تجمع حــوامل التوائم

ملووك · 07-08-2010, 08:10 AM

مشاء الله تبارك الله

الله يحفظهم لك يارب

يا نارا

البرنسيسة..؟ · 07-08-2010, 09:26 AM

اقتباس:

المشاركة الأصلية كتبت بواسطة نـــــــارا

صباح الخير...

أمس رحت وسويت سونار 4 دي

بناتي وزنهم بحدود 430 جرام تقريباً ووحدة أصغر من الثانية والفرق مو وايد

بس المرة اللي فاتت كانت أعمارهم نفس الشي
هالمرة أعمارهم وحدة 22 سبوع ويومين ووحدة 21 سبوع و6 أيام

وقالت لي الدكتورة هم غالباً مشيمة وحدة بس هم مو قادرة تتأكد عشان أنا رحت للمشيمة متأخر واحتمال اندمجوا.. بس تقول ضخ الدم أوكي حسب نموهم .. وما راح يبين إذا في مشاكل أو لا إلا بعد 4 أو 5 أسابيع.. تقول في هالوقت بيبين الفرق إذا واحد يتغذى على حساب الثاني

وحبايبي بناتي... وحدة منتفة أختها من الضرب وجالسة تلعب كرة قدم فيها كله ترفس وشاتتها في وجهها

والثانية فديتها هادئة دوم ومنزلة راسها وحاطة يدها على وييها من زود ما اختها تضرب فيها!!

الله يعين هذا من ألحين يتهاوشون ويتضاربون بعدين شبيسوون فيني!!

ربي يحفظهم ويحرسهم بعينه التي لا تنام ويقر عيني بشوفتهم كاملين سليمين معافين

عــــقبــــــبال ماتــــحضـــنــيــنهـم وهــم بــصحـــة وعـــــافــيه,,

,,

البرنسيسة..؟ · 07-08-2010, 09:47 AM

صبــــــــاح الخيـــر

نورة نايف · 07-08-2010, 10:01 AM

صباح الخير على الجميع ام البنين توامي وينكم

أستاذة ذوق · 07-08-2010, 10:06 AM

صباح الخير
كيفكم نارا وبرنسيسه ونوره وملوك ووصايف

نـــارا
بناتك مثل بناتي بالضبط نفس الحركات فديتهم
احس انهم وحده حركاتها كثيره ووحده هادئه
بس انا ماسويت رباعي
انتي كيف شفتيهم بالرباعي زين يعني كانوا واضحين

وصايف · 07-08-2010, 10:15 AM

هلا بك توأمي

الله يسعدك انا بخير الحمدالله رب العالمين

انتِ كيفك وكيف البيبيات ؟؟الله يقر عيونك فيهم

لاجتك وحده فيهم بنت سميها وصايف ههههههههههههههههه

باقي عن موعد دورتي اسبوع

اسال الله العلي العظيم ان اكون حامل

دعواتك لي

والله يخفف عليكم اجمعين ويرزقكم ماتمنون

اكثرروا من الاستغفار حبيباتي

استغفرالله العظيم واتوب اليه

استغفرالله استغفرالله

:)

أستاذة ذوق · 07-08-2010, 10:32 AM

هــــلا قلبي وصايف
انا الحمدلله بخير
هذي الاسماء اللي لسه حايسه فيها
والمشكله ابوهم يبغى يشاركني ويسميهم مايبيني اسميهم ع كيفي

ياااااارب ياحي ياقيوم يجعلك تحملين قريب وتشاركينا
الله على كل شي قادر

وصايف · 07-08-2010, 10:38 AM

عااااادي لاتضيقين خلقك

والله شوفي نصيحه خليك مع زوجك بكل شئ راح ترتاحي على الآخر

يعني اذا مو عاجبك اي اسم اقنعيه باسلوب حلو انه انا احس مو لايق مع اسم اختها

وان شاء الله تتفقي انتِ وياه على احلى الاسماء الي تحبوها

ويارب تبشرينا بولادتهم وانتِ وياهم بخير وصحه وعافيه

الله يسعدك ويطمن قلبك

:)

البرنسيسة..؟ · 07-08-2010, 10:50 AM

هلا توامي انا صورة رباعي بس ماحبيته احس ان السونار العادي احسن,,,

أستاذة ذوق · 07-08-2010, 10:53 AM

مشكوره وصايف الله يقدم اللي فيه الخير

نـــوره
انتي لسه تجيكي آلام الطلق ولا توقفت
انا نفسي اعرف آلام الطلق كيف عشان لو جتني افهم ع طول