك الله خيرا وربي يسهلك دروب الخير وينور طريقك ويسعدك دنيا وآخرة.

[ام هناء]

الحمدلله على سلامتك حبيبتي اجر وعافيه ان شاء الله

وجزاكي الله كل خير على التنبيه

وان شاء الله ماتتكرر معاكي هالمشكله ثاني مره

[اشيل الهم]

كلامك صح.........
انا صار فيني جذي لان كنت اشفط الحليب واعطيه لبتي بالرضاعه ومستانسه لان بنتي تشبع وتنام بي بعد فترة نشف حليبي كلش وحتى من اشفطه مايطلع حليب!!!!
وناويه باذن الله هالمره ارضع طبيعي...بس انصح كل حامل ناويه ترضع ان تشتري كرسي الرضاعه جدا مريح ويساعد على انك ترتاحيين وقت الرضاعه وما تزهقي

[ريناد عزيز]

حمداللة على سلامتك وماتشوفي شر ومشكورة عالمعلومات اللي بصراحة فادتني وان شاء اللة تكون اخر تجربة لك والدنيا تجارب زي مايقولوا

[حنين الجنة]

انا مشكلتى نفس مشكلتك كانت بنتى ماتعرفش تمسك الحلمه بس انا قالولى على الشفاطه وما رضيت
قالوا خلاص نزلى الحليب بأيدك
وصرت انزله حتى جف تمااااااااااااااما
ورضعت بنتى صناعى بعد اسبوع فقط من الرضاعه الطبيعيه
زائد الدمل اللى طلعلى بصدرى
الله يقوينى يارب ولو حملت تانى ان شاء الله اقدر ارضع طبيعى

[ام مطمئنة]

السلام عليكم عشقت الحب وحمد لله على سلامتك
ياعزيزتي ليس جهل وليس خطأك انك لم تتمكني من ارضاع طفلك ولكن الحق على الذين ساعدوك بالولادة كان يجب عليهم ان يوجهوك للطريقة السليمة لارضاع الطفل حتى لاتتخبطي ولاتتعرضي لتلك المشاكل
وبالنسبة لبعض الامهات اللاتي يعانين من ادرار مفرط للحليب فالحل هو ورق الملفوف الاخضر يلين بالشوبك ويلف به الثدي فيخفف من الالم ومن ادرار الحليب ..
ولكنك الله يسامحك ماكان لازم تعطي الطفل الصناعي منذ اليوم الاول لان الطفل سينام لفترات طويلة ويبقى الحليب متراكم بالصدر مما يسبب التهابات وحمى واحيانا خراج .
بالنسبة لحليبك نشف بسبب الحرارة والمرض وارضاع الطفل الزجاجة وليس الشفاطة عزيزتي وبالنسبة للترهل صدقيني الثدي يبدأ بالتغير بسبب الحمل اولا وبالعكس الرضاعة الطبيعية تحسن من انسجة الثدي ..
على العموم الانسان يتعلم من اخطاءه وان شاء الله المرة القادمة تنجحين بارضاع طفلك .
اختي اشيل الهم غريبة لماذا لم ترضعي الطفل مباشرة من صدرك ؟؟
الاخت مصرية مغتربة ايضا لماذا نصحوك بالشفط ولم ترضعي مباشرة ؟؟ ولماذا تنزلين الحليب وترضعين طفلك الصناعي !!

[شموسه]

الحمدالله على سلامتج

اول مره اسمع شفط في المستشفى


انا الحمدالله حليبي ينشف بعد 10 ايام من الولاده قولو اماشاء الله

[عشقت الحب لجل عيونك]

الله يجزاكم خير على الردود الطيبه وتسلمون علمعلومات بس انا استغربت على رد العضوه شموسه
لانها مستانسه انها يخلص عليها الحليب في خلال 10 ايام بااااااااااااااااااااااال
سبحان الله

[شموسه]

الحمدالله اكيد بستانس تدرين تقعد ساعه على الرضع وانا ظهري يتكسر وحالتي حاله الحمدلله انه في حليب في الجمعات وانا مو بكيفي يخلص الحليب من الله سبحان الله بس اول عشر ايام ارضعهم بعدين يوقف الحليب ليش ؟؟؟العلم عند الله ....


سبحان الله