دردشة حوامل أهل جدة - دردشة بنات جدة - تجمع حوامل مدينة جدة

حبيبة زوجها1400 · 07-21-2010, 10:08 AM

السلام عليكم ورحمة الله وبركاته

كيفكم يا امهات .........
اش اخباركم

الله يمم لكل وحدة على خير حملها وولادتها

انا محتارة بين مكة وجدة ...والسبب ان زوجي بجدة
واهلي بمكة

طبعا ودي اولد عند اهلي بس المشكلة مابغى اقلق امي لانها مررررررررررة شيل همي وشفها بولادتي الاولى

ودي الخبر يجيها مفاجأة اني ولدت

بس المشكلة بيتنا في جدة على طريق المدينة ومرررررررة بعيد عن المستشفيات

ودي اولد بمستشفى خالد ادريس بس وين موقعه في جدة بالضبط ...؟؟؟؟؟

Heba Habib · 07-21-2010, 10:37 AM

صباح الخير ياحلويين
وحشتوني كتيييييييييير
انا تقريبا مادخلت اليوميين اللي فاتوكنت مره حاسه باكتئااااااااااااااااااااااااب و بدون سبب
بدات احس اني خايفه ، صرت اللحين احس بالبيبي اكتر من الاول و احس اني بدات ارتبط بيه عاطفيا اكتر
بس مرعوبه من الولاده
و كمان يوم السبت او الاحد مسافره لمده اسبوع و خايفه شوية
و دكتورتي ممكن مش تكون موجوده وقت ولادتي
فا احس ده كله بدا يأثر فيه
حاسه اني لحالي :(
و خايفه
يارب يكون حالكم احسن من حالي و تكونوا بصحه تمام انتم واحلى بيبيهات :)

حبيبة زوجها1400 · 07-21-2010, 02:10 PM

كيفكم ....... ماجاوبتوني وين مستشفى د . خالد ادريس

LOOLOO · 07-21-2010, 05:49 PM

حبيبه............... ياهلا وغلااا فيك منوره التجمع

بالنسبه للمستشفى والله ماني عاارفه وين لاني ميييييح ماعرف شي بجده كثير لاكن يمدحون سليمان فقيه

هبه............. اه بس لاتشكيلي فابكيلك حتى اناا مثلك مو حااالة اكتئاااب احسسسس انه مرض استغفر الله من جد شاااايله هم كل شي ولادتي واهل زوجي برمضان بيجون كلهم ومااافيه شغاااله وزواج اخويه 2يوم بالعيد وربي كررررررررهت نفسي الله يعين

LOOLOO · 07-21-2010, 05:50 PM

ورده .............. لازم تشوفين دكتوره ثانيه ممتازه الله يعينك من جد قهررر وادعي ربي الله يسرها لك

نبضي دعاء · 07-21-2010, 09:37 PM

ياعمري يالوولوو زعلتيني لية مو رمضان شهر ولادتك كيف بيجيك ضيوف احسها مالها داعي يجو كيف بتسوي

وردة العمر · 07-21-2010, 10:17 PM

مساء الخيرررات

كيفكم ياحووامل

قولولي فين اروح من امس وشايله هم وافكررر ساعدوووني

انا كنت بالاطباء عشان دكتورتي بس الحين بأجازه وانا حايسه ادوور

ام هناء · 07-21-2010, 10:20 PM

السلام عليكم ورحمة الله وبركاته

كيف حالكم حبيباتي

انا جديده معكم بالتجمع ^_^

حامل بالإسبوع الـ34 يعني بالشهر الثامن لكن مااعرف لي كم اسبوع داخله الثامن <<تقول ياليت تحسبولي لاني مااعرف ^_^

واتابع بمستشفى الأطباء المتحدون عند دكتورة صباح بس لمن عرفت انها مابتكون موجوده وقت ولادتي حولت على دكتور يوسف قاري بس لسى مارحت له موعدي معاه يوم السبت بإذن الله لانه مافي مواعيد وبعده ان شاء الله بكمل مع دكتوره فاطمه النمر او دكتوره ناهد لانه زوجي ماوافق انه اللي يولدني رجال ومضطره اختار بين هالثنتين لانهم هم الموجودات والله يختار الطيب يارب

وولادتي بإذن الله بتكون 28/8/2010

وردة العمر · 07-21-2010, 10:29 PM

أم هناء انا دكتورتي ناهد بس هيا مسافره شهره ومحتاره فين اروح
وانتي يبقالك 5 ايام وتدخلين التاسع

ام هناء · 07-21-2010, 10:44 PM

وردة يعطيكي العافيه حبيبتي ياالله والله الايام تجري بسرعه معقوله خمسه ايام وادخل التاسع يعني قربت الولاده <خافت وربي

طيب ليش ما تجربي الدكتورة فاطمة النمر شفتهم يمدحوها بالمنتديات الثانيه بس انا لسى مارحت لها وولا جربت تعاملها