تجمع الكروشات اللي ولادتهم في ربيع الاول 1434ه

[- تـالـيـن ..]

السلاام عليكم وصباحكم ورد ,,
ان شاء الله كلكم بخير والبيبهات كماااان

وفقني فكرتك مره حلوووه وانا بكتب الاشياء اللي مخططه عليها بكرى ان شاء الله بروح السوق وكل ماخذ شي بصوره لكم عسى هالتجمع يتحرك لان ع قولتك مابقى الا شهرين

بس والله معذورين الحمل متعب وثقل وكسل :(

بسم الله نبدأ

أغراض البيبي :

باخذ 3 بدل وزن نيو بورن او من 0-3
بربتوزات كامله 8
مرايل 12
كوافل 4
غطاء للرأس 4
مفرش للطفل فخم باخذ واحد لانه اكيد بتجي هدايااا
رضاعات قزاز 3 وبلاستيك 3 مقاس s
مناديل مبلله للاطفال جونسون 4
شراريب مو اكيد اذا كان البربتوز كامل
منتجات جونسون
سرير للطفل
فرشاة تنظيف الرضاعات
علب الحليب المحكمه
حوض استحمام
مناشف للطفل
مهد للطفل
شنطة للبيبي
شالات

وبسسسس

اغراض الأم :

جلابيات استقبال 3 بازرار
كلوتات قطن
فوط صحيه
كلوتات يوميه
شال للرأس
بجامة قطن
اقمصة رضاعه عاديه للبيت
سنتيانات قطن للرضاعه
شراريب
شبشب للمشي وانتم بكرامه

وبسسسسس

هاااا تحسوني رتبت أموري والا في شي ناقص لو فيه ذكروني لان هذا اللي كاتبته عندي وباخذه ان شاء الله

الضيااافه :

أمي وأختي الله لايحرمني منهم يخططون لهم فتره على هالموضوع بنسوي طاولتين استقبال بصالة البيت للحلا والمعجنات وحركات شبسات ومالتيزر و و و الخ هذا تخصص اختي صراحه
ومعجنات وفطاير وطبعا شاي وقهوه ان شاء الله بصور لكم كل شي اذا قمت بالسلامه وجهزنااا
وبشتري شوكلاته توزيعات بس ابغى اشكال للاطفال حلوه وكيوت لسى مادورت بس بشوووف
اممممممم هذا اللي يحضرني حاليا للضيافه
اي صح طبعا عندنا لازم نسوي عشااا للوالد ف بيكون في عشا ان شاء الله ف يوم احنا نحدده باذن الله اذا قمت بالسلامه

وبسسسس هذا اللي يحضرني حاليا عن الضيافه

فترة الاربعين والتغذيه صراحه مافي شي محدد
بس مخططه الفطور : بيض وحليب لانه مفيد
والغدا : اكلات شعبيه وما الى ذلك يقولون زينه للنفاس زي المرقوق والعصيده وطبعا باكل من اكل البيت عادي كبسات وحركات و و الخ
العشاا : شوربة خضار او دجاج عاد اللي يجي اهم شي شوربه

اي صح امي تقولي لازم تشربين حلبه كل صبح عشان تعوضين الفايده اللي راحت منك وان شاء الله بشربها مع اني ماطيقها بس يالله نتحمل شوي

والتمر والعسل برضوا مفيدين باخذهم

وبسسسس

اما الفتره اللي بعد الاربعين طبعا بجهز نفسي لحياه جديده كلياً لاني بروح بيتي ومعي ضيف جديد الله يجيبه ويقومني بالسلامه يااارب
بجهز نفسي بقص شعري واصبغ شعري وبرتب نفسي وباخذ لي قطعتين جديده وكم قميص نوم بصير عروووس من جديد ان شاء الله

بسسس هذا اللي في بالي :)

شوفوا واحكموا لو في نواقص او نصايح علموني نستفيد من بعضض