تجمع حوامل ليبيا

hatoo · 07-18-2010, 08:19 PM

السلام عليكم ورحمة الله وبركاته
اهلين بنااااااااااااات

لولى2010 · 07-18-2010, 10:15 PM

هاتو كيف حالك وينك غاطسه
حتى انت بنسالك ع شناطى الاطفال ماركه افنت بكم عندكم

ام اسيل · 07-18-2010, 11:20 PM

اه اه ياتجمعنا الغالي عين وصابتك

حبل الوصل الله يربحك خشي وطمنينا عليك

ام اسيل · 07-18-2010, 11:25 PM

ميرنا

الف لاباس عليك ياخيتي بلكي واكلة حاجة ولا من المكيف

ولامن دواء جديد عليك بلكي الدكتورة عطاتك حبوب الجلوكوفاج او الميتافورمين متاع التكيس راهن يديرنها انا لما خذيتهن قعدت اسبوع مانطلعش من الحمام حشاكم من الاسهال وزعمة كبد غير عادية لكن بعدها الجسم يتعود عليهن ولاباس عليك وطمنينا خشي قواي شن حالك واطلعي اجري

hatoo · 07-19-2010, 01:14 AM

قاعده مكسده والله يالولي الماركه معرفتهش وحتي انا لعند توا محصلتش شنطه بيبي حلوه وصيت اختي من طرابلس تشوفلي غادي

smhaa · 07-19-2010, 04:31 AM

اقتباس:

المشاركة الأصلية كتبت بواسطة hatoo

قاعده مكسده والله يالولي الماركه معرفتهش وحتي انا لعند توا محصلتش شنطه بيبي حلوه وصيت اختي من طرابلس تشوفلي غادي

والله في طرابلس فس محلات روعه للاطفال في حنين اللي في زاوية الدهماني فيه حاجات حلوة هلبة هلبة

لولى2010 · 07-19-2010, 01:51 PM

بارك الله فيك هاتو بس حبيت نقولك انتم عندكم الماركات رخيصه بكل غير دورى تو تلاقى حاجه سمحه وماركه انا هنا لقيتهن غاليات شوى لكن حندور اخرى بالك نلاقى ارخص شوى
سمحه والله معاك حق حتى انا نسمع ان طرابلس دبشه حلو وخاصه البيبي

smhaa · 07-19-2010, 02:05 PM

اقتباس:

المشاركة الأصلية كتبت بواسطة لولى2010

بارك الله فيك هاتو بس حبيت نقولك انتم عندكم الماركات رخيصه بكل غير دورى تو تلاقى حاجه سمحه وماركه انا هنا لقيتهن غاليات شوى لكن حندور اخرى بالك نلاقى ارخص شوى
سمحه والله معاك حق حتى انا نسمع ان طرابلس دبشه حلو وخاصه البيبي

ايوة والله وحتى ماركة شيكو فيها حاجات حلوة انتي تعالي طرابلس ورح تعرفي ان في حاجات زي برا واحلى اني نسافر هلبة وبجد عندنا بطرابلس حاجات تهبل

لولى2010 · 07-19-2010, 02:47 PM

سمحه عندكم تشيكو كم اسعاره

ساجدة · 07-19-2010, 03:55 PM

السلام عليكم....كيف حالكن كلكن منورررررررررررررررررات التجمع ....كيف حالك ياميرنا والف الف لاباس عليك ردي بالك علي روحك وعلي صحتك وكولي اكويس راهو الحمل يبي جهد وصحة والله وحشتيني ووحشني كلامك لكن الله غالب علي بنتي نااااااااااااااااااااااار وعياطة وقاعدة انعاني ...ان شاء الله بالك بعد ال40 بالك تهدي ونفضي لروحي وانجي انهدرز امعاكن في المنتدي والله وحشتني لمتكن وسهاريكن ......ارجني باهي