تجمع الكروشات اللي ولادتهم في ربيع الاول 1434ه

[سلطانة المحبه]

السلام عليكم بنااات شخباركم .. انا دخلت الثامن على حساب السونار ..
بس على حساب الدوره لسه باقي لي اسبوع ان شاءالله ..

الدكتورة قالت لي البيبي راسه تحت و يارب يسهلها لي ..

ماني مصدقه باقي بس شهر و ادخل التاسع ... تراني مره مستعجله .

دعواتكم لي و يارب يوفق كل وحده فيكم . . .

[شقاوي]

سلطانه
الله يسهلك ويسهل لبقيه الكروشات يارب

[شقاوي]

أنا مسافر
شوفي هادا الرابط ان شاءالله ينفعك
لاغراض الولاده
بس اهم شي الاوراق لاتنسيها
اوراق المستشفى واوراقكم الشخصيه
وانا صراحه افضل تاخذين 3او اربع غيارات لبيبي
تعرفين الاطفال اول الولاده يستفرغو كثير
بالصور - شنطه الولاده والمولود اللي تروحين بيها المستشفى

[شقاوي]

لاتنسون علبه مويه صحه تعبونها زمزم
وتقرون فيها آيات تسهيل الولاده
تشربون منها اذا بدا الطلق
لها مفعول عجيب سبحان الله
وان شاءالله ربي يسهل علي الكل

[شقاوي]

المشاركة الأصلية كتبت بواسطة ام جنى الامورة

يسعد مساكم حبايبي كيفكم وكيف البيبي معاكم
انا من جيرانكم ربيع ثاني تجمعنا شبه نايم
حبيت اسلم عليكم وادعي لكم ان ربي يسهل ولادتكم وولادتي ويهونها يارب ويرزقنا اجنه كامله من غير زياده ولا نقصان

هلا والله بك ام جني
نورتينا ياجارتنا
لايكون صكيناكم بعين كان تجمعكم
مشاءالله ماينام ههههههه
والله يسهل لنا ولك ويرزقنا مانتمني يارب
عاد لا اوصيك لاتقطعينا
زورينا كل شوي 

[شقاوي]

أهلين باللي شرفونا بتجمعنا
حياتوو
ويارب الجنه
منورين حبايبي
زين بس لحقتونا قبل مانولد 
ان شاءالله نفيد ونستفيد من بعض
هي لا اوصيكم الله الله فينا لاتقطعونا
كلها شهرين بس ونولد
يارب يسهل لنا اجمعين

[شقاوي]

أنا مسافر*
صح والله المقاضي يبليها قعده*
كل ماشتريتي شي يطلع شي ناقص 
بالنسبه لجلابيه النفاس
انتي قصدك اللي تجي بقطعتين
قطعه داخليه كت وفيها فتحتين للرضاعه
والخارجيه بكم طويل
ولا قصدك شي ثاني
اذا هذا قصدك راح تلقينها في محلات الجلابيات الكبار اسالي عنها عندهم وبرضو أنا قد شفت في محل للجلاليات
*ظن واحه الجلبيات عندهم طرح النفاس أشكالها روعه
وبرضو راح تلقين جلابيات النفاس في محلات المواليد اسالي عنها لاتقولي جلابيه
قولي لهم قميص نفاس*

وبالنسبه للتقديم في محلات *للشوكلاته
اطلبي منهم يغلفون لك شوكلاته معينه
بتغليف حلو*
والتوزيعات أنا قد شفت وحده بالنت تسوي
توزيعات اذا حابه دوري واتفقي مع وحده تسوي لك توزيعات

امممم وبالنسبه لمفرش البيبي تلقينه عند
محلات تجهيز الاطفال*
مو شرط تروحين لمذكير وسنتر
أنا صراحه شفت أشياء تجنن عند محلات الاطفال مالقيت زيها بسنتر*
وغير كذا اختلاف الأسعار*
تلقينه عند سنتر ومذكير بسعر خيالي
وتلقينه نفسه عند محلات الاطفال بسعر اقل

واتمني أني افدتك انتي وباقي الكروشات
وأي شي أنا حاضره للحلوين
*
*

[شقاوي]

حبايبي أنا بقول لكم فكره عجبتني العام بتجمع كنت أنا فيه
جمعنا اسامينا بجدول وحطينا موعد الولاده وجنس الجنين
وكانت مره روعه
وبالخصوص في الشهر التاسع
كنا نشوف الجدول ونشوف مين اللي قربت ومين اللي ولدت
ومين اللي جا دورها وما لدت ههههههه


اللي عاجبتها الفكره تقوول
نبي نسويها قبل التاسع
وياليت وحده من البكريات تتكفل بذا الموضوع
لأني أنا عندي 2 مجننيني
ودايم مشغوله معاهم

اللي عجبتها الفكره تسدح لنا موعد الولاده وجنس الجنين
عشان نبدا نجمعهم
أوكي حبايبي
يلا تصبحون علي خير

[اموووووول]

هلا شقاوي فكره روعه ماشاءالله أنا موعد ولادتي ان شاء الله 22-3 جنس البيبي بإذن الله ولد

[أنا مسافر]

المشاركة الأصلية كتبت بواسطة شقاوي

أنا مسافر
شوفي هادا الرابط ان شاءالله ينفعك
لاغراض الولاده
بس اهم شي الاوراق لاتنسيها
اوراق المستشفى واوراقكم الشخصيه
وانا صراحه افضل تاخذين 3او اربع غيارات لبيبي
تعرفين الاطفال اول الولاده يستفرغو كثير
بالصور - شنطه الولاده والمولود اللي تروحين بيها المستشفى

جزاك الله خير 🌹❤😘
يا قلبي ما قصرتي ‏​ ♡