لكل جاتهم الدوره وكانوا شاكين بالحمل

[Kayan "Me]

انا كتبت الموضوع ده عشان كل واحده شكت ان هي حامل وربنا مش اراد الشهر ده متزعلش وتحاول تنسي يوم ما ربك يريد هيرزقك وبعدين كله مكتوب ومعلش كل تأخيره وفيها خيره واذا كان علي كلام اللي حواليكي لو انتي سألتيهم اصلا ممكن تلاقيهم هما نفسهم كانوا متأخرين (ما عدا الامهات والجدات بلاش تسألي حد فيهم عشان الاحراج لأن معظمهم كان بيحمل من ليله الدخله ما شاء الله عليهم ) اما بالنسبه للصحبات في فئه من الصحبات سبحان الله كده تحسيهم منفسنين شويه وكل خمس دقايق ها مافيش حاجه جايه في السكه الناس دي حبايبي وعندي منهم اتنين وكل ما واحده تتكلم اقلبها هزار زي ماهي بتسألها بهزار وبيكون الرد كاالاتي ( ان احنا عايزين نتهني ببعض وكمان الواحد يتقل عشان ياخد حاجه نضيفه هههههههههههه وبس وهي مابطنتقش بعدها ) انا لسه مش جتني الدوره هي في الطريق بس شكل الطريق زحمه شويه انا نزلت درجه حرارتي ل 36.3 وخلاص مفيش حمل والحمد لله علي كل حال بس مش زعلانه زي كل مره سبحان الله يمكن عشان مش عشت الوهم المره دي وكمان كنت كل ما احس بأي عرض اقعد اقول لنفسي لأ مش حامل عشان مش انصدم المهم بقي انا قررت اني ان شاء الله ادلع نفسي في ايام الدوره هنزل السوق اعمل شوبنج واروح مركز تجميل وهخرب الميزانيه مش اوي يعني هخربها شويه صغيره واهحط خطه جديده للشهر الجاي عشان الحمل والخطه كاالاتي ربنا يجعلها سبب ويرزقني ان شاء الله:
شرب ميه
شرب عصيراناناس فريش يوميا كتيررررررررررررررررررررررررررر
فوليك اسيد (عشان تجنب التشوهات العصبيه للبيبي )+بيبي اسبرين (تجنب الجهاض) (كل واحد قرص واحد في اليوم ) والاتنين مش فيهم منهم ضرر بأذن الله والاتنين بتاخدهم الحوامل والغير حوامل وكمان البيبي اسبرين مفيد جدا بعيدا عن موضوع الحمل في التقليل من الجلطات بس الناس اللي عندها سيوله في الدم مش بتاخده
شرب زنجبيل +قرفه +يانسون اثناء الدوره فقط
بعد الدوره شرب شاي اخضر
تحسين نظام الاكل وعدم شرب البيبسي وقرايبه
انا عملت حاجات من دي الشهر اللي فات زي الفوليك اسيد وعدم شرب البيبسي وشربت عصير عنب وحسيت انها فرقت معايا يمكن مش حصل حمل بس انا حسيت بفرق عن الشهور اللي فاتت وبس بقي وربنا يقدم اللي فيه الخير
زياريت اي حداه عندها خطه ان شاء الله للشهر الجاي تكتبها عشان كلنا نستفيد منها ويارب يرزق الكل ومايحرم اي حد من الفرحه دي ويثبت حمل كل حامل ويسعدها بشوفه طفلها سليم معافي

[مبدأ]

ميرسي كتير اختي علي الموضوع وان شاء الله ربنا يرزقنا الزريه الصالحه

[ام بودى الصغير]

ما شاء الله خطة حلوة وربنا يكرمك بس زيدى عليها الرياضة بس بشكل جدى ومنتظم هتفرق معاكى كتير وهتظبط التبويض وهتلاحظيه بسهوله وانا ان شاء الله همشى على خطتك بس الشهر الجاى عشان معنديش تبويض الشهر ده عشان انا استأصلت مبيض وشغاله بواحد بس ويا ريت لو فية حد زىى نعمل تجمع نفيد فيه بعض

[ahmed 7abebe]

حبيبتي ربي يرزقج ويرزقنا ويرزق كل محرومه امين عاجل غير اجل

[Aum Reda]

أنا كل شهر أتوهم حمل و أطلع مو حامل و أقعد أصيح لي يومين بعدين احط حرتي في الأكل و السوق

[عروستة]

الله يرزقنا ياربي حبيبتي شنو فايدة البيبي اسبرين و هل اذا اخذته بدون وصفه طبيه مايضرني ؟


لأنه اسمع فيه بس اخاف اخذه

[Kayan "Me]

[quote=مبدأ;2718006]ميرسي كتير اختي علي الموضوع وان شاء الله ربنا يرزقنا الزريه الصالحه
[/q


اميييييييييييييييييييييييييييين ربنا يرزقنا كلنا في القريب العاجل غير اجل اللهم امين

[Kayan "Me]

المشاركة الأصلية كتبت بواسطة ام بودى الصغير

ما شاء الله خطة حلوة وربنا يكرمك بس زيدى عليها الرياضة بس بشكل جدى ومنتظم هتفرق معاكى كتير وهتظبط التبويض وهتلاحظيه بسهوله وانا ان شاء الله همشى على خطتك بس الشهر الجاى عشان معنديش تبويض الشهر ده عشان انا استأصلت مبيض وشغاله بواحد بس ويا ريت لو فية حد زىى نعمل تجمع نفيد فيه بعض

الف سلامه عليكي يا حبيبتي انا واحده صحبتي كانت استأصلت مبيض وما شاء الله معاها 3 بنوتات زي القمر جابتهم علي طول ورا بعض ماشاء الله ربنا يرزقك ويرزقنا كلنا في القريب العاجل غير اجل شكرا جدا علي ردك وان شاء الله هحاول اعمل بنصحتك واعمل شويه رياضه ان شاء الله خير

[Kayan "Me]

المشاركة الأصلية كتبت بواسطة ahmed 7abebe

حبيبتي ربي يرزقج ويرزقنا ويرزق كل محرومه امين عاجل غير اجل

امــــــــــــــــــــــــــــــــــــــــــــــــ ــين الله يسمع منك وتسلمي علي الرد

[neeevooo]

حبيبتي الله يرزقك يارب ويعطيك الولد الصالح ويمن عليك من فضله
واضح من لهجتك انك مصريه صح؟؟؟