ياترى أنا قاعده أتوهم ولا في شي مريب.....

[New33mam]

السلام عليكم....
شخباركم صبايا؟!
إن شاء الله عال العال.....
بنات أنا شاكه شي غريب بيصيرلي في غرفتي هل أنا موسوسه ولا في شي حقيقي!!!
رح أقول لكم القصه أنا من فتره لقيت لبس ولدي الدخلي داخل كبت اللي تحت التلفزيون وداخل كيسه أنا حاطه داخلها شموع الزينه وأنا متأكده مليون بالميه مو أنا اللي حطيت اللبس ومستغربه مين اللي خذاه من الكبت وحطه بالكيس فيه شموع وسألت زوجي وإستغرب من الموضوع ونسى وأنا طبعا مانسيت وبعدها بكم يوم نظفت الحمام وكان بيلمع ونظييف ع الإخر رحت شويه تحت ورجعت لقيت شوية شعر في نص الحمام مع العلم إنه الشعر لونه (أسود) وأنا لون شعري بني إستغربت وقلت لزوجي وإستغربنا لانه عايشين عند أهله ومستحييل يكون اللي ف بالي صحيح المهم طنشنا السالفه وقبل كم من أسبوعين لقيت فوق التسريحه ورق صغير مكتوب فيه أرقام تحت بعضها وبعض الارقام مكرره وطبعا مو خطي ولا خط زوجي حسيت بأنه شي مريب قاعد يصيرلنا ...واللي خلاني أشك إنه أخت زوجي ف غيابي تدخل غرفتي بدون إستئذان وتاخذ اللي تبيه وتطلع لاني إكتشفت إنه معاها مفتاح ثاني لغرفتي ....وأستغفر الله ياربي والله ماكنت أبي أحط بذمتي بس تصرفها فيه قلة حيا وشلون تدخل غرفتي وتفتش بأغراضي بدون إستئذان صراحه ينخاف منها ....لحين بنات أبي نصيحتكم هل تعتقدون إنه اللي بالورق شي من السحر ولا أنا خيالي واسعوموسوسه.....ساعدوني بليييييز أنا صرت ماأنام الليل من التفكير والخوف...

ملاحظه:زوجي أحيانا فجأه مايتكلم معاي ويكون متغير علي ودائما تصير بينا مشاكل....

[طيبتي أكبرهمومي]

اقوول اذا بينك وبينها علاقه محترمه اخت زوجك
ياليت تمسكيها على جنب وتسألينها في أحد يدخل غرفتي من غير أذني
خليك صريحه معها
اذا ايه فاجلسي فهميها بكل شفافيه وقلي لها مااحب احد يدخل غرفتي من غير اذني واذن زوجي
وبعدين وش مقصدها تسوي هاالحركات اخوهااا؟؟ أو فيك وش بتستفيد غير دعاوي وبلاوي لها ولأهله
والسحر حبيبتي الله يبعد عنه انتي ولدك قلبي يكون رمل وفيه طلاسم وايات محرفه امكن تقولي سحر لكن ارقام ماسمعت بها وإن شآء الله مايكون سحر واذا شاكه
حصني روحك انتي وزوجك وشغلي سوره البقره في شقتك يحصنك انتي زوجك
واذا صار هادي زوجك فهميه وقولي وشفيك وزي كذا يمكن مضغوط من العمل لاتشكي فيه شئ ابد
الله يسخر لك من تولى امرك اختي
ولاتوسوسي ولا شئ واذا استمر معاك هاالحركه كم شهر لاتستكتي ابد

[New33mam]

علاقتنا عاديه مع بعض يعني إهي متناقضه شوي وهالفتره صارت ماتكلمني زي أول .....وفكرت أكلمهت ع جنب بس خفت تسويلي مشاكل وتقول لاأوها وتخرب بيناخأ
يسلمو حبيبتي شاكرتلك ع المرور

[New33mam]

معقوله بنات 30 مشاهده ولا وحده ردت علي
الله يسامحكم ....وكلت أمري لله وهو خير المتوكلين

[عروستة]

حبيبتي ركضضضضض غيري كيلون باب جناحكم

نصييحه غيريه ماتدرين وش بلاوي هالزمن ترا الناس صارت ماتخاف الله والله استغرب بلاوي بلاوي

والله تو تقول لي خويتي زوجها متعرف ع بنت متزوجه اتخيلي مزوجه معها اطفال ام يعني و تطلع مع واخد متزوج و بينهم علاقات غامضه و محرمه و زوجها متغير عليها مررررره لدرجة انه طردها من البيت و كل ماراحت عند شيخ قال مسحور بس مانقدر نفك السحر و الله اعلم





طبعا هم يقولوا علاج السحر موية البحر المالحه .. انت خذي موية البحر و اقري عليها لازم ضروري تقري عليها بالي تبغين بس اهم شي قران ايات مباركة و ترشي البيت يعني ع الخفيف و الله تبطل النفس و السحور و تروح الحسد و الطاقات السلبيه ماشالله مجربه



و حطي سورة البقره اذا خرجتي من جناحك


وارتاحي من الوسواس و دايما بصلاتك ادعي الله انه يسخر لك زوجك و ابنك و يحفظهم و ان الله يبعد عنهم بنات و اولاد ابليس


الله يبعد عنكم كل شر يارب اكون افدتك بس زي ماقلت لك غيري الكيلون و اذا اهل زوجك قالوا ليه و كذا صرفيها قولي ماعاد يقفل الباب او ولدي صار كثير يطلع و انا مو داريه


او شاكه خدامة اهلي سرقة المفتاع و ابي اغيره اضمن

[New33mam]

تسلمي حبيبتي ع المشاركه...
ومثل ماقلتي رح أخذ موية من البحر وأقرأ عليها
والله يحمينا ويحمي جميع المسلمين من شر هالناس يلي ماتخاف ربها

[مشاعل الدوسري]

السحر ياقلبي
طلاسم و اسامي و رسمات غريبه و خط غريب الا اذا السحر صار متطووور و بلارقام اختصارر..

بس انا ما اتوقع انه سحر ..

اتوقع هي دخلت و استخدمت اغراضك واسبحت و خذت راحتها و قاعده تسوي لك حركات و تبي منك ردة فعل ..

لكن انتي لا تسالينها و لا شي بس غيري مفتاح البيت المدخل مو لازم كل المفاتيح المدخل هو اللي بتدخل منه .. فا غيريه و انتهينا ..
و تعوذي من ابليس ..
و اذا قلتي لزوجك غير المفتاح و اسالك ليه...؟
قولي بصراحه اتوقع اختك عندها مفتاح البيت و تدخل و تستخدم اغراضي فا انا ما ابي اتكلم معاها و اسوي مشكله لكن عشان اقصر الشر و اذبح الشك اللي فيني بعد و ننتهي من الموضوع و ابطل افكر فيه ماراح يضر لو غيرنا المفتاح و بس..
و اذا قالك لا و مدري شنو ..

قوليله انا ما عندي اعتراض انها تاخذ راحتها بلشقه لكن انها فوق كل هذا تستخدم اغراضي و اوقات افقد اشياء و هيك شغلات تذكر الشعر اللي قلت لك شعر منو يعني اكيد في حد دخل عندي و سبح و بس ..

[سموة الشوق]

بسم الله عليك

أما موية البحر وماادري وش

خرافات

الموية المقرية هي المذكورة عند المقرئين وموية زمزم

مثل ماقالوا لك البنات ضرووووري تغيرين كيلون مفتاح البيت وكمان باب غرفة نومك


وزوجك شايف كل شئ

وحصني بيتك وزوجك وعيالك

الله يحفظك ويسعدك ويبعد عنك شرور الانس والجان

[مشاعل الدوسري]

ياقلبي بقولك على موقف مر فيه اخوي ..

يوم كان ساكن في بيته القديم ..

دايم الاشياء تتغير اماكنها فا بلاخر اكتشف
انه جن معاهم ساكنين في البيت..
دخل مره من المرات المطبخ و لقى وحده واقفه لابسه
روب زوجته كانت واقفه تسوي حليب حق ولدها ..
هلكلام طبعا الفجر صار..

و بس شافته و طنشت و لا كأنها تشوفه مافي اي ردة فعل
غير انها ناظرت فيه ..

يقوووول اخووي انا فهيت ههههههههههههههه
لاها كانت حلوه احلى وحده بلحياه شفتها ههههههههههههه ....

و لان اخوي عادي مع الجن يحكي معاهم و ما يخاف منهم ..


مره من المررات جني قاعد معاه و يتكلم عن الاسلام الظاهر قاله اخوي
قووم اطلع بره بكرامتك احسن ما اقلب عليك هلمجلس ههههههههه
حنا قاعدين بلصاله الثانيه و نسمع و انا اقول لزوجة اخوي شنو هذا قالت جن معانا بلبيت
طبعا انا خفت بس الجن اللي موجود ابد ما كان يضر اهل البيت ..
و كان الجن يهدد اخوي بانه بيسوي قاله اخوي سوي اللي تبي ربي كاتب لي هلقدر عندك شي ثاني قووم خلني اتابع التلفزيون
لا تخرب علي ..

من بعدها ماطبيت بيت اخوي هههههههههههه..


فا احتياط شلي القران اثناء وجودك بلبيت من اول ما تدخلين الين تنامين .. بصووت واطي مو لازم يووصل حده ..

انا و زوجي ننام و نخلي التلفزيون مفتوح على قناة القران .....

جاتنى فتره هيك

[New33mam]

يسلموو حبيباتي ع مشاركتكم...
بس بنات مو شرط السحر يكون أسامي وطلاسم وخط غريب أنا من بعد مالقيت الورقه دخلت النت وبحثت عن الموضوع لقيت أنواع كثير من السحر منها السحر بالارقام وفيه عموديه وأفقيه وأنا الارقام يلي بالورق أفقيه ....