تجمع حوامل سوريا-دردشة ورود سوريا-دردشة الغاليات

[شذا حداد]

المشاركة الأصلية كتبت بواسطة بسبوسة زوجها

لك اهلين والله بالصبايا سدورة وسروؤة وشذا كتيير اشتأتلكن والله الكن وحشة يعني انتو عم تتواصلوا عالواتس اب ونحنا مالنا حق فيكن! اي هيك هه رجع التجمع نشاط وحيوية متل قبل حاسي حالي عم اعمل دعاية لشامبو هههههههههه
حبيبتي سروؤة شواخبارك وشو اخبار الامورة الزغنوطة انشاالله اوضاعكم واوضاع اهلك بخير
وسدورة حبيبتي كيفو عبودي الحلو الله يحميه يارب سدورة انتي من وين من سوريا؟والله نسيت وهلأ بحبشت بين الصفحات مشان اعرف وماطلع معي شي وانتي اي سنة بالجامعة؟
وانا راحت علي سنة لاني مانزلت عالامتحان وانا عم ادرس بحلب حقوق
شذا ياألبي معناها جيتي عالسعودية والاحداث كانت مشتعلي ييي منيح لأدرتي تطلعي والله اهل حمص ابطال الله ينصرهن على فكرة انتي من وين من حمص؟وانا اللي ساكني بامريكا موسيدرة مشان تكون ولادتي انشاالله سهلي ألتلي الدكتورة امشي بالاسبوع تلات مرات كل مرة نص ساعة بس الله وكيلكن عندي تريدميل وماعم اقدر امشي عليه لاني بتم مشغولي بحماتي آخ يابنات والله أديش ماكانت الحمايي سهلي بتم حمايي وأعدتها عندي صعبي وخاصة انا مابأدر اطلع من البيت ابدا لاعندي حدى من اهلي روح لعندو وغير جو ولابأدر اطلع برى البيت لعند حدى من معارفي لاني لسا مااخدت شهادة السواقة اجلت الموضوع مشان مايصير خطورة عحملي اثناء الفحص
والله رح طق من الملل كتير الغربي بدولة اجنبية صعبي الله يعينا بس

والله معاكي حق وين ما رحنا برات سورية غربة وقرف ..لك الله وسوريا
انا من الحمدية ...ومشان السرير اليووووم رحت ابكي بالمول ...اخذين السرير اللي كنت رايحة جيبو ...واللهه لهلق مقهووووووووورة ومن وقت اللي شفتو بقلو لجوزي تعا نجيبو بيقلي بكييير اطمني ما حجا رح ياخدو ...واليوم رحنا العالم قاااشيييين كل الموديلات منو ..يا جماعة اي شو موسم تفريخ .وانا قعدت خاتق ذبان وشي قلتلك خلينا نجيبوووو
المهم لانو حس حالو شو عامل ابو الشباب ومشان ما ضل قالبي خلقتي راح وصاهم عواحد من المستودع تبع المول ...وقلي انو احلى من هداك لنشوف .....
بكرا بعد العشا بدنا نروح وبخبركن شو بيصير

[شذا حداد]

المشاركة الأصلية كتبت بواسطة hadeel al rouh

سلام صبايا كيفكون اشتقتلكون
منورة عن جديد بسبوسة والله يصبرك عالغربة ببلد اجنبي جد صعبة كتير
حاسة فيكي انا كتير كنت انعس وحس بالخمول ونام كتير بس انتي هلأ مافيكي تاخدي راحتك قلبي معك الله يقويكي وياجرك الثواب على صبرك على حماتك وان شاء الله يارب بترق الايام ومابتحسي الا ووولدتي بالسلامة وتشوفي البوبو باحسن صحة
مبروك شفتي البيبي انا لما شفت رنوشة اول مرة كمان اول الرابع طار عقلي وهبط قلبي شعور لا يوصف الله يطعم كل مشتهية يارب

ندى الشام مبروك حبيبتي رح تدخلي الرابع والله يعينك عالوحام شكلك انتي وبسبوسة نفس الاسبوع الله يقومكون بالسلامة ياااارب
شذا 100اهلا وسهلا فيكي حبيبتي واهلا ومية اهلا باهل حمص الابطال الله يقومك بالسلامة يارب وتشوفي كوكي باحسن صحة وخلقة
انا كمان بالسعودية من سنة ومتزوجة من سنة مقيمة بالرياض حامل بالشهر التامن على ابواب التاسع ان شاء الله ومعي بنوتة رح سميها رانيا
لاتشكيلي على حياة السعودية شو مملة وصعبة انا دقت منها كتير
وعلى فكرة بانتظار صورة سرير الامورة لاني انا لسا ماجبت سرير رنوشة ومحتارة بنوعو
والله يقومنا كلنا بالسلامة ياااااااااااااارب

اهلين هديل ....كيفك وكيف النونو رنوشي ؟؟...الله يقومك بالسلامة يارب
والله معاكي حق وين ما رحنا برات سورية غربة وقرف ..لك الله وسوريا
انا من الحمدية ...ومشان السرير اليووووم رحت ابكي بالمول ...اخذين السرير اللي كنت رايحة جيبو ...واللهه لهلق مقهووووووووورة ومن وقت اللي شفتو بقلو لجوزي تعا نجيبو بيقلي بكييير اطمني ما حجا رح ياخدو ...واليوم رحنا العالم قاااشيييين كل الموديلات منو ..يا جماعة اي شو موسم تفريخ .وانا قعدت خاتق ذبان وشي قلتلك خلينا نجيبوووو
المهم لانو حس حالو شو عامل ابو الشباب ومشان ما ضل قالبي خلقتي راح وصاهم عواحد من المستودع تبع المول ...وقلي انو احلى من هداك لنشوف .....
بكرا بعد العشا بدنا نروح وبخبركن شو بيصير

[بسبوسة زوجها]

اهلين بهديل والله اشتأتلك
الله يقومك بالسلامي يارب انتي ورنوشي يارب
حبيبتي بذكر مرة ألتيلي انك من ادلب بس من وين وكيفن اهلك انشاالله بخير
وبدي اسألك ايمت بين معك جنس البيبي انا ب ٢٤ هاد الشهر عندي موعد وبكون انشاالله بالاسبوع الثاني من الشهر الرابع ومتأملي انشاالله يبان جنس البيبي

[بسبوسة زوجها]

بنات بدي اسألكن كيف كان وحامكن يعني يللي جابت صبي الله يحميه ويخليلا اياه واللي جابت بنت الله يحميها ويسعدها واللي مصورة وبتعرف شو معها الله يقومها بالسلامي مع البيبي
حابي اعرف كيف وحام الصبي ووحام البنت
انا لما آخر مرة رحت لعند الدكتورة كنت بآخر يوم بالاسبوع التاسع وألتي انو أعدت الجنين أعدت بنت يعني وضع الجنين بالشهور الاولىبيختلف بين الصبي والبنت؟!

مابعرف ليش حابي يكون اول ولد صبي هو يللي بيبعتو رب العالمين الف الحمدلله عليه المهم الخلقة التامي انشاالله والذرية الصالحة
بأى صبايا خبروني كيف كان وحامكن بالشهور الاولى وشو كنتو تشتهو وكيف تغيرت اجسامكن

[شذا حداد]

المشاركة الأصلية كتبت بواسطة بسبوسة زوجها

بنات بدي اسألكن كيف كان وحامكن يعني يللي جابت صبي الله يحميه ويخليلا اياه واللي جابت بنت الله يحميها ويسعدها واللي مصورة وبتعرف شو معها الله يقومها بالسلامي مع البيبي
حابي اعرف كيف وحام الصبي ووحام البنت
انا لما آخر مرة رحت لعند الدكتورة كنت بآخر يوم بالاسبوع التاسع وألتي انو أعدت الجنين أعدت بنت يعني وضع الجنين بالشهور الاولىبيختلف بين الصبي والبنت؟!

مابعرف ليش حابي يكون اول ولد صبي هو يللي بيبعتو رب العالمين الف الحمدلله عليه المهم الخلقة التامي انشاالله والذرية الصالحة
بأى صبايا خبروني كيف كان وحامكن بالشهور الاولى وشو كنتو تشتهو وكيف تغيرت اجسامكن

هلا منار
حبيبتي انا ببنتي كان وحامي كتيييير صعب وغثياااااان واتسفراااغ ...,دوخة ولنزلت كيلو عن وزني ,...,ما خلصت وحام لاخر الرابع ....انا بحس وحام البنت صعب ....وبيبين معك انشالله الجنس باول الرابع ...وعالاغلب الدكتورة شايفة انها بنت بس ما قالتلك لانو عرفانة انو بدك صبي
انا بالنسبة الي تشكر الرب كان بدي بنوووتة والحمدلله صرت هلق بالشهر السابع ...وصدقيني البنت احلىىى بكتييير من الصبي ههه طبعا كل شي من الله يامحلاه

[سيدرة]

هلا حبيبتي بسبوسة انا ما عندي الواتس اب عم ادخل علا المنتدا وبس وبالنسبة للوحام بيقولو انو وحام البنت صعب وبالصبي ما بتحسي بشي ابدا انا وحامي كان كتير صعب واستفرغ وكرهت الاكل وريحتو ولله الحمد علا كل حال وربتا سبحانو رزقني صبي الف حمد وشكر لله علا كل حال وبالنسبة للسونار انا صورت باخر الرابع عند دكتورة بجهاز رباعي الابعاد ومع هل شي التلي مو باين بس احتمال كبير بنت الت لحالي معناها بنت وما بدها تقلي وبعدين عند دكتورة بالمشفا الي بدي اولد فيو التلي البيبي بيتحرك ومو قادرة حدد بس احتمال كبير ولد انا احترت وسلمت امري لربنا الي بيبعتو يامحلاه المهم الخلقة الشريفة بس بعرف الوحدة بتحب تعرف جنس الولد فضوووووووول رجعت رحت علا الدكتورة الاولا بالسادس بلكي بيكون بينالتلي قاعدة البيبي بس يمكن ولد مواكيييييدالمهم مرت الايام وصرت بالتاسع بنص التاسع البيبي ما تحرك بيوم انا خفت وزوجي الا بدو ياني روح اطمن رحت علا الدكتورة الاولا والتليييييييييييييييييييييييييييييييييييي

[سيدرة]

ههههههههههه التلي الولد الحمدلله منيحة صحتو ولله الحمد بس لان حجمو بيكبر بالشهر التاسع ما بيتحرك كتير التلها الحمد لله التلي هوي صبي مو هيك التلها مابعرف لهلا مومتاكدة وبالنهاية ماحدا بيعرف شو في بالارحام الا رب العالمين التلي انشالله صبي هيك باين التلي مودايما بيبين جنس الجنين حسب المي وحسب الوضع وجلسة الجنين لازم تكون كتير واضحة وكمان حسب خبرة الدكتور احيانا ممكن يكون بنت بس الدكتور بيفكر ولد لانو ممكن يكون الاعضاء التناسلية متضخمة بيفكرو ولد وممكن يكون العضو صغير وبيفكرو بنت وهوي بيكون ولد فحسب الخبرة وقدرة ربنا اي وبعدين انا حتا ما كنت متاكدة ودوما قول الله اعلم شو جنس البيبي ولما ولدت ولله الحمد كان البيبي صبيووقتها بس تاكدت انو صبي احمد لله واشكره علا نعمه الكثيرة التي لاتعد ولاتحصا الله يرزقك حبيتي بسبوسة بالي تتمنيه يارب ويرزق شزا وهدولة وكل انسان بالي يتمناه وربنا ما بيبعت للانسان الا الخير سبحانو ولييييييييييييييييييييييييييي شو كريتخخخخخخخ بس مشان تستفيدو من خبرتي

[شذا حداد]

صباااح الخيييير .....كيفكن اليوووم .....
اليوم عاملة مجدرة ...وسلطة .....حولوووو

[سيدرة]

اهلا شزا كيفك وكيفن الصبايا كلن صحة وهنا علا المجدرة كتيييييييييييير بحبا انا اليوم عملت فروج بالفرن ورز وصلطة

[شذا حداد]

شووووووووووووومشااااااااااان بناااااااات سورية مافي حدا ؟؟؟؟
صحة ام السوس عالفرووج ....مافي مثل الاكل السوري