تجمع حوامل ليبيا

smhaa · 07-16-2010, 12:34 AM

حلو الدلع متاع الحوامل بالذات متاع الكذب اللي فيه زيادة تمثيل

سورينام · 07-16-2010, 12:52 AM

اقتباس:

المشاركة الأصلية كتبت بواسطة عيون زوجي

درتي اسبوع في بنتك ولا لا وتوا ناوية اديري انشاءالله

في بنتي درت اسبوع في شقتي لأنها واسعة ماشاالله .. والحق درته للعيلة يعني لسلفاتي وحماتي والمقربين زي خلاتي ونساوين اعمامي وباقي العيلة ماشااااااااالله بالذات عويلة راجلي هلبا هلبا هلبا يعني حتى لو درتلهم صالة ما اعتقدش اتسدهم لانهم ايواصلو لجد جدهم يعنى توقعي بنت بنت خالة راجلي عروسة جتني مع سلفتها اللي خاشة معاها

ما اطولها وما رق احبالها زي ما قاتلي اختي ..
لذلك خليتها مفتوحة في الجياب الأول لأن ما تندريش من اللي يبي يواصللك من الأول .. وتوة في جيابي الثاني انشا الله بندير أكثر من لمة وحدة وانشاالله نلحق

سورينام · 07-16-2010, 12:54 AM

حد يفهمني يانااااااااااااس وين ميرنا - حبل الوصل - ام اسيل

ام اسيل · 07-16-2010, 01:49 AM

اقتباس:

المشاركة الأصلية كتبت بواسطة سورينام

حد يفهمني يانااااااااااااس وين ميرنا - حبل الوصل - ام اسيل

نجيها النشادة ياربي ان شاء مانفقدوك عموما نحكيلك القصة انا توا كيف روحت من حوش هلي ديمة الخميس غادي ونخلي الصغار عند ماما ونروح نفضى للراجل

وحبل الوصل ديمة يوم الخميس عند هل راجلها تتغدى غادي وتسهري للليل

وميرنا تنوع مرة عند هله ومرة هلها يعني الخميس ضياع نحنا الثلاثة

بس ماشاء الله عليكم لمتكم حلوة

smhaa · 07-16-2010, 02:08 PM

مشاء الله ام اسيل ناسك هلبة تبارك الرحمن زي مرة خوي حتى هما زيك بالضبط

اني عكسك تماما اقاربي واقاربه ومش كلهم يخي وجارتي وصديقاتي يعني لو حملت ودرت اسبوع يمكن كلهم كلهم في حدود ال٢٥٠ تقريبا

ربي يزيد الاحباب الاصحاب كويسين بس فعلا في المناسبة تحتاري في في عدهم والتجهيزات بالذات في ناس قاعدة لتوا تجيب في بنياتها في المناسبات

عيون زوجي · 07-16-2010, 03:09 PM

حتى انا ناس راجلي هلبة هلبة ويواصلوا في بعضهم حتى على خاطر الكحه والعطسه وسوابيعهم ومناسباتهم ما تكملش في بنتي درت اسبوع كبير وتوا ما اعتقدش رح اندير اسبوع بس اصغر وبنقلص الغير مرغوب فيهم

عيون زوجي · 07-16-2010, 03:10 PM

سمحه كثري دعاء وخصوصا شهر رمضان قرب وانشاءالله 3 بدلات مني ما تخافيش وزيادة فوق منهم اي شي تاني

عيون زوجي · 07-16-2010, 03:11 PM

ام اسيل كيف حالك وحال الضغط معاك انشاءالله تمام
وكيف حال اسيل وخوها

عيون زوجي · 07-16-2010, 03:13 PM

سورينام...اي اسبوع بالزبط انخش الثامن

عيون زوجي · 07-16-2010, 03:15 PM

وحابه اسئل عن محلات العبايات الخليجية والدشدشات وين الاقي اسعار معقوله مش فوق 400 ويكونوا ايجننوا لاني حاليا لا اعرف؟؟؟؟؟؟؟؟؟؟؟؟؟؟؟؟
مع انه خاطري اشري بدلة خليجية على اللوك الهندي فيه محل في قرجي زمان كان يجيب في بضاعه حلوة قدام تريبولي كولج بس توا مش عارفه