دردشة بنات ليبيا , دردشة حوامل ليبيا , تجمع بنات ليبيا

[شمس الزمان]

السلام عليكم ورحمة الله وبركاته
اثري كيف حالك اوحال جود اوشن امدايره فيك ان غير اهويديه
احكيلنا شن تبي اتديري في لماتك "انا ديمه ايام اللمات دمي يقعد محروق عل اخر" لكن الحمد لله تساتر
ام اجنادين انا غدي شربت عدس اودجاجه امحمره او بطاطا مقليه واسلاطة طحينه
دلوعة ماما اهلين اوسهلين بيك الحوش حوشك نحنا في كل وقت قاعدين اوبذات عل 10 في ليل
ام معاد يقونه سوسو ام ورد ليبيا قلبي ابتسامه زهوره اوباقي البنات وين غطصات

[شمس الزمان]

اليوم اخر يوم عندي في تعليم القياده
والاثنين الجاي عندي امتحان الرخصه ربي يستر هههههههه

[شمس الزمان]

بعدها نبي نمشي لحوش هلي نبي انبات عندهم
علاشان بكرا عندي تطعيمت عبسي امتاع اربع اشهور ان شالله غير ما يعذبني

[شمس الزمان]

توا مع السلامه

[ام معاد]

اهلين اتري معليش وسعي بالك تويكبروا تبدي تتفرجي عليهم من بعيد وتقولي يامحلاهم، واني توا في بداية السابع

[أثري في مدادي]

المشاركة الأصلية كتبت بواسطة شمس الزمان

السلام عليكم ورحمة الله وبركاته

وعليكم السلام ورحمة الله وبركاته

اثري كيف حالك اوحال جود اوشن امدايره فيك ان غير اهويديه

سلم حالك ،،،،،، والله سلامتها توا مدايرتلي جو النوم في النهااااار والعياااااااط في الليل ،،،،،،يصبح الصبح زي السكرانة حاشاك ،،،،

احكيلنا شن تبي اتديري في لماتك "انا ديمه ايام اللمات دمي يقعد محروق عل اخر" لكن الحمد لله تساتر

ما نحكيلكش علي حرق الأعصاب ،،،
يوم العقيقة عزمت موالي وشيابيني والجيران وجزء من النسابة ~~~~
ومازال البقية ،،،
توا بندير يوم لأقارب زوزي ومعاه باقي النسابة والأحباب
ومازال نبي يوم خااااااااااااااااااص بصحباتي ،،، سلامتهم هلبة لكن ما نقدرش نعيش إلا بيهم ~~~~

اللمة الأولى درتها تقعيد " رز مسقي " ومعاه مبطن مع مصير وزيتون وفواكه ومشروب وعصير
وقبله شكولاتة ورزاطة وعبمبر
وبعد العشي شاي " أخضر وأحمر " وحلوات الزمنيات
مقروظ السويسرول ، وغريبة باللوز الأحمر وقرينات وكعيكات مظفورات مالحات
وهم مروحين بكلالالالالالالالالاوة
ومع السلامة
~~~~~~~~~~~~~~~~~
والثانية حتى هي تقعيد بس الفارق بندير كسكسي
والثالثة بنديرها رقيق مش تقعيد
~~~~~~~~~~~~~~~

والعقبة لكل المتمنيات للحمل واللمااااااااااااااات
خخخخخخخخخخخخخ

[أثري في مدادي]

المشاركة الأصلية كتبت بواسطة ام معاد

اهلين اتري معليش وسعي بالك تويكبروا تبدي تتفرجي عليهم من بعيد وتقولي يامحلاهم، واني توا في بداية السابع

ربي يكمل عليك بالخير ويسهل أمرك
والعقبة لأم ورد وأم أجنادين وكل الغوالي

[دلوعة الماما]

السلام عليكم .....كيف حالكن ....وشن اخباركن....اختي اثري ربي ايهنيك ويخلي حياتك كلها افراح

[أم أجنادين 80]

الـــــــــسلام علـــــــيكم
كيف حالكم يابنات
يعني ياأثري العزومة الاولي والثانية كانوا فيها رجال هدا ليش درتي امسقي
والاخيرة لصاحباتك بدلعيهم شوي عاد
عند الحق حتي انا بعدين لو سخر ربي وحملت
بندير عقيقة بنعزم فيها اقارب زوجي من الدرجة الأولي بنسائهم واهلي واعمامي واخوالي وتقعيد طبعا
و مش حندير لمة لان البيبي الاول منعرفش من بنعزم في اللمة
وخصوصا اني مانواصلش في المناسبات هذه إلا اقاربي واقارب زوجي من الدرجة الاولي

وحدة تحلم من توا ههههههه

[أثري في مدادي]

أهلا دلوووووووووعة
كيف حالك ؟؟؟؟
شكرا على الدعوات الحلوة ،،،،،،،،،
وين السكنى ؟؟؟؟؟؟؟؟؟؟؟ وكم عمرك ؟؟؟؟؟؟وتشتغلي ولا ربة بيت ؟؟؟؟؟؟؟؟؟؟