مين بتاخد ابر كليكسين لتخثر الدم

[لولو 1]

المشاركة الأصلية كتبت بواسطة لولو الفلسطينية

اول شي الف الف مبروووك الحمل و ان شاء الله ربنا بتمملك بخير
انا كمان باخذ نفس الابر و كمان معاها بيبي اسبرين لأني سبق و اجهضت مرتين و هلأ حامل في نص الشهر لثالث
و من اول يوم عرفت في اني حامل بدأت اخذ الابر طبعا الدكتور هو الي طلب ابدأ فيها فورا
يمكن لأني كنت اجهض بالشهر الاول و الاني و ولا مرة سمعت النض بس هالمرة الحمد لله وضعي منيح و شفت الجنين و النبض و كلو تمام ان شاء الله عقبالك
و بالنسبة للمكان الي توخذي فيه الابرة بتقدري في الايدين من فوق او في البطن او في الارجل من عند الافخاد بس انا الصراحة بخاف اخذها في البطن مع انه الدكتور قالي عادي و لحد الان حسيت اسهل مكان في الرجلين ( الفخذ ) من فوق و انا وزجي تعلم من الدكتور كيف يعطيني الابرة و صار هو كل يوم يعطيني اياها و هي بتوجع شي بسيييييييييط زي شكة الدبوس و مكانها ممكن تطلع بقع صغييييررة زرقا او حمرا
و بالنسبة للجرعة هاي ما بقدر افيدك فيها الكتور لازم يحددها
و اي سؤال انا جاهزة ؟؟؟
و اذا ما رديت هون ابعثيلي رسالة في اي وقت و انا بجاوبك ان شاء الله
و ربنا يتمملك بخير
ما تخافي و توكلي على الله

حبيبتي لولو الفلسطينية ربنا يبارك فيكي ويحمالك جنينك ويتمملك حملك عخير يااااااااااااارب طيب حبيبتي بتاخدي الابر كل يوم بنفس الموعد يعني؟ انا سمعت انه افضل شي بالبطن مبارح جربت اخدها بالبطن بس وجعتني كتييييييييييييييييير
حبيبتي دكتوري رافض يعطيني ياهم لحتى يشوف كيس اللحمل بس انا اصريت اني ابدأفيهم انتي بتاخدي كم الجرعة؟
وسؤال تاني حبيبتي الابرة لازم تكون عمودية ولا مائلة عند الادخال؟ وجزاكي ربنا كل خير يا رب