دردشة بنات العراق, دردشة حوامل العراق , تجمع بنات العراق

[فوفو العراقية]

هلوو و قمووورة
حياتي والله ماعندي فكرة عن التسمين بس للتضعيف
حاضرررة.
بس اكلي اشيا دسمة وحلا وتمر وهيج اشيا تنزل الحليب
وبنفس الوقت تسمن.
مكانج خالي اني كووومة زدت ومورمة جني فيل ههههه



وبالنسبة لعاصي النسونجي ولج ولا يأثر بي شي ههههه
صاير جنة ابو بس يحبني اني ومشايف غيري ولازك بية ههههه
وبنتج ماشاالله عرسانها طوابير. ههههه ربي يخفضها

[White angel]

هلووو حبايب قلبي
شلونكم أخباركم وحده وحده
ام نورهانه مبروك رجوعج للبيت وربي يحفظلج سوزي تجنن عبالك تفاحة
فوفو بشري مجبتي شلون تاليت عاصي هذا يؤبرني
اخر اخباري
اليوم دا اسوي زلاطه ودا اقطع الجزر جان ابتر اصبعي وكل مااخلي البلوستر لازم اغيرها لان اسم الله عليكم الدمايه مبطلت
ودا اقلي البيتنجان وجان يوكع الزيت ع ايدي وذبحني ايدناتي اثنينهم
بلنسبة البنوتي تسلم ع خالاتها ودا تتحرك مع العلم لزمتني صفحتي يومين وكمت الوب من تتحرك بس الحمد الله ع كل حال
أنتو شلونكم أخباركم
طبعا ارحب ترحيب حار بحرارة زيت الطاوه مال البيتنجان بالعضوات الجدد ههههههههههههه
نورتو التجمع حبايبي

[ام مهدي22]

المشاركة الأصلية كتبت بواسطة أم أيهومي

هلوووو بنات اشلونوونكم حبايب فله مبروك العودة للبيت
ولج هاي شنو جنتي فداوي كاعده دااكول ايهومي ليش صار مينام بالليل
اثاري الكبد مالته كاعد هههههههههههه
هلو فوفايه حبيبتي لحد الان ماكو شي والله بالي يمج تالي مراح يطلع هذا ابن ال................

ههههههههههههه لتزعلين لانه شلعه لكلبي هسه شكو لازك جوة..

يارب ايسهلج سبحانه وتعالى ويخليهة سهله باذن الله

شهوده حبي اشلونج هذا النونو من هسه وكح يارب يطلع ولد وتفرحين بيه ان شاء الله ويصير سند لخواته وقرة عين الج ان شاء الله

ام مهدي شلونج حبي الله ايساعدج علضوجه

بقية البنات زنوبه سراوي فرووحه سجاوي توتايه يارب الكل ابخير
والبنات الجدد شرفتونا يارب ايتمملكم على خير عذرا مااحافظه اسماءكم
رنوده شلونج حبي وشلون النونو,, اسفه حبي كل مره انسى اسأل عليج
اعذريني ايهومي مخبلني خبال..

هلو ام ايهومي الورد والله مؤ بس ضوجه ولعبان نفس وزايده الكآبة

[عسل بغداد]

هلو بنات شلونكم
هاي شنو فوفو بعدها كاعده مجابت يله الج الله يسهلج
ام نورهانه ماشالله بنتج حلوه الله يحفظها سبحان الله نفس خشم كرم
ميوش وتوته ونجوله شلونكم
زنوبه حبي شخبارج بنوتج شلونها
ام مهدي وشهوده ورند وباقي البنات اعذروني اذا نسيت الاسماء
مشتاقتلكم كلكم

[ام مهدي22]

هلو عسوله منو اهنا أني اجيت

[ام مهدي22]

المشاركة الأصلية كتبت بواسطة عسل بغداد

ام مهدي انشالله تكملين التجهيزات بالخير والسلامه

المشاركة الأصلية كتبت بواسطة ام مهدي22

وسلام الكل الحبايب النائمين والكاعدين وحده وحده

المشاركة الأصلية كتبت بواسطة امرأة الفرح

هلو ام مهدي ,, اني هنا هاي اذا بعدج موجودة ..

هلو حبي إها مالحكتي بيه انشأ الله الجايات اهوايه حب

[ام مهدي22]

هلو شهود لديرين بال حبي موزين عليج

[زهرة النرد]

مرحبا حبيبات قلبي شلونكم
عندي استفسار وما عندي غيركم
ريحوني الله يخليكم
اني اليوم دخلت السادس ولله الحمد
ومن اول الحمل تنزل عندي افرازات خضرة وكل مااسال الدكتورة تكلي عادي ما دام ما في ريحة ولا حكة عادي
بس سوتلي تحليل التهاب مجاري وطلع عندي التهاب وانطتني اموكسيلين وراح الالتهاب بس الافرازات مراحت
بعد فترة صار عندي الم بالجهة اليمنة وكان الوجع من الزائدة وانطتني اموكسلين والاخضار خف بس مراح
وسوتلي مسحة وطلعت نظيفة

وهسة كل فترة تنزل وياية نقطة خضرة كل كل 3 اسابيع وهذا الشي مخوفني وحتى والله نومي قلق بس تفكير اخاف يصيرلي لا سامح الله شي واني بعدني ابداية السادس وموعد الدكتورة 29 بالشهر ومااكدر اروحلهة مينطوني موعد ولا اكدر اشوف غير دكتورة بسبب نظام الدولة والتامين الصحي الله يخليكم ساعدوني هل في خطر على جنيني
امانة الله ورسوله لتنسوني بالدعاء من قلبكم بس اعدي السادس بسلام وارتاح
ربي يحفظكم حبايبي

[zena]

ام مهدي أتشرف بيج واني اي عايشه بالسويد بس كلش احب السويد ههههه





عزيزتي زهره ماعندي معلومه بس ان شاءالله ميكون عندج شي والله اطمن قلبك

[شهدعمري]

هلووووووووووووووووو حبايب شلونكم شخباركم

ام نورهانه حبيبتي وحشتينااااااااااا ومبروك رجوعك للبيت يا غاليه وفديت القمر اناااا الله يحرسهاا من كل عين احلا سوزي تتربى بعزكم يا رب تشوفيهاا عروس وتشوفين اولاد اولادها انشاء الله



ام يهومي حياتي وين هالغيبه الج وحشه قلب اما عن جنيني فعلا وكح ما عاطيهم فرصه يعرفون شنو جنسه واني اول طفل هالشكل اريد بس اعرف شنو اففف مليت

فوفايتي قلبوووووووووووووو لج لسه انتي هنااا وما ولدتي يا رب تقومين بالسلامه يا غاليه

الجديده حياتي (زينب )شكراا الج اني عندي بنات اثنين وهذا الحمل الثالث

قمورررررررررررره قلبوووو لا تستخدمين هالادويه بس بدايه هالاشهر اتكونين ضعيفه انا صار فيني هالشكل وتعبت وصرت هيكل كله من السهر والرضاعه بعدين استعدت صحتي وهسه ورمت بعد من هالحمل هههههههههههههههه اريد بس اضعف
وثاني شيء الادويه اتاثر على الحليب والرضاع ومو زين على الطفله والبرياكتين ينوم ويتعبج وما تقدرين حتى ترضعيين الطفل او تحسين فيها اذا قعدت من نومهاا وحرام الطفل محتاجه رعايتج انتي اتغذي زين والله كريم والحلبه مع الحليب يوميا شربي اغليها بالحليب واشربيها لها فوائد كثيره وتدر الحليب وتسمنج والتمر والموز والحليب سوي عصير وانشاء الله تستعيدين صحتج

ام مهدي تسلمين حبيبتي

باقي البنات عسوله وزينه وامراءه الفرح ههههههههههههه انا عندي واتس اب وايت انجل من زمان ما اشوفج انشاء الله خير يا رب

اما زهره النرد
حبيبتي لا تخافين ما اله داعي كل هالارتباك والخوف الله يتمم لك حملك على خير انشاء الله ان بعد كان عندي التهاب وداوت على الدواء والحمد لله صرت احسن وحاليا راح ادخل للسادس مثلج اشاء الله خير يا رب اهم شيء ديري بالج على حالج وكثري بشرب الماء وابتعدي عن الاكل الحار والدهونات حتى بسرعه تشفين من الالتهاب