كيف أعرف أعراض الولادة

[ρυяỉтч •]

حبيبتي فيه اعراض تنبهك ان الولاده قريبه ولازم تروحين الطوارئ
مثل تنكب منك مويه الجنين .. طبعا هي مويه دافيه وكثيره ، اذا انكبت ظروري تروحين الطوارئ ولا تنتظرين لانه خطر ع البيبي
وممكن تنزل منك سداده عنق الرحم وهو افراز كثيف وفيه خيوط دم او بني ، عادي لو نزلت انتظري الطلق بيكون قربت الولاده
لكن لو نزلك دم صافي او شبه نزيف ظروري تروحين الطوارئ ولا تنتظرين
واحيانا ماينزل شي ابدا .. بس تبدين تحسين ب اعراض الدوره مغص خفيف علئ الم بالظهر
هذا الطلق تجلسين تنتظرين لين يصير قوي ومنتظم
يعني ممكن يبدا يجيك ويروح فعادي هذا طلق كاذب ماتخافين منه
لكن لما ينتظم ويصير كل 5 دقايق وقوي ماتقدرين تستحملينه لازم تروحين مباشره لطوارئ
طبعا هو يبدا يجيك الطلق كل نص ساعه وبعدين كل ربع ساعه لين يصير كل دقيقتين ..
ف انتي حسب قرب المستشفى ، لو قريب منكم انتظري لين يصير كل خمس دقايق وروحي
لو المستشفا بعيد لا يفضل تروحين من يصير منتظم وكل عشر دقايق او ربع ساعه ، تفاديا للولاده بالسياره
وتقومين سالمه يارب