@@قصص من ذاكرة الطفولة @@

[(ملاذ الروح)]

قصص من ذاكرة الطفوله

تعودت اسماعنا منذُ الطفولة على سماع الحكايا
حين كانت تضع أُمي كفيها على رأسي وتهدهدني
بيديها الحانية ، كبرنا وكبرت تلك الحكايا معنا
واصبحت ميراث جميل يتوارثهُ الابناء عن الاجداد ، للقصة اثرها التربوي والسلوكي في تغير شخصية الطفل ، ولها دورها الايجابي في غرس القيم والمفاهيم التي تكبر معها تلك الحكايات



،،

للحكايا دور في الاسلوب التربوي اسلوب الترغيب والترهيب الذي جاء بالقرآن الكريم فالقصة موجودة منذُ 1400 سنة حين نزل الوحي ع سيدنا محمد صلّ الله عليه وسلم { وَرُسُلاً قَدْ قَصَصْنَاهُمْ عَلَيْكَ مِن قَبْلُ وَرُسُلاً لَّمْ نَقْصُصْهُمْ عَلَيْكَ }

( وَكُلا نَقُصُّ عَلَيْكَ مِنْ أَنْبَاءِ الرُّسُلِ مَا نُثَبِّتُ بِهِ فُؤَادَكَ )
ليثبت الفؤاد ويصبر ولـ اخذ العظة والعبرة من الامم السابقة

هنا سيكون لنّا وقفةُ مع تلك الحكايا والقصص
التي روت الفؤاد واطمئن لها القلب

عيشوا معنا وتعايشوا زمن الطفولة
واختاروا الانسب مما ترونه لـ ابناءكم
لأن للقصة دوراً فعال في شخصية الطفل
وسلوكياته المختلفة

[ريحانة الجنة]

عسااااااااكي على القوة ملاذ
موضوع ممتع وشيق
احلى تقييييم
ومتابعييينك

[(ملاذ الروح)]

ساندريلا




كان ياما كاااان
كان في بنوتة رقيقة وقمورة اسمها سندريلا الحبوبة


ورثت طباع جميلة
من ام نادرة في الطيبة والاخلاق
واتنقل جمال روح مامتها اللي اتوفت
لجمال ااااااالشكل كمان



كان ليها اب طيب حنون اتجوز مرة تانية من ست يا ساتر
علي طباعها متعجرفة مسيطرة ومعاها بنتين
نسخة كربونة منها

طبعا مع طباعهم الشرسة حصلهم غيرة من جمال السندريلا
وابتدت الام وبناتها يستغلوها في تنضيف البيت
وخدمة البنات
لكن البنوتة كانت ودودة ومن كل كائنات ااااااالكون محبوبة

لكن المسكينة حتي باباها مقدرش يعارض مراته
لانها كانت غنية
وهي اللي بتصرف علي البيت فكان بيشترك معاهم
ويقسو علي بنته سندريلا


وفي يوم خبط الباب وجه مرسال وفي ايده رسالة
دعوة من الامير مكتوب فيها انه عامل حفلة كبيرة
وان سعيدة الحظ اللي هتخطف الفؤاد هتصبح هي الاميرة



طبعا الدعوة جت عل هوي الاختين وابتدوا يفكروا
ويحكموا علي المسكينة انها تختار بذوقها الرفيع ليهم
اللي يليق عليهم ويحليهم


وبطيب خاطر اختارت بحب اجمل حاجة يلبسوها
وكمان عرضت عليهم تعملهم احلي تسريحة
وهي بتوضب فيهم سالوها بخبث ومكر

-ايه رايك يا سندريلا تيجي الحفلة معانا
ردت المسكينة: انتوا بتتريقوا عليا هو انا اقدر اروح حفلة زي دية
مسكتها مرات ابوها الشريرة وقالت
هو معقول تروح حفل كبيرة بهدومها القديمة


بعد مالبستهم ووضبتهم
وودعتهم بدموع في عينها
واحلام القصر جواها بتنده عليها








دموع السندريلا اثرت في الساحرة الطيوبة
وطبطبت عليها بحنان وقالت لها
نفسك تحضري الحفلة
ردت سندريلا من بين دموعها
نفسي.. نفسي


قالتها الساحرة طيب روح هاتيلي من الجنينة حباية قرع
وفعلا سمعت سندريلا الكلام
وجابت احلي حباية قرع
وحولتها الساحرة لعربية بديعة
وحولت عدد من الفيران والسحالي بعصاها السحرية
لخدم وحشم وخيول يجروها باجمل جميلة


وبضربة بعصاها السحرية

حولت الساحرة سندريلا لاجمل حورية



واشترطت علي السندريلا مع دقات منتصف الليل
لازم تسيب الحفلة وترجع في غمضة عين
لانها لو قعدت دقيقة زيادة كل حاجة هتعود لاصلها
هترجع لفستانها البسيط والعربية لحبة القرع والخيل للفيران
والخدم للساحالي
ووعدتها سندريلا انها هتسيب الحفلة وقت الميعاد تمام
وركبت الاميرة اللي سحرها تعشقه العين




لمحها الامير
واتخطف قلبه معاها بسحرها
وهوكمان خلي اوتار قلبها
تتاثر بسحر نظرته لها



وطبعا الكل بقي يقول مين تطلع الجميلة


والغيرة اكلت الاختين اللي قلوبهم شريرة



واتقدم الامير وانحني بهيام ومسك ايد الجميلة


ورقص معاها علي نغم الالحان



واخدها معاه لعالم كله سحر وخيال



وسمعت سندريلا وهي في دنيا الخيال دقات الساعة 12
وجريت من الامير ومع لخبطتها وقعت منها فردة جزمتها



وحزن الاميروفضل يدور علي الاميرة


وامر الحراس بالبحث عن صاحبة الحذاء
لف الحراس علي بنات البلد لكن الحذاء كان اصغر من اي مقاس
ووصل الحارس لبيت ست الحسن والجمال
استقبلوه الثلاثي المرح وطبعا مكانش ينفع تكون الرجل علي اد المقاس


وسال الحارس لو فيه حد تاني موجود معاهم
قالولوا فيه بنت غلبانة مش ممكن يكون ملكها
اصر الحارس لانها اوامر من الامير ان الكل لازم يجرب المقاس
وندهوا عليها بلهجة فيها ضحك وهمز وتريقة

وجرب الحارس الحذاء اللي كان علي مقاس السندريلا تمام



وراحت لبست الفردة التانية كمان
وبضربة سحرية من الساحرة الطيوبة اتحولت البنوتة الخنوعة
لاجمل عروسة


واتعرفوا عليها الاختين وطلبوا منها السماح
قربت منهم السندريلا وقالتلهم انها بتحبهم ومن جوة القلب مسامحاهم
واتقابلت السندريلا مع الامير وكانت في عنيه اجمل الجميلات
وخطفها لبدء حياة تجمع بينهم وتكون سعيدة




دي يا حبايبي الحلوين قصة جميلة من ايام الزمن الجميل
اتعلمنا منها ازاي الرضا والتواضع والخدمة بمحبة
بتحول الالم لفرح وازاي ربنا بيكافيء في النهاية كل مظلوم

[(ملاذ الروح)]

يسلمووو ريحووونه
طلتك زدات موضوعي رونق وجمال
باقه جوري لعيونك

[soma adel]

قمه الرووووووووووعه

[المهـ ـرة]

ايووه هذا فريقي القوووي
وهذا هو الابداع
ليّ عودة ان شاء الله للقراءة المتأنية

فقط تسجيل حضور اعجاب

محبتي وتقديري واحترامي

[(ملاذ الروح)]

سوما الاوروع طلتك علي الموضوع
باقات من الجوري لعيونك

[(ملاذ الروح)]

العيطبول كنت منتظره هالطله عشان يكتمل جمال الموضوع
الابداع حضورك واعجابك بما طرح والفضل الاول والاخير يرجع ليك يااحلي قائده بها الكون
اجمل تحيه مغلفه بالود ولاخاء

[المهـ ـرة]

الحكايا وقصص ماقبل النوم
وتلك الطفولة التي تحبو في ذاكرتي
وتعلمت المشي لازالت واقفةٌ عند كفوف أُمي
ويديها الحانيّة التي تتلمسُ شعري كل يوم
لازلتُ اتذكر حكايا جدتي رحمة الله عليها الشامخة
لازلت اشتمُ رائحة حنّاها واتنفسها

عدتِ بيّ ياملاذ الروح
الى زمن لم يغب بل بقي حاضراً بكافة تفاصيلة
وذهبتُ معكِ برحلة غيمتها بيضاء تمطرُ فرحاً وسعادة
فرحتُ كثيراً لـ هذا الحضور
شكراً لـ هذه النسمات الباردة
شكراً لـ هذا الحضور الزاهي ادباً واخلاقاً


فخورةٌ بـكِ وبريحانة الجنّة ـ وبـ أم جمال
فريق احببتهُ كثيراً وسعدتُ به ومعه




محبتي وتقديري واحترامي

[ريحانة الجنة]

المشاركة الأصلية كتبت بواسطة العـيطبـول

فخورةٌ بـكِ وبريحانة الجنّة ـ وبـ أم جمال
فريق احببتهُ كثيراً وسعدتُ به ومعه




محبتي وتقديري واحترامي

سبق وان اخبرت بها

ياريتنا جيران دااار او ذو مقربة ويافخر من هو مرتبط فيكي اكيد
مشكورة للاطراء