تجمع رعاية المولود من حديثي الولادة إلى شهر 3

[عيش الحياة]

مشكورة ملكتني

الله يحفظ اطفالك

ان شاء الله اقدر اةفق بينهم

وانا زيك ما اهدي احد على فكرة انا اللي ولدت مفرووووض هو يهديني

[ملكتني بهمسك]

عيش لا شكر على واجب يا الغاليه ويحفظلك عيالك يارب ابد ريحي نفسيتك الان ولدك في حاجتك ولازم تعوديه على اخته لان من 4 شهور هي في حاجت اللعب على قولتك بجد المفروض هم يهدونا مو العكس المفروض الزوج يهدي زوجته لمن تخرج من الاربعين نحنا كذا بس زوجي مريح نفسه الله يسامحه وانا ما احب اطلبه جاب شي من طيب نفسه اهلا وسهلا واذا ما جاب شي نفسي عزيزه ما اذكره

[غايتي الجنة]

اهلين بالغوالي




اخباركم؟؟مشتاقه لكم قوه اسفة اني ماادخل بس انشغلت مع ولدي طهرته وتعبان وحالته حاله والمغص ذبحه وشكلي بكرى باذن الله بروح اشوف الطهره لانه تعبان وبس يصيح

وغير كذا الضيوف يدخلون ويطلعون والنت عند اهلي زفت مرات يشتغل ومرات لا


يالله الحمدالله اللي اجتمعنا هنا بعد ذاك التجمع الرائع

اخبار الببيات معكم؟؟البنات الباقين اللي معنا ولدو او لا؟؟طمنوني الله يخليكم

والله قلبي معهن

[Noga88]

يوو بنات الله يعينكم ،،، احنا مانهدي الا الام ومو لازم بعد
شريت لها ساعه،،، والزوج لا طبعا هو اللي يهدي


ميشوو،،، الله بعد حتى ام الزوج لها هديه!! هذي ميزانيه
وزين عندك اجازه حلوو،، انا عندي اجازه مااداوم الا الترم الثاني ان شاء الله ولايطوووفك اوكايدي تخفيضات وملابس تجنن للبنوتات


تخيلوا ام زوجي واهله يدقون علي ومستغربين اني مارجعت بيتي وان اقول لسه باقي بكرا بيني وبين نفسي
وجات امي تتحمد لي ع السلامه طلعت اليوم اخر يوم انا وجهي واحسبه بكرا ههههههه
بس مارحت لزوجي ،، الاربعا بروح

[Noga88]

غايتي ،،، اهلييين ،، مايشوف شر العريس وش سميتيه؟!
وطمنينا كيف عمليتك!!!
ومعذوووره الايام هدي تكون زحمه ع النفاس والضيوف والحووسه


ملكتني،، الله لايحرمنا هالطله ،،، وكلامك اللي بتجمع قطع قلبي بس بااذن الله نتواصل هينا ويصير احلى من التجمع بعد
ونحمل مره ثانيه مع بعض هههههههه مستعجله ع الحمل

[Mishael]

لانوقا احنا مايهدون الام بس انا بخاطري اهدي امي تعبتها معي واحس طلعتي من عندها شيينه
،،

ملكتني يعني اللحين جرحي مفتوح ولاعشان الغرز ومكان الخيط يكون مفتوح وبيتسكر ؟؟ بس انا اخاف مع الحركه والمشي ينفتح على بعضه واحتاج خياطه جديده ؟؟
مررره خاااايفه واللحين الخيوط الداخليه كيف اعرف انها راحت والله شغله
،،

غايتي الللللله يعينك اتذكر كانو يحطون على بامبرز الولد حاجه حمرا مدري عايدين او خواجوا اهم شي لا يستشم
،،

[Malloka]

بنات انا اكتشفت انه جراحتي قريبه من الشرج
مو الفخذ
وبس غرزتين خشنين قواي واحسهم مغروسين
حتى توقعت الجراحه طويله طلعت لا مكان صغيييير يمكن سانتي
هاذيلي الغرز بيطيحون ؟؟
او بيذوبون ؟؟

اللي اعرفه انه لو عرضي جهة الفخذ احسن
بس هذذا ارامكوا الله يهداهم 😔😔😔😔
في احد مثلي ؟؟؟
انا قالي الدكتور الخيوط يذوبون وما احط شي على الجرح بس مويه دافيه

بس انا ماصدقته و احط ميبو
والحين مره بالقطنه واتنقع بماء وملح


وبعد احس لسه الجرح من داخل ما التأم اذا جاه الرشاش بقوه يعور او اذا جلست جلسه مو عدله

اه متى اطيب مليت

[أثري في مدادي]

المشاركة الأصلية كتبت بواسطة عيش الحياة

اثري

الله يحفظ بنتك وولدك

لون البشرة للوجه كل شويه بلون على حسب وضع الطفل اذا كان حران او معصب وغيرة بس اتوقع اللون الاصلي اللي بالبطن وباقي الجسم زي اليد والرجل

ولدي كان وجه اسمر لما عمر خمس شهور بعدها صار لون نفس اليد والبطن افتح

شكراً حبيبتي على سرعة الاستجابة ،،، طمنتيني ،،، ما حسيت بهالموضوع مع ولدي ،، سبحان الله من أول مرة كان لونه موحد أبيض ،،، بالرغم أنه كان دووووم بيصرخ ،،،،
وبالنسبة لعلاقتك بالحبايب
فزي ما قالوا البنات
الحلوة محتاجة حليب ونوم
وهو محتاج اهتمام لكن ،،،،
لازم يحس بأخته ويشاركك في ملاعبتها عشان ما يتأثر لما بتكبر وبتلفت النظر وبتحتاج لإهتمامك أكثر
أنا الأميرة
فارضة نفسها ممكن لأنها رضاعة طبيعية ؟؟؟
دوم بالحضن وماسكة الصدر وما تحب الأرض
هاليومين صارت تتقبل أرض أجدادهااااااا
خخخخخخخخخخ

المشاركة الأصلية كتبت بواسطة mishael

اهلن بنااات وحشتووووني ،،

بنااات انا بالاربعين عند امي وتعبت معي كثييير وبخاطري اشتري لها هديه وابغى اسوي لها كرت حلو فيه كلمت شكر حلوه وياليت تساعدوني
اثري ساعديني مشاءالله عليه عندك تعبير حلو ،،

أهلين ،،،، ميشو ،،،، عساك بخير وإن شاء الله بالسلامة والعافية
وعجبتني فكرة الهدية لحبيبة القلب الماما
والله كنوووووووووووز الكووووووووون ما بيكفوا ذرة من حقهاااااااااااا
حاااااااااااااااضر يا غالية ،،،، انتظريني على الخاص أكتبلك كلمات إن شاء الله تعجبك
وشكرا على الكلام الحلو

المشاركة الأصلية كتبت بواسطة اعز الناس عافوني

يسعد صباحكم بنات
وحشتووني بناات تجمعي
اخباركم وكيف التجديد بعد الاربعين
انا طلعت من الاربعين وبنتي مسكينه مرضت بنفس اليوم
زكام وككحه وكااسسره خاطري رجعت شقتي بس احس مالي خلق شي
ضايق صدري عليها

والله """ دودي """
مزكممممممممممممة وبتسعل ،،،، حبيبتي تقطع القلب ،،،،
شافها الدكتور وأعطاها قطرة للأنف وطارد للبلغم وفيتامين ،،، ومرهم لأذنيها التهبوا حبيبتي من الأقراط
قاللي ::: لما ركبوا ماكانت الآلة معقمة ؟؟؟؟؟
والحمد لله ،،، ولاباس على حبيبتي وديري بالك عليها

المشاركة الأصلية كتبت بواسطة عشوق

صباح الخير
كيفكم .. انا والد ممن 12 يوم واليوم الصباح شفت بسسرة ولدي دم
مع انو سرته طاحت من اربع ايام تقًريبا
مين مر عليها هالشي خابييييفه كثير على ولدي

ولا يهمك ،،، جود ،،، سرتها قعدت طلع شوية دم لـ أسبوعين بعد طياح السرة ،،، بس لازم تعقميها وترشي عليها بودرة المضاد ~~~

المشاركة الأصلية كتبت بواسطة ملكتني بهمسك

غريبه مالحظتو وجودي بصفحه 30 عشان غيرت الصوره يعني ارجع احط حق الحامل احسن هههههههه رشيقات انا ملكتني بهمسك بس مغيره للوك لاني سرت رشيقه

مبارك عليك الرشااااااااااااااقة المبكرة ،،،،
والحمد لله البوسكبان دار مفعول معك
ربي يحفظ المهاااااااااااااا يارب ~~~~ استقر الاسم ؟؟؟؟

المشاركة الأصلية كتبت بواسطة ملكتني بهمسك

اهلا وسهلا باثري اخبارك يا العسل واخبار جود ؟
انا بنتي زي جود وجها احمر وجسمها ابيض طبيعي لين الشهر الرابع بتطلع ملامحها ويتوحد لون جسمها

الله يحفظك ،،، جود مزكمـــــــــــــــــة الله يشفيها ويرعاها حبيبتي
صرت أحبهااااااااااااااااااااااا خخخخخخخخخخخخ

على فكرة ~~~~

نحن ما عندنا هدايا لأحـــــــــــــــــــــــــد ،،، الزوج مفروض يهدي ،،،
والآن عجبتني فكرة الهدية للأم وخصوصا اللي تبهدلت بنفاس بنتهاااااااااااااا

وبعدين شفت إنكم تهتموا كثير بالطلعة من الأربعين ،،، الله يبارك
بس لو طهرت قبل الأربعين أو بعد ؟؟؟؟ بتفرق الحكاية ؟؟؟
ولو نفست ببيتك وزوجك بيشوفك كل يوم كيف التصرف ؟؟؟

[غايتي الجنة]

اهلين نوقا

اخبارك؟؟رراح بطنك او لا؟؟انا بطني مازال وضايق صدري

سميت ولدي فارس الله يصلحه ويشفيه يارب

[Noga88]

غاايتي ،،، يعيش ويحمل اسمه يارب ،، حلوو الاسم مرررره الله يحفظه
وبطني باقي والله كروشه بس كل ماتذكرت احاول اشد بطني وعندي امل مع الرضاعه يخف بأذن الله


اثري،،، ليش انتوا ماتهتموا بطلعت الاربعين ماتسون حاجه؟!
اللي تتنفس عند زوجها اتكلم عن نفسي واهلي عاداتهم والاغلب كذا طبعا
اذا صبغت شعرها تلفه بطرحه ،،، وماتكشخ مرررره ولا تتمكيج ولبسها عادي بجامات
لحد ماتنظف وتسلم نفسها لابو الشباب

مشاعل،،، انا عندي الام لازم اصلا لانها هي اللي تتعب وتشيل هم الله لايحرمنا منهم يارب
بس اقصد ام زوجك لازم هديه!!!!