معاناتي مع تاخر الانجاب ساعدوني

[رايقه]

السلام عليكم

انا من اجهضت لي سنه وربع شهور وماحملت بعدها وانا متزوجه لي سنه وست شهور
مع اني كنت متفائله هالشهر من الاعراض الي حسيت فيها (نغزات الصدر ونغزات بالمبيض وحموضه بالمعده كني برجع الاكل وحراره والبول الله يعزكم فيه خيوط صغار يتكونون نفس القطن وجفاف بالمهبل )
بعد تاخر الدوره ثمان ايام انزلت الدوره الحمدلله على كل حال
رحت لدكتوره ثاني يوم من الدوره وقلت لها كل شي عن حالتي
قلت لها وش اسباب تاخر الدوره قالت البويضات يمكن مونشطه لذلك الدوره تتاخر
وقلت لها عن البردقوش والمراميه واليانسون قالت تركي كل هذولي ماراح يجيبون نتيجه
المهم اكشفت على الرحم بسونار الحمدلله طبيعي والمبايض لسه صغار لاني بفترة الدوره
قالت تعالي 13 من الدوره اشوف لك المبايض وزوجك لازم يحلل الحيوان المنوي علشان اعرف مشكلة عدم الانجاب ..
ويوم سالتها عن اشعة الصبغه قالت هذي ماراح نلجأ لها الا بعد التاكد من المبايض وزوجك اذا كل شي سليم مالها داعي لاني انا اجهضت وسويت عمليت تنظيف يعني ان شاءالله مااحتاجها
دعواتكم لي بنات
المهم اكتبت لي حبوب فتامينات vitamin world
وحبوب حمض الفوليك
تقول يساعدون على تنشيط المبايض والفتامينات زينه للجسم وماتسمن لاني كنت خايفه من هالنقطه
وقلت لها وش اسباب الوعه الي جاتني قالت تعتمد على النفسيه
وقلت لها وش سالفة البول فيه خيوط مدري قطن بس بدون حكه ولا حرقان الا مره جامعني زوجي يوم الدوره متاخره جاني حرقان المهم اكتبت لي مضاد حيوي 250 ملي جرام كبسولات
اسمها زتروماكس 4 حبات باليوم بعد الغداء عاد انا مااخذتها خفت منهم لانهم مكتوب بالورقه حق التهاب والافرزات والبكتريا وفطريات خفت وماكلتهم دفعه وحده لانهم بعد وش رايكم بنات
قلت بخاطري الدوره بتنظف كل شي عدل كلامي ولا لا وهل المضاد له مضاعافات
لاني سمعت انه المضاد موزين للجسم
بنات حبيت اسالكم بعد مين فيكم تراجع بمستشفى حكومي بدمام كيف نظامهم
تروحين لهم تحجزين ويدخلونك بنفس اليوم ولا كيف ومراجعه كل اسبوع ولا كيف لاني انا اتعالج بمستشفى الروضه عن تطريق التامين ومايقطي كل شي بذات متابعت التبويض ردو علي ضروري
يالله ان شاءالله بعطيكم باقي الاخبار الي راح تصير معي دعواتكم انه الله يسر اموري
ويعطيكم العافيه

[عاشقة الأمل]

الله ييسرلك أمرك أختي حمض الفوليك كثييير حلووو أما هذاك الفيتامن ما أعرف عليه شيء
ومدام حصل حمل سابقا فإن شاء الله بمقدورك الحمل
أنت خلي زوجك يحلل السائل المنوي وإعملي بالأسباب وأكثري من الدعاء والإستغفار وأبعدي نفسك عن التوثر
الله يفرح قلبك بالحمل السليم المعافى وأتمنى البنات يفيدوك أكثر

[درين]

خلي زوجك يحلل السائل المنوي وإعملي بالأسباب وأكثري من الدعاء والإستغفار وأبعدي نفسك عن التوثر
الله يفرح قلبك بالحمل السليم المعافى وأتمنى البنات يفيدوك أكثر

[رايقه]

المشاركة الأصلية كتبت بواسطة عاشقة الأمل

الله ييسرلك أمرك أختي حمض الفوليك كثييير حلووو أما هذاك الفيتامن ما أعرف عليه شيء
ومدام حصل حمل سابقا فإن شاء الله بمقدورك الحمل
أنت خلي زوجك يحلل السائل المنوي وإعملي بالأسباب وأكثري من الدعاء والإستغفار وأبعدي نفسك عن التوثر
الله يفرح قلبك بالحمل السليم المعافى وأتمنى البنات يفيدوك أكثر

امين يارب وياك اختي
والله يسمع منك ان شاءالله ويرزقني وجميع المسلمين
يعطيك العافيه

[رايقه]

المشاركة الأصلية كتبت بواسطة درين

خلي زوجك يحلل السائل المنوي وإعملي بالأسباب وأكثري من الدعاء والإستغفار وأبعدي نفسك عن التوثر
الله يفرح قلبك بالحمل السليم المعافى وأتمنى البنات يفيدوك أكثر

اللهم امين يارب العالمين
يعطيك العافيه

[رايقه]

بس 2 ردو علي والي قرو موضوعي 70

طيب ادعولي

طيب ولا وحده تتعالج بمستشفى حكومي تقولي كيف نظامهم ؟؟

[رايقه]

وينكم مافي رد

[ابتسامه رغم الالم]

الله يرزقك يارب بالذريه الصالحه بس لازم تخذين المضاد زي ما قالت لكن اربعه مر وحده صعبه شوي انا كانو يصرفولي حبتين باليوم لكن كانت 500 ملي جرام وكلام دكتورتك سليم وانا مو من الدمام الله يرزقك يارب

[liliaceae]

الله يرزقك بالحمل السليم عاجلاً غير آجل
خدي بالأسباب و ربنا بكتبلك ان شاء الله

[مشتاقه لأحبابي]

ما عندي علم وماحبيت اطلع من دون رد ... الفوليك مره كوييس صرفته لي دكتورتي وانا عندي ضعف بسيط وأخذت كلوميد وان شاء الله ربي يرزقنا الحمل السليييم