برنامجي للحمل مين معي ...!!!!!!!!!

[qurany _hyate]

السلام عليكم ورحمه الله وبركاته
ازيكم جميعا اتمنوا تكونو بخير
اختي العزيزه هيام اتمني لكي الحمل في القريب العاجل انا سجلت مخصوص في المنتدي عشان ارد عليكي واحكيلك تجربتي
انا اول مره اسمع بصوره مريم ومعرفش ليه هي بالذات علي حسب علمي ما في نص بهذا لكن عن تجربتي انا جربت تلات حاجات والحمد لله جابو معايا نتيجه من اول شهر
اول حاجه الدعاء الملح والاقسام علي ربنا انه ميردش طلبك ولا ايدك وامنت بالحديث القائل ان الله يستحي ان يرفع اليه العبد يده ثم يرده خائبا فاستغلي كل الاوقات اللي ممكن يكون الدعاء فيها مجاب وارفعي ايدك وادعي بدعوه من قلبك
تاني حاجه انا جربتها هي قيام الليل بشكل متواصل وخصوصا في الثلث الاخير حيث يتنزل رب العالمين الي السماء الاولي ويسأل هل من داعي فاستجيب له
ثالث حاجه بقا اني عملت ورد اذكار مدوامه عليه يوميا لحد دلوقتي وهي عباره عن 1000 صلاه ع النبي و 1000 استغفار يوميا بجانب اذكار تانيه زي الحمد مثلا ( ولئن شكرتم لازيدنكم)
كمان انتي لازم تحسني الثقه بالله وتدعي بالحاح واذلال وتتصدقي وتكثري من اي طاعه ربنا يفتح عليكي بيها واذا لا قدر الله لم يحدث حمل في هذا الشهر فهذا معناه ان الله يحبك ويحب ان يسمع صوتك اكتر بالدعاء فلا تيأسي ابدا
اسفه ع الاطاله واتمني انكو تستفيدوا من تجربتي واتمنالكو جميعا حمل امن وان يرزق اطفالكم الصحه والعافيه وان يمن عليهم بحفظ كتاب الله
وادعولي ربنا يتمم حملي علي خير
والسلام عليكم ورحمه الله وبركاته