تحذير من كثرة المنشطات والادويه الشعبيه

[اوصاف]

بسم الله الرحمن الرحيم

اخباركم بنات ان شاء الله كلكم بخير

طبعا في هالزمن هذا صار الحمل صعب جداً ومو عارفين ليش هو من الاكل اللي ناكله والا ايش
اول كانت الوحده تحمل من تتزوج الحين الله المستعان تاخذ ب السنين وبعد علاجات طويله تحمل

(( يارب ترزق كل من تتمنى الحمل هذا الشهر ))

المهم حبوباتي انا مسويه هالموضوع خصوصي للي تاخذ منشطات وبالاخص الكلوميد
انتم تستخدمون المنشطات علشان التبويض يصير قوي صح ؟
طيب لما تستخدمون الكلوميد او اي منشط ماتعرفين اضراره مع كثر الاستخدام
طبعا من اضراره هو ظهور الياف الرحم والياف الرحم مهما تمت ازالتها راح ترجع ومنها الحميد ومنها الخبيث
كم وحده تم استئصال رحمها والسبب ايش ؟
بعد الله وقضائه يرجع للمنشطات الي تجبر البويضه علئ تكبير حجمها
هذا الكلام كله والله عن تجربة اختي نقلته لكم ...
اختي لها 12 سنه تدور الحمل وتاخذ منشطات ومع هذا مايصير حمل تخيلو صار فيها الياف سكرت على المهبل
يعني الالياف صارت تمنع المني من الدخول للرحم وسوت العمليه وشالت الالياف والحين رجعو لها الالياف مره ثانيه واستشارت دكتور وقالها ان السبب كان من المنشطات اللي اخذتيها
من قبل تخيلو يابنات الرحم يتعب كل شي اذا زاد عن حده راح ينقلب ضدك
وعلى شان افيدكم يابنات انا عن تجربتي الخاصه والله ثم والله اني رحت لدكتور وقال عندك التبويض ضعيف مره مررررره
قالي خذي منشطات واخذتهم بموعد الدوره وجيته وقت التبويض قالي حجم البويضه 20 اذا ماصار حمل ارجعي ثالث يوم للدوره وفعلا ماصار حمل ورجعت ثالث يوم للدوره عند الدكتور بس طبعا شربت الاناناس من اول يوم دوره على فطوري وغداي وعشاي جيته ثالث يوم قالي التبويض ممتاز سوالي سونار خارجي قال تعالي بتاريخ 20 من الشهر احدد موعد التبويض واعطيك منشطات اذا لزم الامر رجعت للبيت واستمريت على شرب الاناناس لين اخر يوم دوره جا موعدي وقالي الدكتور انتي اكلتي كلوميد قلت لا قال ماشا الله البويضه حجمها 23 ماتحتاجين اي منشط
يابنات انصحكم بالاناناس واتركو المنشطات

وبالنسبه للحريم والادويه الشعبيه الي يعالجون فيها اتركوهم وحده اعرفها سوت عمليه بالرحم علشان تحميله دخلتها
فيها ادويه شعبيه لصقت الرحم على بعض استخدمو شي طبيعي وابعدو عن الخرافات حقات الحريم

واستغرب من اللي تروح عند حرمه تعالج بتعديل الرحم المايل ترى يابنات الدكتوره او الدكتور حق النسا يقدرون يعدلون الرحم المايل عن طريق السونار المهبلي هم يعدلونه تلقائي مجرد مايشوف الرحم مايل انا عدله لي ولا علمني لين سالته
قلت دكتور ليش مايلت رجلي بقوه لليمين فيه شي رحمي قال لا بس ميلان بسيط وعدلته
شي معقم وطبي احسن من خرفات بعض الحريم


انا ناصحه لكم يابنات بهذا الموضوع

ودعواتكم اني احمل هالشهر

[النوارس]

حبيبتي كلامج صحيح الكلوميد بي اثار جانبيه خطيره بس اني هالشهر شربت انناس اتاخرت دورتي 10 ايام ونزلت سوالي خربطه

[أم مريم78]

جزاك الله كل خير وجعلك من الحوامل هذا الشهر أمين يارب
مشكورة أختي على الموضوع نصيحة في محلها أنا من يوم تزوجت إلى الآن أخدت كلوميد مرة وحدة أختي نبهتني من عدم الإكتار منو لأن متل ما قلتي سلبياته خطيرة ومضرة برحم
نسأل الله القادر على كل شيء هوالمانع والمعطي نسأله أن يهب لنا من لدنه ذرية طيب إنه سميع الدعاء
لكل أجل كتاب

[بيـــآض]

اججل شنو نسسسوي .. هذا العلاج المتوفر لنا
والطبيب اكيد ما راح يصرفه لنا الا تحت اشراف ومتابعه

الله يعين بس : )

[huyam]

الحمد لله على كل حال الله يرزقنا من غير علاج يا رب
مشكورة اختي على الموضوع و كلامك صح مية بالمية

[ام نصور ونانا]

الله يجزاك خير يالغلا ع هالمعلومه وفعلا الاغلبيه يتعالجون بالاعشاب

[شموخي بديني]

انا عن نفسي اخذت الكلوميد شهر واحد بس
حسيته تعب نفسيتي وصارت مشاكل مع زوجي بسببه وسبب نفستي الزفت
بس الحمدلله تركته ولا عاد ابي اخذه ان شاء الله
الله يغنيني عنه ...

حاليا اخذ بردقوش ووقت الدوره اخذت اناناس

ومتوكله على الله

الله يرزقج بما تتمنين عزيزتي

[اوصاف]

اختي النوارس ترى حتى الدفاستون يسوي خربطه

واي علاج تاخذينه بيسوي بالبدايه خربطه

بس كل شي يبي له صبر والاناناس عن تجربه والله مفيد مره وافضل من اي منشط

شاكره مرورك يالغاليه

[اوصاف]

ام مريم جربي الاناناس وماراح تندمي

الله يرزق كل من مرت على موضوعي بالحمل السليم المعافى

[اوصاف]

حبيبتي بياض انا اعطيتك الحل البديل اللي هو الاناناس

هو صحيح يصرفون المنشط تحت اشراف طبي بس الاضرار الجانبيه مافكرنا فيها

غير انها تسبب الياف فيه منشطات تسبب تكيس على المبايض وبعض التكيسات تنشال بعمليات

يعني كذا والا كذا العواقب كبيره بحال استمريتي على المنشطات اما مره مرتين ان شا الله مايضروك

لكن المشكله بالاستمرار والتكرار

شاكره مرورك وربي يرزقك الذريه الصالحه