تجمع اللي بيولدوا في شهر ربيع الثاني 1434

[ام جنى الامورة]

صباح الخير على اللي ماسألوا عني وانا مخبرتكم بوجع راسي الغريب
على قولة بنتي خلاص انا زعلانه! !!

ههههلا يارب لايجيب الزعل بقولكم خبرت امي وقالت هذا لفحة هواء بارد لازم تتكبين بمويه مغليه معاها مره وكمون بس خايفه يسوي لي شي والا يضر البيبي وش رايكم بنات؟؟؟


والخبر الثاني
رحت للدكتورة اخبرها عن الالم وقالت الضغط طبيعي جدا قلت شيكي على البيبي وترى هالمره مافيه مابان او مسكر رجوله لازم تقولين الجنس كل صديقاتي عرفوا الا انا
والحمدلله كانت مروقه ومافيه احد بالعياده وبدينا بالأشعه الرأس كان تحت ويتحرك وصلنا للعضو وقالت ))طبعا بدت تستخف دمها ((ترى عادي لو جتك بنت لا تبكين ولا تزعلين ولا شي
قلت عادي اهم شي طيبه وصحتها كويسه مير تضحك قالت

لا انا اشوف ولد طارت عيوني قلت رسيني على بر ضحكت قالت الى هالدرجه تبين ولد
ياليل ماطولك على بربرتها قلت لا انا ابي اعرف لان لي فتره ادفع عشان اعرف وبالنهايه اطلع بدون فايده وانا حلفت ان هذي اخر مره اسوي اشعه وابي اعرف الجنس
قالت طيب انا الان اشوف اعضاء ولد
حمدت الله وشكرته وفرحت
قالت استني بسوي تضليل للعضو عشان اشوف الحبل السري
وسوت التضليل والنتيجه """"""

طلع الحبل السري بين الرجول وقالت ماتمليش فرحتك ماعرفش هو واد او بت
قلت الحمدلله عسى ربي يرزقني الصالح ويكون سليم ومتعافي

طلعت وخبرت زوجي قلت ان الدكرة شاكه انه ولد وفرح ومن امس وهو يدور اسم ولد يناسب مع اسمه وايم عايلته

بصراحة تندمت اني قلت له
يارب يارب يفرحني بشوفته متعافي وانا طيبه واشيله بين ايديني وكلنا بخير وصحه وعافيه


وبس هذا اللي عندي ولاتنسوني من دعواتكم ان راسي يطيب وعطوني شوركم هل اسوي الكبو ؟؟