تجمع حوامل سوريا-دردشة ورود سوريا-دردشة الغاليات

بسبوسة زوجها · 12-06-2012, 03:42 AM

كيفكن بنات
والله يانايوتا كلامك عراسي وانا نفس الكلام بأولو لحالي بس التطبيق صعب وخاصة انا هون بعيدي ولحالي وضعي صعب ولما بحكي مع اهلي بطول شي ساعة او اكتر وهي دائما بتحاسبني على هالشي وانا مابأدر ماطول يعني بدي اسمع صوت بابا وماما واخواتي بينحرق ألبي ازا مااطمنت عليهن وهي لما بتحكي مع بناتها بطول اكتر مع انو بناتهامو بسوريا ومافي خوف عليهن
يعني منكدتلي عيشتي وطالما آعدي بخلقتي مافيني انسا فصولها وكلامها معي لو تبعد عني بس شوي والله مو طالبي اكتر من هيك
على كلٍ الله يبعدها عني ويريحني منها
صحة وهنا عالششبرك اكلي طيبي بالبرد انا من فترة عملت ششبرك وسمبوسكك انا اليوم ماطبخت عندي من كل اكلي شوي بس رح سخنهن كنت ناويي اعمل مسبحة لانك زكرتيني فيها بس اجلتها لبكرى اليوم خصصتو للراحة

عاشقة جوجو2 · 12-06-2012, 05:30 AM

كيفكم بنات انا رح صلي الفجر ونام بس حبيت سلم عليكم
كيفك نايوتا شكلك طباخة ماهرة انا بالشهر بطبخ مرة ههههههههههه
كيفك نيهال حبيبتي ما على قلبك شر وان شاء الله الف سلامة
حبيبتي بسبوسة زوجها انا ماكتير قصتي بعيدة عن قصتك
انا زوجي وحيد وانا كنت ساكنة بغرفة مع اهلو بعدين سكنت فوقهم
ومشاكل كل يوم ومع اخواتو غيرة مو طبيعية بس لاني تعودت وصرت طنش
وما بكذب عليكي ايام ما بخليها بقلبي وبحكي وبرد عليهم بس اول سنة كنت متلك اسكت
حسيت حالي رح موت بس هلاء تعودت وحطيت حدود بينا صح لهلاء بسمع حكي وشو ما عملت مو عاجبتن
بس شو بدي ساوي هيك الدنيا وانا رح يضلو معي طول العمر لانو جوزي ما بيسكن بدون اهلو وهنن ما بخلونا نطلع
والحمد لله على كل شي وانا بالغربة وبعيدة عن اهلي بس جوزي بدافع عني وما بيخلي حدا يحكي عني لانو صار يعرف غيرتهم
ويعرف حركاتن
بعرف عم كركر كتير بس حبيت شاركم همي لاول مرة لان فتحتولي جروحاتي
هههههههههههههه

Nayota · 12-06-2012, 08:58 PM

مسالخير صبايا ...

شو وينكون كلكون اليوم مشغولين متلي الله يقوينا على هالحياة
انا اليوم طبخت فريكة وعملت جنبا سلطة بندورة وخيار
ونايا خانم صايرة عم اتعزبني وقصتا قصة بدا ياني على طول جنبا
والله مالي عرفانة شو ساوي مع هالبنت بطلت جيب بنات ههههه

Nayota · 12-06-2012, 09:09 PM

بسبوسة عنجد الله يكون بعونك ويحمل معك شو هالحماية شي بجنن على تلفونات
اهلك بتلاحقك فوق مالك بغربة وبلد اجنبي الله يعينك عليها ..ستي احكي ساعتين مع اهلك مو ساعة هية شو يلي مدايقها الفواتير يعني ؟؟؟
روحي اشكيها ل لله الله يصطفل فيها احسن شي

Nayota · 12-06-2012, 09:19 PM

كيفك ام جوجو والله برافو عليكي اعرفتي بعدين دوا بيت حماكي ومنيح انو جوزك معك كمان هادا الشي بيحل
تلت رباع المشاكل

Nayota · 12-06-2012, 09:27 PM

باقي البنات كيفكون

ميار اكيد من طفي الكهربا ماعم نشوفك هون

شام - ام ندى كيفكون

نيهال كيفك طمنينا اتحسنتي

Nayota · 12-06-2012, 09:29 PM

زهرة اشتقنالك وينك

شذا حداد · 12-06-2012, 11:53 PM

مسا الخير للجميييع ....
قلتلكن كان عندي موعد الأربعاء ...ورحت وقالت الدكتورة مفتوح الرحم 2سم ..والبنت راسها بالحوض ..والحمدلله ..والله مو عارفة ..خايفة يفتح أكتر من هيك ومايصير عندي طلق ..ساعتها عالصناعي وبيقولو كتير صعب

syria · 12-07-2012, 04:24 AM

كيفكم بنوتات مين بتعرف تحول اسابيع الحمل لاشهر
انا بالاسبوع ال 15 ورايحة لل16 بئي شهر انا ؟؟؟؟؟

syria · 12-07-2012, 04:44 AM

بنوتات منتظرة ردكن

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM