دردشة بنات العراق, دردشة حوامل العراق , تجمع بنات العراق

المغتربه المتفائله · 12-02-2012, 06:59 PM

بنات اني مفتقده
ام ايهومي
ام نورهانه
وعسوله
وصفاء
الهم فتره طويله غايبين
ياربي يكونون بخير

مروة87 · 12-02-2012, 07:15 PM

اقتباس:

المشاركة الأصلية كتبت بواسطة ام مهدي22

مراوي حبي تعالي طمنينا علىيج وعلى اشلون جانت ألعمليه سهله صعبه لان امفكره الطفل الثاني اسوي عمليه لو مطي ينطح مطي على الضيم الشفته بالطبيعي
توبني

هلو حبي ام مهودي
والله اني ممجربة الطبيعي بس يكولون وجع ساعة ويروح اما العملية احجيلج عليها :

لبسوني دشداشة زركة عريضة وقصيرة اتخيلي شلون تطلعين ههههههههههه
فتت لصالة العمليات خلولي الاوكسجين والظاهر المخدر بي بحيث اربع انفاس تنفست منه محسيت بعد غير ديلبسوني دشداشتي والحجاب ووجع ببطني مال العملية بحيث اصيح انطوني ابرة مسكن
بهاللحظة ماما تكلي اسكتي اسكتي جبتي شلون نونو يخبل بس شنو هاي بس اسمعهم وكوة افتح عيني اشوفهم لان ديفكني البنج شوية شوية
وبهاللحظة احلى شي شفتة فات زوجي وشايلة بيدة وطاير من الفرح بي
وطبعا خبصهم خبص يبجي جوعان واني مااكدر اتعدل حتى ارضعة
المهم هالحجي ساعة تقريبا بقيت شوية خف الالم ووعيت كامل وعيي طلعوني للبيت الحمدلله
اما عن المعاناه تبقة بالحركة تلاقين صعوبة وهاي صارلي 5 يوم هسة مااكدر انام صفح الا على ظهري
مكان العملية ياذي كلش الا احد وياية يساعدني حتى اتعدل بس اكوم عادي امشي واصعد درج وانزل وباقي جسمي حركتي طبيعية
اني احس انه احسن من الطبيعي تعالي اتحملي الالم ووين اويلي

مروة87 · 12-02-2012, 07:36 PM

وهذا كبدوووووشي ليوثي
يلة حضرولة عرايسكم حتى يختار
هنا عمرة 3 ساعات

بشارة · 12-02-2012, 07:45 PM

اقتباس:

المشاركة الأصلية كتبت بواسطة المغتربه المتفائله

هلوو حبي مراوي 2
هههههههههه لان عدنه مراوي
اهلا وسهلا بيج حبي منوورتنه
اني اسمي ساره متزوجه من اربع سنوات
وحامل باول طفل وعايشه خارج العراق
وعمري 20سنه

اي كلنه جبانات ونكبر الامور
زين الخوف مامخليج تحسين بالوقت
اني اعد يوم يوم عل ما ادخل التاسع
بعد هووووواي احس الايام واكفه
وخاصتا هسه لان عندي اوجاع والطفل
ماخذ وضع الولاده والدكتوره خوفتي
كالت انتبهي لاتصير عندج ولاده مبكره
وهوه اساسا النونو مالتي صغير حبيبي
يارربي هون وسهل علي وعلى كل حامل ياررب

انتي عرفتي شنو جنس النونو مالج ؟؟؟

اهلا وسهلا بيج ساره ... تشرفت بمعرفتج ... ان شاء الله تولدين بالسلامه وتفرحين بأحلى نونو ويكون باحسن صحه و يجعله ربي من الصالحين ...

ديري بالج على نفسج و لو اعبري اسبوع بالتاسع وراها جيبي هههههه هيه هاي الايام دقيقه ان شاء الله هينه يارب و تكون ولاده سهله

اني سويت سونار و طلعت بنوته فدوه لعينها ... و ان شاء الله اسميها نور ... يارب يكون خروجها نور و وجهها نور و خلقها نور و اخرتها نور على نور امين يارب العالمين

اني من كالولي بنيه كمت ابجي من الفرحه لان اني ماعندي خوات و كلش كنت اتمنى يكون النونو بنيه ...

وكلش متعلقه بيها هسه واحبها من كل قلبي الله يفرحني بشوفتها امييين يارب

بشارة · 12-02-2012, 07:59 PM

مروة 87

الف الف الف مبروووك النونو جعله الله من ابناء السلامه
والف الحمد لله على سلامتك عزيزتي

بسومة الطائي · 12-02-2012, 08:26 PM

اول شي اكول ماشاء الله تبارك الله ع صورة ليوثي لمنور التجمع حبيبتي مروشة الله يحفظلج اياه وتشوفي عريس شن هالكيك حبيبي هاي بوسات لخديداته الحلوات ياربي يجي النونو مالتي حلو مثله
حبيبتي بشارة كل الهلا بيج نورتي التجمع والله يسهل عليج ويجعلها ساعة سهلة كلنا خوفات والله يستر علينا ان شاء الله ههههههههههه
هلو قلبي سرواي سلامتج ياروحي وماعندج غير العافية لتخافين هسة مهودي ينشنش ويصير سمين حبيبي امدبدوب وياربي تطلع كل التحاليل زينة مابيها اي اي شي لتضوجين عمري الله ايعينج ع الحرقة اكولج قسمي الاكل ع 6وجبات والله اني ارتاحيت من سويتة 6 وجبات واكلي بسكت مالح والحليب بارد وبدون سكر ايريح المعده وابتعدي عن البرتقال والليمون الحامض لان الحامض مالتة تصعد للمريئ خاصة هسة انتي بالثامن امي اتكول هاي كفشة الطفل اتسوي حركة هههههههههههه يعني ابنج شعره طويل هههههههههههههههاي

شموسة البغدادية · 12-02-2012, 10:52 PM

هلووووووو بنوتات اشلونكم حبيبات واشلون زعاطيطكم ورياجيلكم وكماشاتكم مرااااااااوي حبيبتي الف الف مليون مبروك على سلامتج وسلامة ليوثي ربي يحرسه وايخليه الج ولابوه صدك اذا اتريدين عروسة اني جاهزة ههههههههههههههههه . صدك بنات ابشركم اجوني خطابة ههههههههههههه واحد مطلق وسبب الطلاق انه عاقر وميصير عنده اطفال فطلبت زوجته منه الطلاق وطلقهة واجه ايريد ينام ابراسي خخخخخخخخخخ ورفضنا اني واهلي وعاشوا عيشة سعيدة ههههههههههه . باقي البنات كلكم شلع قلع مشتاقتلكم موووووووووووت بس اعذروني كان ما عندي نت

بدور السماء · 12-02-2012, 11:36 PM

هلووووووووووووو
بشارة ام نور اهلا وسهلا بيج اخت عزيزة منورة والله
حبي انا اعتقد اكو هاي الابرة ببغداد وكالو بالحارثية موجودة حسب معلوماتي
ويكولون ب750 الف دينار يعني حتى مو حيل غالية
وحبي الله يسهلج ويكومج بالسلامة يارب

بدور السماء · 12-02-2012, 11:41 PM

ولكم هاي شنو شموسة هنا بسرعة تعالو كلكم رحبو بيها
ولكم خاي ام دميعة التجمع
ههههههههههههههههه
يالله كل وحدة تشوفلها شغلة وحدة تكنس وحدة تمسح وحدة تطبخ وحدة تسوي واجب الضيافة
والتعتذر على كولة الجهال وماعندي مجال اجي اتحلها هية وجهالها فتهمتو؟؟؟؟
هيج احسن
ناس متجي الابالعين الحمرة
هههههههههههه

بدور السماء · 12-02-2012, 11:42 PM

اتحلها يعني اسحلها شبيكم متجمعون

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM