تجمع حــوامل التوائم

[أستاذة ذوق]

متلهفـــه
انا ماسويت رباعي يقولون شكل البيبيات مايطلع حلو فيها يعني ع الطبيعه أحلى
وانا قلت مابي انفجع ههههههه اكيد ع الطبيعه بيكونون احلى

[توأم روحي]

صباح الخير
أنا عضوة جديدة حبيت أشاركم فرحتي بحملي بالتوأم
أنا بالشهر الرابع الحين

[ام عيالها]

ياحياتي توأمي صح شفته توني بس كان بالصفحه اللي قبل سوري ياقلبي شلونج؟؟؟
انت من الكويت لان الصابونه شفتها بمنتدى ثاني ويبيعونها بالكويت,,,
ديري بالج لاتحكين بطنج اخذي قحفية رجلج (الطاقيه اللي يلبسها تحت الغتره) او ليفه شوي خشنه حق الحكه....
مرت خالي كانت جذي تسوي ومافيها ولا خط مع انها جايبه خمسه,,,
ماشاء الله

[أستاذة ذوق]

هجــران
والله توأمي كل يوم لهم وضع يلعبون فيني لعب
الحين يقولون روسهم تحت وعاد مادري ماأضمنهم


توأم روحي
هلا فيكي وحياك الله معنا
تستفيدين وتفيدين
عاد انا عالآخر بتلحقيني فتره بسيطه.. يااااااارب أولد وارتاح وتكون ولاده سهله

[توأم روحي]

وعليكم السلام ورحمة الله وبركاته

[ام عيالها]

توامي,,, انا نفسج مابي اسوي رباعي اخاف شكلهم يطلع مو حلو عاد انا صايره حيل افكر
وزوجي شاف صوربيبيات بالرباعي وبعد الولاده طلعتهم من النت قالي انا مابي اشوفهم اذا بتسوين مسكين اخترع,,,,,هههههههههه...

[توأم روحي]

توأمي فرحة عمري
الله يسلمج ما قصرتي
انشالله تولدين بالسلامه

[ام عيالها]

توام روحي,,,هلا فيج
توامي الله يطمن قلبج ويقر عينج بعيالج آميييييييييين طمنتيني يعني في مجال يتغير وضعهم بالتاسع يقولون ان بالسابع يثبت وضعهم؟؟؟

[أستاذة ذوق]

ام عيالها
لا انا من السعوديه
اذا عندكم الصابونه بالكويت ارسلي لكل وحده منا صابونه هههههههه

والله الحكه ذبحتني بدأت معاي من السابع واذا قصيت اظافري ماارتاح
ودي أطولها عشان احك فيها

[توأم روحي]

بنات بسألكم في حالتنا وين قررتو تولدون
بمستشفى خاص و إلا حكومه ( الصباح)