دردشة بنات فلسطين, دردشة حوامل فلسطين, تجمع بنات فلسطين

[جارة القمر]

يسعد مساااااكم

طول وانا بقرأ بضحك ............وضحكت زوجي معي .............

مسكين هالشب اللي اخدت ابرة الطلق ...............

واعجبني المثل اللي حجتنا ام عزمي قالتله ...........الناس بتحسد الاعمى على عصايته ..,.,.,. خطيره يا ام عزمي


وبالمقابل شو حزنت على الاخطاء اللي برتكبوها الدكاتره الله يرحم مرت خالك يا غموض

وان شالله تقوم بالسلامة قلاايبتك يا ام عزمي



احساس :
\
قلبي معك الله يقمك بالسلامة .................


يلا بنك شدي همتك ................ وازا في لبيتك درج اطلعي عدة مرات.........كتير بفيد للولاده انا بيتي الطابق الخامس


ام عزمي وحواااااااااااء:
والله مش قلال بتفكرو منيح هيكم لمستقبل بناتكم..............بدك الصراحه اني انا مش رح سكن اي كنه عندي .....

كلهم بدي ياهم بعاد لايجننوني ولا اجننهم هههههههههههه بس كل اسبوع رح روح اتفقد اوضاعهم واقييم .......



زهرة سلامتك ............


على فكره مستشفى المقاصد مليان من ناس من غزه

[غُمُوض أُنثَى]

كيفكم بناااااااااااااااااات

تسلمولي يارب والله يبعد الشر عن الجميع ان شاء الله

الكل بياخد نصيبه والحمدلله ع كل حال بس لازم الواحد يدير بالو كتير

ولك يا ام عزمي ما عندك خبر عن ميساااااااااااااااااا ؟؟؟ اشتقتلها الدبة والله

انا هلا صحيت ههههههه ضايل ساعة ونص للادان

بدي اعمل مكرونة بشاميل وسلطة وعصير وبسسسسسسسس بديش اعمل شوربة كل يوم بتنكب خسااااااااارة

يلا سي يو بنات بعد الافطار

[حواء مثالية]

يسعد مساكم كيفكم شو اخباركم

في حد هووووووووووووووووووووووون

جارة ولا يهمك انا بنتي هادية ما رح تجننك ومطيعة ما رح تغلبك هههههههههههه هويدة خدي بالك منها

[احساس أنثى]

المشاركة الأصلية كتبت بواسطة بينك روز

احساس ماشاء الله حلوين ملابس زوجك
انا اليوم بدي اطلع انا وزوجي نشتري
زوجي ما بشتري الا من محل 212 إلي بشارع النصر جنب مطاعم العافية
احساس حبيبتي لما رحتي على الدكتور الخاص شو حكالك بالزبط
وبدي اسئلك كيف حركة الجنين عندك
بتعرفي انا عندي وجع ببطني من تحت زي الي حدا خابطني بجعني كتير

هلا بينك لسى صامده متلي ^_^

الله يبارك فيكي يارب .. وان شاالله زوجك يلاقي شي شيك وحلو كمان ^_^

الدكتور حكالي كل امورك تمام وحكالي طبيعي البكريه تتأخر 90% منهم بياخدوا اسبوع على معادهم ...حكتلو خايفه اوصل لمرحلة الطلق الصناعي قلي طلق صناعي او طبيعي نفس الوجع

ع فكره هاد مش دكتوري ^_^ بس رحت عشان اتطمن على زوزو كيف مع الصيام والحمد لله تمام ...كل شي ...

الحركه الصراحه خفيفه يعني طول اليوم 3 مرات بس وحكالي كمان طبيعي لانو الراس تحت ولانك صايمه مافي سكريات ... بس قلي لو مافي حركه طول اليوم لاتستني تعالي ليكون في شي ...

انا دكتوري يلي بتابع عندو بالمستشفى يلي حولد فيها بالاهلي ... حروحلو يوم التلاتا لو ماولدت معادي يوم التلاتا

وربي يقومنا بالسلامه كلنا يارب ... وماشاء الله مادام عندك وجع بدا يمكن تولدي قبل انتي ماشاء الله عشان بتطلعي وبتنزلي وبتتحركي والله انا مو كتير يمكن عشان هيك تأخرت

[احساس أنثى]

المشاركة الأصلية كتبت بواسطة أم عزمي

طيب يا غموض كمان لما عرضوها بالمستشفى اللي عندنا ما رضيو يقبلوا حالتها قال غير تروح مكان ما ولدت الله ينكبهم لولا دكتور بيعرفوه تصرف بالموضوع
و كمان البنت بتموت و قال بدهم يأجلوا عمليتها لبعد العيد قال عشان باب الكلية اللي بدهم يحطوا فيه البربيج صغير لولا دكتور قال بدو يعملها على عاتقه و الله لو حولوها على اسرائيل كان أحسن الها
صحيح و الله قصة مرت خالك قالتها خالتي لما أجت تباركلي بميلاد هويدة يا روحي عليهم ولاد خالك و خالك طيب شو صار بالبيبي يا حبيب امه الله يرحمها و الله نفسي أعيط وما أسكت من كتر ما شفت شووووووو هي غلاوة الأم و الضنى يا الله شو غااااااااالي يا رب تلطف فينا يااااااااارب
لاااااا و كمان لما خالتي قالت هيك خالي قال إلنا كمان انه في دكتورة محممة بيبي في المستشفى مش قايسة درجة حرارة المية و طلعت المية بتسلق بالنسبة لجسم الولد الا هو نصه اللي تحت راااااااااح الله يخرب بيتهم و الله قلبي على حالي و على بنتي الله لا يوقعنا بايدين ولاد الحرام هدول يا رب

ربي يرفع عنها بميزان حسناتها ان شاالله ... نصيبها ..

بالنسبه للطفل فعلا هالقصه حصلت بمستشفى لانصر للاطفال عنا بغزه .. وياحرام هالطفل اجاهم بعد عطش للناس ورفعوا قضيه على الممرضه وقال بالاخر مافصلوها لانها الها زمان بتشتغل يعني مش بقصدها ... والله انا انجنيت حقيتها تتعاقب وتنفصل عشان غيرها يرتدع

بس بلدنا للأسف ساااااااااايبه

[احساس أنثى]

المشاركة الأصلية كتبت بواسطة أم عزمي

هههههههههههه ضحكتيني يا هبولة شكله الحمل مأثر عليكي كتييييييييييير يا هبولة اللي حكت عن ابرة الطلق حيفا مش غموض و هي اللي دايما معزومة هههههههههههههه

ههههههههه نيله والله ماانتبهت

معلش ياام عزمي لاتدقي مع الحمل والصيام

هههههههه يادي الكسوف

[احساس أنثى]

المشاركة الأصلية كتبت بواسطة أم عزمي

منيح و الله مستشفى المعمداني كتييييييييير كنت أسمع ماما تحكي عنه ما هي من سكان جباليا كانت و هل صاروا بغزة دار سيدي أهلها لماما

اه والله منيح والدكاتره خبره لأنو من ايام زماااااان

واغلبو اجانب وبيجيه وفود اجانب .. انا ارتحت فيه ... وجوزي شاف قسم الولاده طلعوا يشوف حرام نظيف وغرف نظيفه وسرير للبيبي ...

وربنا يسهل يارب

[احساس أنثى]

المشاركة الأصلية كتبت بواسطة maya123

الصبايا اللي ساكنات بغزة سؤال بس
كديش عندكم بغزة تقريبا سعر لبسة العيد لولد بجيل 6 سنين؟

حبيبتي في من الحلو للحامض .. يعني لو بدك تشتري البنطلون لحال والبلوزه او القميص لحال بدهم 100 شيكل

لكن لوطقم كامل بيعدي ال150وأكتر كمان الطقومه الكامله دايما اغلى .. اذا طقم المواليد انا جبتو لزوزو ب100 وب90 شيكل

وطبعا حسب الشغل كمان في صيني في شغل غزه ...وهكذا

[احساس أنثى]

المشاركة الأصلية كتبت بواسطة maya123

ههههههههه اه ويلا كيف عاد! يستنوني كمان اسبوعين بلكي اولدت
انا راح تجيني بنوتة واسميها لمار بس والله مشتاقتلها من اليوم
من شهر جهزتلها كل الغرفة وكل يوم بنفوت انا وجوزي بنقعد بالساعات بالغرفة بس ناقص تيجي البنوتة

ياالله ياام عزمي يلي صبر هالشهر بصبر كمان اسبوع

أصلو زوزو شكلو شيخ وناوي يصوم رمضان كلو هههههه

ماشاء الله تخيلتها غرفة البنت شو حلوة لأنو دايما الوان البنات حلوين .. ان شاالله يارب تشوفيها على خير وتنور حياتكم ... والاسم كمان حلو

[احساس أنثى]

المشاركة الأصلية كتبت بواسطة زهرة القدس

اكيد كل اشي من عند رب العالمين خير

بقلي لا اما التهاب في الفقرات او بداية ديسك ما بعرف من وين بدو يجيني كانوا لسه بدري عليه ههههههههه وواحكالي ارجع اليوم بعد الافطار عند الدكتور المختص

وان شاءالله خير

ماتشوفي شر يازهره ... ديري بالك على حالك لساتك صغيره

وربي يكتبلك كل خير يارب