تجمع للحوامل لتروي كل واحدة قصتها بالتفصيل

[امل في الله]

ربي يرزق كل المشتاقين بالحمل السليم
انا يا اختي اتجوزت من سنه ونص
وتميت 6 شهور من غير اي حمل وبعدها نصحتني اخت ( بنت النور) ربي يجازيها خير ويكتبلها الحمل السليم بالميراميه وفعلا جربتها اول 12 يوم من الدوره كاسه واحده في اليوم وكنت بشرب اناناس وباكله وبشرب عصير عنب
وبعدها ربنا كتبلي الحمل لكن كان ضعيف ونزل لحاله في الاسبوع السادس
وكان في شهر فبراير الي فات وجت دوره واحده بعد الجهاض وربنا كتبلي الحمل تاني وكانو تؤام وبعد ما ربنا كتب لقلبهم بالنبض كمان وقف النبض وعملت عمليه تنظيف وكانو في الاسبوع التامن اخر شهر مايو الي فات
وبعدها جتلي دورتين وكمان اخدت ميرميه وزدت في الدعا وقيام الليل تقريبا يوميا والحمد لله ربنا قدرني واتصدقت بالي اقدر عليه
وكتبلي الحمل وكانت اخر دوره في اخر يوليو (اول رمضان)
والحمد لله والشكر لله وصلت للشهر السادس
ربنا يتم علي خير ويفرحني بيه يارب
وان شاء الله ولد

وعملت تحاليل كتير علشان نعرف السبب وكان رد الدكتوره ان دي رحمه من عند الله
اللهم لا اعتراض ابدا ومن اول الحمل ده وانا باخد اسبرين اطفال

بصي اهم شيء (لا تقنطوا من رحمه الله) وزيدي الدعا وعندك يقين بالاستجابه وادعي لنفسك وللناس وربنا ان شاء الله قادر يقرح قلبك وقلب كل المشتاقين