تجمع حوامل سوريا-دردشة ورود سوريا-دردشة الغاليات

[Nayota]

نغم طولي بالك وهدي ولاتخافي لا أكيد مارح يحجز وموضوع انو يربيكي انك ماتدخلي كمان مو هيك الموضوع الرجل بيفكر مو متل المرأة
رح قلك شو تعملي اول مايجي عملي كأن شيئا لم يكن وانسي ولاتكبري القصة أغلب الرجال بيحبو طق الحنك عالتلفون مع بنات وبعدين انتي فكري على مهلك شلون بدك تبطلي هالعادة

[يارب أرزقني طفلااا]

يالله عم يطمع اكتر لان دايما بعمل ولا كان في شي وبيجي تا ني مره بيقهرني وببكيني وعاادي مو سألان وك با عتلها رسااااااله( حبيبي وعمري وحياتي كل عام وانتي حبيبي ***** بعشقك)))) اتخيلي شو صعبه والله ما منقصه عليه شي ومن زمااان وعدني وبيحلف انو ما عم يحكي وهلق بفكرني ازاصرت وكأن ما في شي بفكر انو خا يفه انو يحجز بدون شي بقولها وقت بحس حالو مزنوق قال بقلي انتي يلي قهرتي حاللك اتخيلي قال ما بحب حدى يدسلو ع طرف قال انا حدى؟؟؟ااااااااااااااااااه كأني كفرت هيك حسسني

[يارب أرزقني طفلااا]

تصرفاتو ومحسسني انو اناااااااااااااااااااا يلي عم احكي وطق حنك وعم اعمل غلط يعني مو هوه

[Nayota]

معناها هي مو أول مرة بتلئطي عم يحكي ... طيب فكرتي شي مرة تبطلي هالعادة او تسألي ليش عم تحكي مع بنت عالتلفون او انك شو مستفيد من الحكي معا هية بالجزائر ساكنة او عندكون بالامارات ولا مابيفكرك انك خايفة حسسي انتي انك مالك سائلة ازا بعتك على سوريا بيكون هيك ربنا بدو ... انتي هيك حسسي
هية كبيرة بالعمر شي أكبر منو او من جيلك بدك تئعدي وتفكري مزبوط وتحللي كل الوسائل يلي عندك وتشوفي زوجك ليش عندو هالنزعة الحكي مع هالبنت
اهم شي طولي بالك ولا تنفعلي هدي وازا حاكاكي لاتردي بوشو خليكي هادية ومالكة اعصابك وازا غلط بحئك هو
خلي الحق معك مو عليكي

[يارب أرزقني طفلااا]

المشاركة الأصلية كتبت بواسطة nayota

معناها هي مو أول مرة بتلئطي عم يحكي ... طيب فكرتي شي مرة تبطلي هالعادة او تسألي ليش عم تحكي مع بنت عالتلفون او انك شو مستفيد من الحكي معا هية بالجزائر ساكنة او عندكون بالامارات ولا مابيفكرك انك خايفة حسسي انتي انك مالك سائلة ازا بعتك على سوريا بيكون هيك ربنا بدو ... انتي هيك حسسي
هية كبيرة بالعمر شي أكبر منو او من جيلك بدك تئعدي وتفكري مزبوط وتحللي كل الوسائل يلي عندك وتشوفي زوجك ليش عندو هالنزعة الحكي مع هالبنت
اهم شي طولي بالك ولا تنفعلي هدي وازا حاكاكي لاتردي بوشو خليكي هادية ومالكة اعصابك وازا غلط بحئك هو
خلي الحق معك مو عليكي

لا من سنتين من وقت ازوجنا يومها لقطووو وبس كان لحالو عم يصيع بس انا جيت لعندو ولساتو عم يحكي ومتل ما قلتي سالتو انو شو ابتستفيت حبيبي كان يقلي والله ما عم احكي وبس اصيري عندي بقحط للي عم حكيون وهلق وقت قلتلو شو ابتستفيد طيب ليش ما نك مضر قلي مضر ولا ما مضر انتي ما دخللك انا جبتك لتراقبني انا حر (( شا يفه ع جوابو))) كان اول رقمها+21 يعني مو بالامارت وشو عمرها ما بعرف لو تسمعي صوتها كيف عم تتهلك الله يقرف عمرها قلتلو هلق مشانها ابتستغني عني قلي مشا نها ولا ما مشانها انا هيك عقلي هدا الموجوده عا جبك ولا ما عاجبك براحتك)))) شفتي ع جواباتو((( بس والله صوتي احلا منها ومنحكي غزل انا وياه كتير يعني مو بحاجه يالله ع هالسوسه يارب يهديه ويعصمو عن المعاصي.....والله عم فكر ما في اي دوافع اتخلي يحكي ؟؟؟؟هلق بقى المسا بيرججع قااالب وجهو لا حول ولا قوه الا بلله انا في عاده انو بسسسسكت وهوه ابيسكت مثلا ما بادر بأي كلمه الصببح((( يا قلبي والله وجعت راسك بس ما بنسى وقفتك معي اابتعرفي الوحده شو بكون احساسها اوووف يارب

[Nayota]

هلأ طول ماالقصة ماتجاوزت الحكي وطق الحنك لاتخافي ان شالله محلولة وانتي خلي عئلك كبير ولبقى تواجهيه مشان مايصير بينك وبينو مشاحنات انتي بغنى عنها ... واحيانا الرجل بيحاكي بنات مو مشان الغزل وهالقصص بدك انتي تشوفي وتفكري شلون بدك تخليه يبطل هالعادة وتعرفي زوجك وطباعو

[يارب أرزقني طفلااا]

انشاااااالله يااااارب طبعو انو ما ادخل وبس والله عم اقرأء سوره البقره ع نيت الله يهديه والله عم خربط لان عقلي مو معي يلا بعين الله يا قلبي مشكوره ع اهتمامك ادعي الله يسخرلي اياه ويهديه انشالله دوم تبقى خير انتي وبنوتك

[Nayota]

صباح الخير بنات كيفكون
منار وينك ازا راحت حماتك من عندك مابتدخلي لعنا عالتجمع اشتئنالك
ام جوجو وين غاطة لتكوني ولدتي بس بتصور لسا مااجا شهرك
زهرة كمان تعي نئي شوي اشتئنالك اتزكرت وئت كنت حامل بنينو كلو نئ بنئ هههههههههه
ام ندى شو خبرينا اخترتي اسم او لسا
سرؤوة شو شكلك سافرتي على بلد تاني لاحس ولاخبر وين غطيتي نينو اشتائت لجود
ميار وينك مافرحنا فيكي كم يوم كنتي معنا رجعتي غطيتي
نغم طمنينا عنك وردة جورية كمان طمنينا كيف عم تكتبي بالامتحان بتتخرجي هالفصل او لسا باقيلك الفصل التاني
انا من الصبح فايئة ومنشطة كالعادة وحاسة حالي بس بدي كركر مع حدا يلا صحصحو هههههه

[بسبوسة زوجها]

صباح الخير كيفكن صبايا
يسعدلي صباحك حبيبتي نايوتا انا لهلئ سهراني لاني محرورة ومو جاييني نوم وعم آكل شيبس واشرب عصير لان لما بنزعج بتنفتح نفسيتي عالاكل ولما كانت حماتي مو عندي الله وكيلك مضيت هالايام شغل وترتيب لاني كنت مرتاحه منها
وانا كمان هيك عم بصير معي لما بخلص لحدى من كل ئلبي مابشوف الا غدر فيني واستوطا حيطي بئوم بندم كتير وبئول رح انتقم مابشوف حالي الا رجعت عاملو متل اول واحسن واكبر مثال حماتي وسلفتي وامها بيجو لعندي بكرمهن وبحتفل فيهن وبوجبهن بئومو وهنن وببيتي بحرّوني وبحاولوا بشتى الوسائل يزعجوني بئوم انا بتحمل وبسايرن وبعد مايروحو بصير بغلي من غيظي وخاصة حماتي بشكيها لله شو عم تغيظني وبتعاملني عكس مابتعامل سلفتي الله ينتئم منهن
شو اخبارها نايا الحلوة وشو عم تطبخي هالايام؟
انا اليوم كانو عندي بيت اخو زوجي وطبختلن مسئعة قرع بلحمة من دون بندورة ومسئعة بانجان بلحمة وبندورة وجنبن رز بشعيرية وفطاير بسبانخ

[بسبوسة زوجها]

حبيبتي نغم
طمنينا عنك شو صار معك انا هلئ حتى ئريت مشكلتك
معليش حبيبتي تحملي مادامك مبسوطة معو وهو ابن حلال بس ادعي الله يهديه ويحنن ئلبو عليكي ويسخرو الك انشاءالله
انا برأيي بس عملتي حالك مو هامك ومو غيراني ببطل يحكي معها يعني فهميه لزوجك انك مو غيراني منها لانك مابتقارنيها فيكي انتي اكيد اظغر واحلا منها وانتي الشريفة مو متلها واهم شي انو انتي مرتو وحلالو وهو عايش معك وبتطلعو مع بعض بصفتك زوجته بس هي شو بالنسبة الو ولاشي مجرد تسلاية وازا بتعطي تقلها دهب ماببدلك فيها لان مابيوثق فيها
سدئيني الرجال بحب تكون زوجته واثقة من حالها وواثقة انو زوجها بحبها لانها هي بتحبو وكمان حسسيه انك واثقة فيه انو بحبك وانو بسبب اخلاقه ودينه مارح يظلمك او يكسر ئلبك ولان بقدر محبتك واخلاصك الو هو كمان رح يبادلك نفس الشعور ورح يكافيكي انتي اهم شي حسسيه بثقتك بحالك وبحبو الك وطبعا بثقتك فيه
ولاتجاكري وتضربي عليه اكتر شي بيكرهو الرجال بالمرأة هو النكد والمجاكرة وضعف الشخصية خليكي حنونة وادلعي عليه وكوني مرحة لانك زوجته وحبيبته ومابيرتاح غير معك
لاتآخزيني حبيبتي بس كلامي طالع من كل ئلبي وحابي كتير ساعدك وانصحك مابعرف ليش حاسي حالي اكبر منك مشان هيك حابي ساعدك من ئلبي وانشاءالله تكون نصايحي عجبتك