تجمع للمقبلين على تلقيح صناعي + للي سوو تلقيح صناعي فقط

[نبضة أملـ]

المشاركة الأصلية كتبت بواسطة راسيل

السلام عليكم حبيباتي

سويت التلقيح الصناعي في مركز ذريه عند د/ الصفيان
انا زرت الدكتور قبل بعد دورتي السابقه واعطاني جوسبرين 81 وحمض الفوليك 5ملم لمدة شهر استخدمها

المشكله مني :عندي ضعف تبويض وتكيس بسييييط جدا وزوجي سليم وتحليله جدا ممتاز اللهم بارك

اول شيء رحت لدكتور في اليوم الثالث لدوره والكشافه عنده ب250 ريال
وعملو لي اشعه سونار (اللي يسوي الاشعة ممرضات مو الدكتور) والاشعه عندهم ب150 ريال
وانا قبل سويت اشعة الصبغه وكان كل شيء تمام

وقالي كل شيء كويس الرحم والمبايض نقدر نعطيكي منشطات وصرف لي حبوب اظن اسمها فيمار حبتين لمدة خمس ايام من ثالث يوم لدوره سعرها كان 200ريال وعليها وابر جونال اف 150 لمدة خمس ايام الابر تكلف تقريبا 750 و800 ريال
ابدا فيها من اليوم الثالث من الدوره
يوم اخذ الابره ويوم اريح وفي البطن
وكان زوجي يضربني بالابره
الله لايوريكم يدخل الابره واقول الحمدلله خلاص ترجف يده ويطلعها ويرجع يدخلها عذبنييييي
وفي اليوم السابع رحت لدكتور وعملوا لي اشعه وقال عندك بويضه والحمدلله مافي تضخم في المبايض
وحدد لي موعد يوم 13 من الدوره وعمل لي اشعه وقالي عندك ثلاث بويضات 21.18.17 وبطانة الرحم كويسه
وصرف لي ابرة تفجير قوتها 5000 وقالي تاخذينها في اليوم 14
وقال تمتنعوا عن الجماع الى يوم التلقيح يعني 3 ايام
وسويت التلقيح الصناعي في اليوم 16 ب 1500 ريال
بصراحه كان مؤلم جدا وكنت متوتره وجلست ابكي قالت الدكتوره (انا قبل العمليه اتصلت وقلت مابي الدكتور يكشف علي ابي دكتوره ) خلاص ماقدر اكمل قلتلها انا اتوجع قالت انا عارفه بس كان لازم تشربيين ماء
والممرضات قالولي متاخر مالحقت اشرب الله يهديهم
المهم طلعوني من غرفة العمليات ونقلوني على سرير ارتحت نصف ساعه وكانت بطني توجعني وظهري وكنت احس بمغص مثل مغص الدوره
وبعدين رحت للبيت وارتحت ثلاث ايام على السرير بس اقوم لصلاة والحمام وانتوا بكرامه كنت احس بالام مثل الام الدوره وظهري مره يوجعني ماقدر اجلس من الالم
وقالي الدكتور بكره يصير جماع يعني في اليوم 17 وبعدين تمتنعوا عن الجماع لمدة 5 ايام
واعطاني تحاميل مثبته 15 تحميله كل يوم في الليل قبل انام لمدة 15 يوم واذا خلصتها احلل للحمل
ولكن مع الاسف اليوم الصبح حطيت اخر تحميله والدوره شرفت اليوم انصدمت حتى زوجي يقولي اشفيكي سمع صوتي وانا في الحمام (تكرمون) مسكت نفسي كنت ببكي وهو لاحظ

ليش انصدمت لاني ماحسييييييت بالام الدوره ابدا اول مره يحصل معي كذا
ولما كنت اتابع اعراض الحمل اغلبها فيني نغزات في المبايض يجيني شد عضلي وانا نايمه صداع نغزات بصدري وكبر مره قلت اكييييييييييد حامل
وقاعده افكر شلون ابشر اهلي وابشر مين اول فيهم
الله يعوضني خير
انا لي 6 سنوات ماعندي اولاد
بتصل في الدكتور بكره واشوف ايش يقولي

هذي تجربتي بس اتمنى ماتتحطمون
حبيت افيدكم

امكن اعيدها الشهر هذا
دعواتكم لي ارجووووووووووووكم لاتنسوني

اختي رسايل الله يعوضك الشهر الجاي يارب
انا كمان اراجع عند الدكتور حمد لمتابعة تبويض وراح يسوي لي تلقيح اذا هالشهر نزلت علي الدوره فاضل عليها ٤ ايام >> احساسي يقول اني مو حامل.. بسس جد انا شايله هم العمليه كيف هو اللي راح يسويها
والا تقدرين تطلبين دكتوره ..وانتي هو اللي سواها والا جابوا لك دكتوره
واذا مو هو مين د/هدى والا د/ابتسام