طفلتي لاترغب ب أحتضاني ..

[ي طفلتي]

المشاركة الأصلية كتبت بواسطة أم حوور

نفس كلام ام اسكندر كل ماكبر الطفل يتعلق بأمه اكثر ولايستغني عنها

بنتي نفس الحاله عودتها تكون لحالها وللحين عمرها سنه ونص تحب تنام لحالها واذا تعبت او بكت ماتخليني اضمها بس امسح راسها وتروح وكنت اتمنى اضمها من قلبي
بس لاحظتها من صارت تعرفني تقريبا من عمر عشره شهور وهي تلعب شوي ثم ترجع تبحث عني
والحين سنه ونص تلعب شوي ثم تجي تضمني وتسولف علي كم كلمه مو مفهومه وتروح
واذا راحت لحالها مع ابوها اول ماتحس اني مو معهم تجلس تسأل ماما ماما واذا طولت تجلس تبكي لما يرجعها عندي تضمني وتبكي شوي عشان اراضيها
صارت ابدا ماتستغني عني وهي من نفسها تضمني

ع كدا ي اختي راح تنام لحاله ع طول زعلانه ع نفسي ربي حرمني من ضمه بنتي
ونفس الحال لما تتعب او تحس بدوشه م تحب احضنها
نفس المشكله نفسي اضم بنتي احس فيهاا انيمها بجنبي
ليه بغرفه منعزله وسرير لحاله الله يخليكم ساعدوني اعطوني نصايح معلومات

[أم حوور]

انا اشوف من صالحك انها تنام لحاله ماراح تكونين فاضيه دايم بوقت نومها
وان شاءالله احد يساعدك

اما ع انها تنام بمكان هادئ نفس المشكله كانت عند بنتي بحكم ان بيتي هادي ولما اطلع تجمع تجنني تبي تنام ومو قادره كان عمرها ست شهور
ماتركت هالعاده الا لما جلست عند اهلي يومين وكان عندهم تجمع ناس وبنتي تصيح من الازعاج وتنجبر بالاخير تنام في اقل مكان ازعاج ولما رجعت بيتي كنت اخليها تنام وصوت التلفزيون عالي بالبدايه كانت تصيح ومع الوقت تعودت والحمدلله صارت تنام حتى بالزواجات
ماعليك الا انك تعلين التلفزيون حتى وان صاحت مرا مرتين ثم تتعود