اقتباس:
المشاركة الأصلية كتبت بواسطة sosolibya
اعوذ بكلمالت الله التامات من شر ما خلق
اااااااااااه يابنات اليوم تبهدلت
والله صارت فيا حالة
درت فطورنا وفطور العمال
ولهيت فى الكوجينا وطبعا زوجى مشى لعمله
وبدت ريم تهدد تنغنغ
لين سيبتها باش نحط طنجرة الغداء
ومرة تلحقنى للكوجينة فى الصقع
وحتى جرايها فى حوش عيالى
وحمود يحوس عليا
وطنجرتين غداء على النار
لليوم وغدوة
ومافضيتش حتى نمشى لامتعينى نطلب سميد باش نبرمه اضطريت نتصل بزوجى يجب باكو كسكسى ولما عطل درت رز وخلاص
وفى وسط هده القبيضة كلها
حمود يعملها على روحه كبيير حاشاكم
سامحونى انى نشاركم همى بس والله مالى غيركم ياحبيابى
وطبعا نلقى ريمة تمرمد فيه ..............
طول نرفع حمود نديرله حمام
وبعدين ننظف الفراش وفورا ريم حمام
وبعدها ندير انا كمان حمام
ااااااااااه
وهدا كله وكتباتى يعيطو وينادو فيا
لكن باهى راجعت وتلرجمت
الحمد لله
بسم الله الدى لايضر مع اسمه شىء لا فى الارض ولا فى السماء وهو السميع العليم
|
الله يكون في عونك ،،،،،،،،،،،،،،،،،،،،،،،،،،،،،،،،،،،،،
ما ناقصك إلا العمال ،،، عمال شنو هاذوا ؟؟؟
وخلوهم ياخدوا ماكلتهم من برا ،،، أعطوهم مصروفهم وهم يتصرفوا ~~~~
اقتباس:
المشاركة الأصلية كتبت بواسطة شموسه 88
هههههههههههههه
ماشالله عليه ربي يحفضه كم عمرا علولي
|
عمره ثلاث سنوات وثلاث أشهر ،،، الله يرعاه ويهديه
اقتباس:
المشاركة الأصلية كتبت بواسطة sosolibya
ماشاء الله عليه ولدك يا اترى مركز
توا شنو تمو الناس ولا مازال
تعرفى انا منحبش اللمات هلبة لالنك تقعدى امبومة بروحك
نفضل كل مرة يخش حد عليك يونسك ويهدرز احين
|
سلمك ،،،، والله الارتباط أني ما نتحملاش ،،،،
لأنني نبي نرجع لطبيعتي ،،،
الحقيقة .....................
روتيني ممتلئ للتخمة ،،، لأن عندي مدارسات
وجااااااااااااامع
وبرامج دورية ،،،، فأريد العودة سريعا لسابق عهدي
فكان خليتها مفتوحة حنرتبط حتى للأربعين ~~~~
اقتباس:
المشاركة الأصلية كتبت بواسطة sosolibya
المهبولة يا اترى شنو بنقوللك
هى تشبه الشاورما
يعنى فطيرة ملفوفة ويطها دجاج وبطاطا تهبللللل
|
إممممممممممممممممممممممم
كيف ماسمعتش بيها قبل ،،،،
وين زعمى يبيعوا فيها في طراااااااااابلس ~~~
اقتباس:
المشاركة الأصلية كتبت بواسطة شموسه 88
مبروك علي ابنيت خوك اوعقبه لجود
|
الله يحفظك والعقبة لشموووووسة وريووووووووومة وماريـــــــــــــــــــــــة
والله خليت أمها تبكي بدميعاتها ،،، راس بنية
اقتباس:
المشاركة الأصلية كتبت بواسطة ام معاد
هههههههههههه حتي اني جابتها في خاطري ولدي لما شافها قلي نبي زيها امس جابها زوزي وكليتها اني ولدي خخخخخخخخخ
|
صحتين
لكن أني مانحبهاش بكل بكل ومانعتها حتى عليه ،،،،
لكن يغلب في ديمااااااااااا
اقتباس:
المشاركة الأصلية كتبت بواسطة sosolibya
شموسة احنا علاقتنا قوية نقوللك بنت عمتى وهة توا عروس
وانا نموت فى المخالطة
بس مش عارفة شن جانى مهارها دكتورتنا قعدت تتكلم على الطلوع وقالت انها هيا ماتحبش تمشى للمناسبات متلا العروي علاش يمشولها باركولها فى الحفلى يكفى
والنافس علاش يمشولها ويزعجوها
ومن هداك اليوم طلعشن صارلى وسيبت اكثر من مكان
|
أسمعي سوسو نقولك نصيحة المكان اللي ما تستفيديش منه أو ما تفيديش فيه غيرك فوتيه ،،، إلا إن كان صلة رحم
صحابة صغيويرة وقراية وصقع ~~~~
اقتباس:
المشاركة الأصلية كتبت بواسطة sosolibya
ماشاء الله عليكم محلاها الللمة
اترى شنو ناشفة هكى تجيبى حتى طرف بكلاوة متع النفاس خخخخخخ
|
تفضلوا في البكلاوة والحلوات والعصير وحتى مية الطواسي
غير تعالوا خخخخخخخخخخ
12-13-2012, 12:08 AM
رد: دردشة بنات ليبيا * دردشة حوامل ليبيا * تجمع بنات ليبيا
شموسه 88 
جديد منتدى إستفسارات حوامل من الشهر السابع إلى الشهر التاسع
العرض العادي
