تجمع حوامل ليبيا

[عيون زوجي]

سوريناااااااااااام..توءمي الغالي وينك
كيف حال سرورتك وحال الحمل معاك
سرورتك تمشي ولا مازال وتتكلم ولا لا وكم مدايرة سنون لتوا نبي تفاصيل تامه
تعرفي شن درت من عمله في سارة بنتي
من اسبوعين فاتوا ما كنتش نحساب روحي بنروح في رمضان راجلي كان مسكر راسه يبيني انجيب في المانيا وشعر بنتي خفيف هلبه نصحتني وحدة جزائريه قالتلي لازم نحلقه تو يكثف ويزيد وفعلا حلقته وتوا كيف بدي يطلع قاعد مش امبين وانا مروحه بعد اسبوعين انشاءالله وزعلانه جدا على شعر بنتي بس الله غالب درتها بيدي ولمصلحتها...

[عيون زوجي]

ام روفيدة انا امس قريت بعض قصص الولادة في المنتديات وعرفت ان دهن المنطقه اياها بزيت السمسم يزيد من قوة عضلات المهبل وما تحسيش بالم الكشف ولما يجيك الطلق بأذن الله ادهني ظهرك وبطنك بزيت زيتون فيه حبه البركة ونقعي رجليك في اميه دافيه مدة 10 دقايق تو ايخف الالم ويزيد من فتح عنق الرحم

[عيون زوجي]

عندي اقتراح ياريت توافقوني اعليه
شن رايكم نكتب قصص ولادتنا بالتفصيل زي بنات المنتديات التانيه بس في تجمعنا هذا
ياريت لولي الحبوبه تبدا بينا لانها اخر وحدة جابت ونسامحوا ساجدة وصابرة وكان يبوا يكتبوا ياريت والله
وبعدها ام روفيدة توتي روحها وثم سورينام وبعدين انارايكم؟؟؟؟؟؟؟؟؟؟؟؟؟

[عيون زوجي]

لولي وينك.............

[hatoo]

اهلين بنات شنو الاخبار عندي سؤال اخت راجلي متزوجه لها سنه ونص ومحملتش وطلع عند راجلها دوالي الخصية مفيش وحده عندها طريقه لتخلص منهم غير العمليه الجراحيه

[لولى2010]

اهلين عيون كيف حالك ان شاء الله تو نكتب قصه ولادتى وانا ولدت 35 اسبوع واربع ايام وبالنسبه للفيتامين دال نعطى فيه لها لكن مرة بكل

[لولى2010]

بنسبه للمكياج شوفى ماركه ماك كحلها حلو واسود ويتبت

[لولى2010]

انا زوجى يشتغل فى شركه نفطيه اسماها شلمبرجير وانت شنى اسماها شركه زوجك

[لولى2010]

هاتو والله ماعنديش خبرة وربي يرزقهم

[لولى2010]

بالنسبه لقصة الحمل من بدايه الحمل وانا مريضه والبيبي ديما نازل وكل اسبوعين نمشي للدكتورة لان انا من قبل اجهضت فى الشهر الخامس بدون سبب فدكتوره قالتلى تعاليلى ونراقبك لين الشهر الخامس لقت انا رحمى مفتوح ومازال سنتى والبيبي ينزل وانا يامه صار فيا لانى تاترت واجد بعد رميت وحولتنى للطوارى وربطولى عنق الرحم وقعدت 5 ايام فى المستشفى وقالولى معش تتحركى لين الشهر التاسع نفكولك الربط ونجيبوك فكنت نفكر ونفسيتى تعبت واجد وبعده ماما ربي يخليها ليا جتنى وانا فى الشهر السادس وقعدت معايا لين جبت

وقصة ولادتى انى يوم الخميس الموافق 24-6-2010 الصبح كنت راقده وفقت ع نخزات فى مكان الربط ولما فقت تميت انحس فى روحى تعبانه وماعنديش جهد وعندى ليه تمشي وتجى انا طبعا ماما كانت عندى وقالتها لها فتمت تسال فيا تقولى قويه انا طبعا نطمن فى روحى ونقوللها لالالالاعادى هدا لعند المغرب حكيت مع اختى ع المسنجر شوى قالتلى انا ديما نجيب بالمنخاص وبعدين تبدى اليه طبعا انا دورينى خفت ولما رجع زوجى قالى كنك شكله تعبانه قالى هيا نمشوى للمستشفى تشوفك الدكتورة كان ولاده تجيبي وكان مافيش ولاده نروحو وانا نقول لالالالالالالالالالالالامافيا شي وشالونى هو امى بالغصب ولما مشيت للمستشفى مشيت للطوارى وزوجى كبرلهم الشطحه وقاللهم مريضه وانا نقول لالالالا ونضحك شوى النرس جابتلى كرسي العجل ع اساس مريضه وانا نضحك ونعلق وشالونى لقسم الولاده ومن هنا تبدى القصه جتنى دكتورة هنديه ودارتلى كشف وياعينى ع الكشف طبعا انا عياط هههههههههههههه وقالتلى لالالامافيش ضغط ع الغرز وحطولى ع بطنى جهاز تخطيط قلب للجنين وواحد تانى يشوف فى ليه ولالالالالالالالالالا والدكتورة درتلى سونار وشافت البيبي وقالتلى حنمسكوك تحت الملاحظه اليوم وتطلعى السبت وقعدت الا الممرضه تشوف التخطيط وتقولى عندك ليه ونبض الجنين يضعف مع اليه وانا نقوللها مانحسش فى شي وعدت كلمت دكتورة تانيه مصريه شوى جتنى الدكتورة وقالتلى امتى درتى كشف قالتلها من نص ساعه شوى قالتلى بنكشف عليك وانا لالالالالالالالالالالالالالالالالالالالالالالالاعل يش بعدها كشفت وقالتلى لالالالالالالالاوين مافيش ضغط ع الغرز انت الغرز قريب تنفك من الضغط قالتلى باسرع وقت نفكها لكى والا يتضرر عنق الرحم وانا طبعا هبال نقوللها انت بتولدينى خلاص بنجينى وفكيه وهى تقولى لالالالالالاانت عمليتك نين تفوتى 8 ساعات ع البنج وفكولى الغرز وانا نعيط وحالتى حاله وبعدها تميت ننزف واستنو لعند الساعه 12 وجى دكتور المانى اسمه استيفن وقالتله قاللها خشوها ولاده وهو كان عنده عمليتين قيصريه قبلى وانا التلاته ومشيت لغرفه الولاده نحساب ماما تخش معايه مابوش يخلوها وانا شيلينى ونبكى ونقوللهم كل منكم انا مافيا شي ههههههههههههههههههههههههه وخشي غرفه العمليات وجانى خبير التخدير وقالى شن تبى بنج كامل ولا نصفى قتله لالالالالالالالاكامل وبنجنى ورقدت .................................................. .... وفقت الا الممرضه تقولى الحمد لله ع السلامه وشلونى للغرفه ماما تزغرت وزوجى فرحان وانا متهلوسه كانه حلم قالولى بنتك فى الحضانه وماما وزوجى شفوها وقالوان هى كويسه ولله الحمدهدا كله الساعه 3 الفجر وقعدت لونه فى الحضانه يومين والتالت فى المراقبه وبعدين طلعوها ليا وانا كل يوم نمشيلها وقعدت 5 ايام فى المستشفى والدكتور كل يوم يشوف فيا
والحمد لله انى ولاده بالسلامه ولونه حبيبتى صحتها كويسه