ادخلوووووا بحكيلكم قصتي الغريبه جدا ورحمه وفضل ونعمه وكرم ربي الرحيم عليا

[ام بودى الصغير]

الف سلامه عليكى وربنا يتمم شفاكى على خير وما شا الله الدكتور بتاعك ممتاز تابعى معاه
احمدى ربنا كتير
وانا هحكيلك حكايتى عشان تعرفى لطف ربنا بينا
انا كان يجينى الم كتير فى جنبى الشمال كنت افتكره من الكليه واخد حقنه مسكنه ويخف لغايه فى يوم من سنه بالظبط جانى الالم ومستحملتش نقلونى المستشفى وعلقولى محاليل وعطونى فيها ست حقن مسكنه غير الحبوب يمكن برضه سته وكمان حقن مسكنه كل ده ولا نفع معايا فضلت طول النهار المهم عملولى اشعه مقطعيه وعاديه وسونار ومبنش غير انى فى حاجه على المبيض الشمال او المثانه مش عرفوا بعدها فضلت اسبوع بين الدكاتره وبعد كده قرروا دخول العمليات لانهم قالوا احتمال كبير كيس على المبيض ودخلت العمليه وكان كيس حجمه 10 سم
شالوه والحمد لله اضطروا يشيلوا معاه المبيض لان الكيس امتص المبيض فيه كده قاللى الدكتور فى اوضه العمليات بعدين فهمت بعد ما طلعت نتيجه تحليل الكيس اللى طلع ورم حميد الحمد لله ان الدكتور لازم يشيل المبيض فى حال يشك فى وجود ورم غير حميد بس الحمد لله كان حميد والحمد لله متابعه علطول عشان لو طلع ورم تانى على المبيض اليمين يعالجوه قبل مااوصل للحاله دى تانى والحمد لله مريت بفتره صعبه خالص واتعديتها بفضل الله وبالتدريج طلعت من حاله الاكتئاب اللى كنت فيها وقلت اكيد ده الخير ليا
وفى الاخر حبيت احكيلك حكايتى لان الانسان لما يشوف احوال الدنيا بيشكر الله على حاله والف سلامه عليكى مره تانيه