تجمع رعاية المولود من حديثي الولادة إلى شهر 3

[Marawy]

مرحبا
شخباركم يا امهات ؟ وشلون نونواتكم ؟
بنااات تجمعي (محرم) وحشتوووني فديتكم .. واخيرا صار عندي دقيقه اقدر ادخل فيها واشوفكم .. شيخه ماخذه كل وقتي وابوها ماخذ الجزء الصغير من وقتي اللي فيه تنام شيخة البنات .. وانا ماعندي لنفسي وقت حتى لبسي ما اعرف شنو البس ..

اخباري الحمدلله بخير وصحه وسلامه .. شواخه من فتره مرضت جاها زكام على طوول طرت بها ع المستشفى وقال بداية زكام واعطاني دوا لها استخدمته اسبوع والحمدلله فادها واشوف الحين من يومين رجعت تعطس كثير وتكح وافكر ارجع اعطيها الدوا نفسه .. المشكله للحين ما تطعمت البنت .. تطعيمها يوم الاحد ..لان معطيني موعد بعد ما تكمل شهرين واسبوع تقريبا على كلامهم افضل ! وانا احاتيها وايد ..

جسمي حدث ولا حرج .. مسبب لي ازمه نفسيه والاسبوع الجاي بسجل في نادي رياضه لان نفسيتي تعبانه من كرشتي للحين لينه ومترهله ..! الله يعين بس..

طمنووني عنكم ..؟

مشااعل حبيبتي وحشتيني .. قريت طراطيش كلام ان بنتج فيها شي ؟؟ سلامتها حبيبتي وش فيها طمنيني عليها .. ان شاء الله ما عليها الا العافيه ..

ياهك ربي كبير .. ربي يعينج وماعليه الا العافيه ولدج ان شاء الله .. كلها فتره وبعدين بيصير عادي وبيتعافى لا تحاتين .. تصبري على صياحه فديته بيكون يتألم .. ربي يحميه ..

اقوم حق شواخه وارجع لكم بالوقت الضائع خخخخخ

[ياهم ربي كبير]

المشاركة الأصلية كتبت بواسطة Marawy

ياهك ربي كبير .. ربي يعينج وماعليه الا العافيه ولدج ان شاء الله .. كلها فتره وبعدين بيصير عادي وبيتعافى لا تحاتين .. تصبري على صياحه فديته بيكون يتألم .. ربي يحميه ..

ياهك؟؟ استايل جديد من بنات محرم الحلوات ههههههههههه
ناديني بـ زينب احسن فديتك خخخخخ
الله يسعدك ياقمر مشكورة على كلامك
ان شاء الله يتعافى من الجرح بسرعة
ويصبرني هالأيام اللي رح يتعور فيها

[الاميرة الحائرة]

زينوب الله يعينج علة ولدك وان شاء الله سهاله
والنسيان ترى حتى انا اصلا شكيت بلبنج الكامل يوم ولدت لاني ولدت قيصري
تصدقي مرات انسى اسم خالي الوحيد الله يعينني بس
مشاعل سلامة بنتك ياقلبي تكفين طمنينا قلبي معاكي
وانا الحمدلله بصحه وسلامه وشاغل بالي ايش نوع منع الحمل الي اخدو بعد الاربيعين والاهم
انو مايضرني قولوي تجاربكم وجوجو بخير وتسلم عليكم
وبوسولي اطفالكم

[أم ولودي]

بنات صارلنا موقف لانحسد عليه وانا للحين مانمت ميته من الصياح واللحين جتني زي الحاله النفسيه وبس ابغى ارجع تخيلوا امس ارسلت امي نور عيوني تجيب لي اغراض وياليتني مارسلتها راحت مشى تقول عشان المشي ينفعني وهي راجعه ومعاها الاغراض جاها واحد بالسياره من ورا وصدمها وسحب الاغراض والشنطه وفيها فلوسها وفلوسي وجوالات واغراض مهمه واخذ الاشياء الي اشترتها ولما سحبها طاحت امي بالارض والشنطه والاكياس لسى عالقه بيدها وانسحبت بالشارع قام رجع بالسياره وامي معاه مسكينه تنسحب بعدين عطاها بكس وضربها بكل حيله وعلى وجهها وصدرها وطاحت بالارض ورجع عليها وراح اه يابنات بس لو تشوفون امي ووجهها وضيقة صدرها على نفسها وعلى الفلوس والجوالات والي صار فيها حسبي الله ونعم الوكيل وانا عاد نفاس وخايفه على نفسي من الي صار فيني وكثر ماخفت على امي وصارخت وبكيت بكل حيلي وصار فيني ما لا يعلم فيه الا ربي تكفون يابنات لعل فيكم من له دعوه مستجابه تكفون ادعولي انا وامي ربي يعوض علينا هالمبلغ والاغراض الي راحت ويبليه بنفسه مثل ماتعدا على امي وضربها ورماها بالشارع وسرق فلوسها وهي اصلا تعبانه بالضغط والقلب حسبي الله وكفى

[@ام عبدالله]

اهلين شخباركم.مع انونات ان بدأت تطيب فاطمه. وماتبكي كثير. بس خايفه تجيهأ العين ههه

[لييتا]

زينب هلا وانا ملاحضه ليش كم يوم ماتدخلين المهم الحمد لله انش دخلتي وانتي بخير
بالنسبه للنسيان والله اني من كثر ما انسى اشوف الساعه الى رضعت فيها بنتي ولمان تجي ترضع او تشرب حليب المره التاني والله اني اجلس ادكر اقول يارب الساعه كم هي رضعت ؟؟؟؟!!!!!خليها بالسهاله بس وخليها على ربش ربنا يعينا يارب
وربي يعين ولدك ويعينك معاه لاتخافي ترى الله عزوجل ارحم به مننا نحنا الامهات لكن سبحان الله قلب الام دايم حنين اهم شي اصبري وطولي باااااالك وخلي بوله الله يكرمك يجي على الجرح البول مفيد للجروح لانوه قلوي
ربنا يسهلك طمنينا
وختان مبارك ان شاء الله

[لييتا]

قلبها فيصل
حسبي الله ونعم الوكيل
الللف الحمد لله على سلامة امك
سلامتها ماتشوف شر يارب ربي يعوض عليكم ويعافيش ويعافي امش ياااارب ويا اختي الحمد لله انها جات على كدا ترى انا اسمع اخص من كدا
المهم انو امكم عندكم حاولو تهدوها وتريضو نفسيتها وربي يحميكم يارب
تقبلي مروري

[ال ماما نوف]

زينب انشالله ماراح يحس بعض الاطفال بس وقتها يصيحون وخلاص قلبها فيصل الله يعوضك وحسبي الله عليه
بنات متى وقف معكم دم النفاس

[أم ولودي]

تسلمون امين يارب الله يعوض وينتقم منه انا ماقهرني الا ضربة امي مسكينه

[أم ولودي]

الماما نوف انا من ولدت الدم تكرمين خفيف وبعد عشر ايام او 15 خف اكثر وبعدها نقط نقط وبعد ال17 او 18 اختفى وصار ينزل اصفر تكرمون واللحين خفيف هذا الاصفر بس مدري طهرت والا لا اللحين لي 25 يوم