اي سؤال انا جاهزه

[بنت صيدا]

المشاركة الأصلية كتبت بواسطة حبيبة عبدالمجيد

الله يوفقك ويصلح أولادك ويجملك بعين زوجك بس لاني قريت بالنت إن الوردي للاجانب ومايصلح لنل

شكرا كتير على دعاءك الحلو

اجمالا اللون الوردي يصلح اكثر للبشره البيضاء او التي على صفار شوي او فيها شحوب مثلا لانه رح يعطيها لمسة حيويه ... لكن ان كانت البشره سمراء او اذا كانت بيضاء لكن ورديه اللون يعني الخدود على وردي فالاكيد مش لازم نستعمل اللون الوردي

[بنت صيدا]

المشاركة الأصلية كتبت بواسطة ام مرتجى

ممكن سؤال اختي اني وجهي يتقسر وتصير بي مثل البثور البيضاء ومااكدر استعمل اي نوع من البودر او الكريم ومااسوي اي نوع من التنظيف للبشرة

اهلا وسهلا فيكي
تقشر البشره اله اكتر من سبب
ممكن يكون من جفاف البشره او احيانا تكون البشره دهنيه ومع عدم الاعتناء فيها وتكاثر الدهون على سطح البشره رح تتقشر
واحيانا تكون مشكله جلديه
بصراحه مش رح اقدر افيدك بخصوص بشرتك لو ما كشفت عليها وشفت المسامات والبثور اللي فيها
اللي بقدر انصحك فيه انه تشوفي اختصاصية بشره شاطره وتعالجلك ياها
واهم شي تداومي على تنظيف البشره مرتين باليوم و استعمال الكريمات المرطبه المناسبه و الاهم كمان استعمال مقشر وماسك مره اسبوعيا

[بنت مكه20]

اختي جزاك الله خير ياليت تردي عليه باقرب وقت واكون ممنونه

يعني ابغي احس
مع العلم ان بشرتي دهنية
بيس / كريم اساس / بودرة / كحل / مخطط حواجب / مكياج نفسي في الوان ثابته / ارواج وثابته / عطر / فرش للمكياج / كريم للبشره

[همس النهرين]

السلام عليكم
حبيبتي اذا ممكن
اريد اعرف احسن ماركة ل

اقلام الكحلة الملونة داخل العين
والكحلة السودة داخل العين

والآي لاينر
والكونسيلر
كريم الاساس والبودرة ؟؟؟

شو الاحسن تكون الكحلة ووتر بروف لو عادية
لانه استخدمت الووتر بروف من ماركة nyx داخل العين ما ارتاحيتلها

[بنت صيدا]

المشاركة الأصلية كتبت بواسطة بنت مكه20

اختي جزاك الله خير ياليت تردي عليه باقرب وقت واكون ممنونه

يعني ابغي احس
مع العلم ان بشرتي دهنية
بيس / كريم اساس / بودرة / كحل / مخطط حواجب / مكياج نفسي في الوان ثابته / ارواج وثابته / عطر / فرش للمكياج / كريم للبشره

يعني انتي بدك احسن شي بالماركات ؟؟

البيس من عند ماك رائع وقوليله انه بشرتك دهنيه
كريم الاساس : على حسب انتي كيف بتحبيه لانه في ناس تحتاج كريم الاساس ثقيل و يكون تغطيته عاليه وفي ناس تحب يكون كتيير خفيف وفي ناس بتحب يكون له لمعه وما عرفت انتي شو بتحبي
البودره : انا بحب جيبا من عند ماك .. كمان في انواع ما بعرف بتحبي اللي فيها لمعه للبشره او بتحبي تعطيكي المنظر المخملي .. مع انه المخملي انسب لبشرتك الدهنيه من شان هيك بنصحك بالبودره الحره اللي ما فيها لمعه وتبعدي عن المضغوطه او اللي فيها لمعه
الكحل : من ماركه ماك للمناسبات والسهرات و من بورجوا للاستعمال اليومي
مخطط الحواجب : من ماركه ميك اب فور ايفر اللي هو على شكل معجون
الماكياج اذا استعملتيه بطريقه صح رح يثبت معك .. يعني على العيون مثلا حطي الكونسيلر ومن بعدها الشدو فوقه ورح يثبت معك اللون .. الارواج كمان حطي بالاول كونسيلر خفيف بعدين خططي شفتك وعبيها من المحدد بعدين حطي طبقه خفيفه من البودره الشفافه وبعدين حطي لون الشفايف وان شاء الله رح يثبت معك لاخر السهره
العطور بصراحه ما عندي فكره : بس انا بستعمل دايما طريقه اني لما اتحمم بحط عود على رقبتي و معصم ايدي وبعدين البس وارجع احط عطر فوقه بحس العطر بصير قوي وبيثبت
فرش الماكياج : اكتر من ماركه .. ماك وميك اب فور ايفر و ماكياجي بس مو كل الفرش .. يعني اللي بتيجي بشنطه فرش
كريم البشره : ما فهمت عليكي بالضبط .. لو قصدك للاستعمال اليومي فانا استعملت من ماركه هستمر رائع جدا

ان شاء الله اكون افدتك واذا في استفسار تاني احكيلي من شاء ارجع اخبرك

[بنت صيدا]

المشاركة الأصلية كتبت بواسطة همس النهرين

السلام عليكم
حبيبتي اذا ممكن
اريد اعرف احسن ماركة ل

اقلام الكحلة الملونة داخل العين
والكحلة السودة داخل العين

والآي لاينر
والكونسيلر
كريم الاساس والبودرة ؟؟؟

شو الاحسن تكون الكحلة ووتر بروف لو عادية
لانه استخدمت الووتر بروف من ماركة nyx داخل العين ما ارتاحيتلها

عليكم السلام
اقلام الكحل الصراحه من ماك جدا ممتازه
لكن سعرها اغلى من الماركات التانيه
من شان هيك انا بشتريها وبخليها للمناسبات لكن لو للبيت والاستعمال اليومي بستعمل بورجوا
الاي لاينر بستعمل ميك اب فور ايفر اما الكونسيلر من ماركه كرايولان
كريم الاساس والبورده من ماركه ماك
الكحله لو كانت ووتر بروف رح تضمني اكتر انها ما رح تسيح مع الحر

[همس النهرين]

طيب اختي

اني بشرتي جافة حنطاوية
واريد كريم اساس او بودرة
شو احسن شي بس بدي تحكيلي نن ماركات السنتر بوينت يعني رميل لندن لوريال ....
لانه ماركات الكبيرة مابروحلها

[بنت صيدا]

المشاركة الأصلية كتبت بواسطة همس النهرين

طيب اختي

اني بشرتي جافة حنطاوية
واريد كريم اساس او بودرة
شو احسن شي بس بدي تحكيلي نن ماركات السنتر بوينت يعني رميل لندن لوريال ....
لانه ماركات الكبيرة مابروحلها

طيب معناها لو تجيبي كريم ترطيب ما قبل الماكياج
وتجيبي كريم اساس خاص للبشره الجافه اساسها زيتي رح يكون
والبودره رح تكون مضغوطه وما تجيبي البودره الحره ابدا وحاولي يكون فيه لمعه خفيفه حتى تعطيكي لمسه حيويه لبشرتك
انا بالنسبه للماركات اللي قصدك عليها هي كويسه كاستعمال البنات بالعمر 17 مثلا
وبصراحه ما رح تلاقي تفصيل بهالماركات على حسب نوع البشره وحسب الاحتياجات
بعكس الماركات اللي قلتلك عنها
من شان هيك ما بقدر قللك اشتري من عندهم .. بس فيكي تروحي وتجربي يمكن تلاقي شي يناسبك ..

[мїѕŠ βпỒơ]

السلام عليكم .. مشكوره حبيبتي على الموضوع الله يجعله في ميزان حسناتك .
انا مشكلتي عندي هالات سودا حول عيوني مرره غامقه وانا بشرتي بيضاء والهالات مشوهه فيني مرره ماخليت خلطه ماخليت شيء ماجربته رحت لطبيبة تجميل اعطتني كريم وقالت اذا نفع وخفت من اسبوعين حيفيدك اما اذا ماتغير شيء خلاص ماحيفيدك شيء 😢
سألت اخصائية تجميل قالت استخدمي كونسيلر غامق حول عيونك وفوقه اساس . رحت شريت من شانيل بس بعد ما احطه بساعه يخف ويصير حول عيوني لون رمادي 😰
ف افيديني وش اسوي وش استخدم وكيف اخفيها ؟!

[بنت صيدا]

المشاركة الأصلية كتبت بواسطة мїѕŠ βпỒơ

السلام عليكم .. مشكوره حبيبتي على الموضوع الله يجعله في ميزان حسناتك .
انا مشكلتي عندي هالات سودا حول عيوني مرره غامقه وانا بشرتي بيضاء والهالات مشوهه فيني مرره ماخليت خلطه ماخليت شيء ماجربته رحت لطبيبة تجميل اعطتني كريم وقالت اذا نفع وخفت من اسبوعين حيفيدك اما اذا ماتغير شيء خلاص ماحيفيدك شيء 😢
سألت اخصائية تجميل قالت استخدمي كونسيلر غامق حول عيونك وفوقه اساس . رحت شريت من شانيل بس بعد ما احطه بساعه يخف ويصير حول عيوني لون رمادي 😰
ف افيديني وش اسوي وش استخدم وكيف اخفيها ؟!

فعلا مشكلة الهالات مشكله
واغلب الكريمات رح تعالج الهالات وتخفف منها لكن لحد الان ما في كريم او علاج يزيلها نهائيا .. انتي اعملي بحوث عن اسباب الهالات عندك حتى نخفف من سوادها اكتر واكتر في عندك مثلا طريقه النوم تأثر وكثرة السهر والتعب وممكن يكون قلة غذاء
اما عن طريقة اخفاء هالهالات .. فرح اطلب منك تشتري كونسيلر لون برتقالي وموجود عند ماركة ماك منه و في اكتر من ماركه كمان متخصصه بمواد الماكياج للخبيري التجميل رح تلاقيه .. اول شي تأكيد انه تحت عيونك نظيف من اي بقايا ماكياج وبعدين ادهني المنطقه بالكونسيلر البرتقالي و اصبر شوي حتى يندمج مع حرارة البشره ولما تحطيه حطيه بطريقة التربيت وليس الدهن بالاسفنجة الخاصه بالماكياج اللي يجي لها حفات مثلثه الشكل .. بعدين رح تجيبي كونسيلر تاني قريب من لون بشرتك بس على افتح درجه مش اكثر .. ورح ترتبتي مره تانيه فوق الكونسيلر الاورنج حتى يختفي .. بهالخطوه كمان لا تنسي تمدي الكونسيلر كمان على جوانب العين يعني رح تربتي حوالين العين كمان علشان لما تحطي الفونديشن اللي هو كريم الاساس رح نحطه تحت العين ابدا .. واخر شي رح تحطي طبقه رقيقه من البودره الشفافه هي اسمها ورح تلاقيها بالماركات المتخصصه .. حطي طبقه من البودره وبعدين انفضي الزائد منها وهيك رح تخف الهالات بدرجة كبيره

نصيحه اخيره : لما تحطي الماكياج خلصي ماكياج عيونك من فوق اول يعني على الجفن العلوي وبعدين نظفي تحت العين من الوان الشدو اللي نزلت وبعدين ابدأي بتغطية المنطقه .. لانه لو سويتي التغطيه قبل ممكن ينزل من الشدو اللي فوق اثناء وضعه ورح يتحول مع الوقت للون الرمادي .. وممكن لو حبيتي تحطي التغطيه اسفل العين اول عندها رح تخلي طبقه سميكه من البودره الشفافه تحت العين حتى تحميلك المنطقه من انها تتوسخ من بقايا الشدو واخر شي رح تنفضي البقايا كلها .. مع اني بفضل الطريقه الاولى اكثر لانه بالطريقه الثانيه لاحظت انه التجاعيد صارت اوضح لانه البودره تجمعت بالثنايا تحت العين اكثر

بتمنى اكون عرفت اشرحلك كويس واي استفسار تاني انا بأمرك يا قمر