دردشة حوامل أهل جدة - دردشة بنات جدة - تجمع حوامل مدينة جدة

[Heba Habib]

صباح الورد و الفل و الياسمين على كل الحوامل التعبانيين :)
كيفكم
ان شاء الله ما تروحوا تناموا وتتركوني زي كل مره :)
الاخت اللي تسال عن الطهور
انا كنت ابغى اسويه عند دكتور كويس في عيادة بس ماما قالتلي لاء احسن في المستشفى هم يطهروه على طول بعد الولاده احسن من استنى ايام او شهر
و انا ان شاء الله بولد بالاطباء المتحدون
و ما عندي خبره فحسمع كلام ماما
وربنا يسهل علينا جميعا
آمين

[نبضي دعاء]

هلا هبة حياك كيفك اليوم

[Heba Habib]

هاي يانبظي
كيفك و اخبارك واخبار النونو
انا الحمد لله
بس طفشانه :)

[Heba Habib]

كان عندي سؤال ( كثرت اسئلتي واستفساراتي ) معلللللللللللللش
هل اكل التمر بيساعد في تسهيل الولادة فعلا ؟؟؟؟
ايش فوايد اكله بالثامن والتاسع ؟؟؟

[نبضي دعاء]

زيك طفشانةةةةةةةةةةةةةةةةةةةةةةةةةةة
التمر ماعندي فكرة بس اذا جات الولادة اكيد ذا مذكور في القران بس بعد بداية الطلق

[Heba Habib]

انا بدات اكل التمر من اليوم و انا بعد 12 يوم ادخل التاسع ما يضر اعتقد صح ؟

[نبضي دعاء]

ماعندي فكرة بس امهاتنا مدمنات تمر ولاعمرة سواء شي مااعتقد فية مشكلة

[إبحار]

صباح الخيرات والليرات ..
أخبااار الحوامل الحلويين ؟؟
إن شاء الله تمام ..
بالنسبة للتمر مفيد جدا وكليه في أي شهر وعندك دحين بالصيف الرطب من أنواع التمور مرة لذيذ
وكمان في تمر العجوة هذا مفيد جاد خصوصا في التاسع كلي منه قد ماتقدري ....

أمس الظهر رحت موعدي في فقيه وكان الساعة وحدة لما جيت الدكتورة ماكانت موجودة والانتظار مليان حريم من الصباح يستنوها وجات الدكتورة عالساعة 2 ونص وكنت أنا من أوائل الحريم اللي دخلولها لاني جديدة وأول مرة أجيها ,, عملتلي سونار وسألتها بنت أو ولد قالت موباين ,!! قلتلها انا في المستشفى اللي أتابع فيه قالولي ولد , ماردت عليا < حسيتها هيا ماتبغى تقول هوا بنت أو ولد >
وقلتلها أنا مو عارفة أنا بأي شهر ؟ ,, ووريتها الأشعة اللي معايا من أول الحمل لاخر حاجة وسسألتني عن موعد دورتي وقلتلها 24 أو 25 من شهر 11 وأنا اتزوجت 4من شهر 12
وشافت الأشعة وجلست تحسب وفي النهاية قالتلي انتي لسى في الثامن باقي تقريبا اسبوعين اوأقل بكم يوم وتدخلي التاسع !! قالت يعني ولادتي حتكون ع نهاية رمضان وممكن تستنى لـ 6شوال لانها اصلا مو عارفة انا حملت متى بالزبط ؟!!! < وانا نفسي أولد في أقرب وقت, والله شوال بعيد> وقالت البيبي سليم وكلو تمام .. والولادة عندها بـ8 الاف شاملة لكل شي وغرفة درجة أولى ,, وممكن تجي في خارج دوامها .. وبصراحة انا ارتحتلها حسيتها طيوبة وفاهمة والدكتورة اسمها سحر الميلودي,, وطلبت تشوفيني بعد أسبوعين وبس ( وهذي القصة بالتفصيل الممل ) ..

[دانتلا]

سلام عليكم ..كيفكم بنوتات

[دانتلا]

ابحار ان شاء لله تقومي بالسلامه ويشرف احلى بيبي بس عندي سؤال قبل ماتعرفي انو ولد هل كان عندك احساس بنوع جنسه مثلا انا بحملي الاول دكتورتين يقولو ليا انو ولد وانا اقولهم لا والله بنت ومشاء لله جت احلى بنوته وحملي دا من البدايه احساسي انو ولد وما ادري كيف؟؟