°•.¸.•°°•.¸.•°ملتقى الحوامل الرابطات عنق الرحم°•.¸.•°°•.¸.•°

[زوجة ياسر]

سلام عليكم..كيفكم حوامل إن شاء الله تمام ..انا الحين حامل باخر اسبوع بالخامس وسويت عملية ربط بالاسبوع 14 سبب ربطي كان ولاده مبكره بنص الشهر السادس سببها كان ضعف في عضلة عنق الرحم..راح احكيلكم وش صار معاي وقتها يمكن تستفيدوا..يومتها صحيت من نومي وكنت حاسه اني حشرانه قمت من السرير حسيت انه نزل مني شيء حسبت اتبولت الله يكرمكم قلت يمكن لانه كنت مره حاسه اني محشوره دخلت الحمام الله يكرمكم لقيت مويه شفافه على افرازات شويه بيضاء ماافتكر اني شفت دم طبعا طنشت وماتكلمت ولا بالعاده لاصار اي شيء ادق على امي واسالها على اي شيء وكل مااسالها تقولي كل الحوامل كذا طبيعي اتطمني طفشتها من كثر ماسالها إلاا هالمره طنشت ومااتصلت عليها وكلمتها قلت اكيد شيء طبيعي افرازات عاديه قلت مادام مالها ريحه ولاشيء طبعا صحيت وحاسه انه مره خامله وكسلانه وكنت صايمه وقتها زوجي رجع من دوامه بعد العصر وكنت احس بالام زي الدوره بس خفيفه ايوه صح افتكرت انا بحملي الاول كنت احس بحركة البنت اول مااصحى اول ماافتح عيوني احسها ببطني ترفس الاا هاليوم صحيت مااحسيت بحركتها جلست استنى حركتها مااتحركت جلست خايفه كلمت زوجي قالي يمكن عشانك صايمه لما تفطري بتحسي بحركتها اذن المغرب وفطرت وبرضوا ماحسيت بحركتها دقيت على امي وقلتلها اني مااحس بحركة البنت امي مسكينه خافت وقالت لي على المستشفى بسرعه انا من يوم ماقالت على المستشفى على طول الدموع بدات تنزل من عيني وماعد قدرت اكلم امي عطيت الجوال لزوجي يكلمها وانا قمت البس مريت على امي واخذتها معاي رحت للمستشفى دكتورتي كان عندها حالة ولاده وكمان عندها مراجعات مره كثير يعني لو اخذت كشفيه بستنى كثير لدوري قلت لزوجي ماراح استنى بروح اي مستشفى ثاني عشان اطمن رحت مستشفى ثاني كان وقتها تداوم عندهم دكتوره باكستنيه وماكان عليها زحمه وطبعا الام بطني كل مالها تزيد وتمغصني وانا احسب عندي امساك الله يكرمكم احس بمغص الدوره ومغص ثاني احسبه امساك المهم دخلت لدكتوره كشفت على وقلتلها اني مااحس بحركة الجنين ورتني الجنين قالت شوفي بيتحرك ماافي شيء كل شيء تمام بس انتي ارتاحي واشربي سوائل كثيره ونامي على جنبك انا اطمنت قلت مافي شيء خلاص الحمد لله بس والله يابنات اني خرجت منعندها والآم تزيد كنت اطمن نفسي واقول الدكتوره قالت كل شيء تمام بس يبالي راحه ورجعت على بيت اهلي زوجي انا وامي وهو ماشي على الدوامه كان وقتها الساعه 10بالليل تقريبا انا دخلت الحمام الله يكرمك واحس حاجه بتنزل علي جالسه اتحسس بيدي حسيت حاجه ثقيله طلعت كيس الجنين نازل انا ماستوعبت لسه قلت كيف ايش هذا معقوله بولد لا كيف دوبني رجعت من عند الدكتوره قالت كل شي تمام واتحسس ثاني مره واقول لسه باقي ثلاث شهور مره مني مستوعبه وناديت على امي ماعد قدرت اخرج من الحمام الله يكرمكم واقفه عند الباب مااقدرت امشي واصيح على امي امي جاتني خايفه تقول ايش في قلتلها احس بحاجه تنزل واصيح واحس بينزل بزياده واصيح وابكي امي خافت علي دخلتني الغرفه ودقت على زوجي ودقت على ابوي وجوا اخذوني المستشفى طبعا اللي براجع في دخلت قسم الولاده على طول قالولي الرحم مفتوح كامل خلاص ولاده بعدين افتكرت المويه اللي نزلتلي كلمت امي جلست تخاصمني قالت ليه ماتكلمتي من اول المهم ولدت وجبنت البنت جلست يمكن 5دقايق وتوفت ياربي تجعلها شفيعه لي ولابوها يارب والحمد لله الحين ربي عوضني بحملي هذا إن شاء الله ربي يتم لي هالحمل ويثبته ولكل حامل يارب ويرزق كل محرومه يارب طبعاالنفسيه زي كل واحده فقدت اللي ببطنها طول الوقت خايفه وطول الوقت افكر الله يعدي هالايام على خير يارب ..وهذه قصتي>>>صارت روايه مو قصه سامحوني طولت عليكم بس ايش اسوي صاحيه لوحدي وطول الوقت افكر باللي صار لي يوم ولدت قلت خليني احكيلكم..اتمنى تقبلوني بهالتجمع..