تجمع حوامل الأشهر الأخيره(السابع,الثامن,التاسع)

طيبتي أكبرهمومي · 08-12-2012, 06:11 AM

تمام الحمدالله اخبارك مجاديف شلونك وشلون البيبي إن شآء الله كلو تمام
وشخباركم كلكم كروشات إن شآء الله كلكم بخير؟؟
بيري الله يهون عليك ويقومك بسلامه انتي وطفلك ويقر عينك بشوفته...وانا وكل الحوامل حلوووات
بسألكم كروشات
انا من بدايه التاسع وانا انام على ظهري ماسمعت معلومه الامن دكتووره ومنكم
وانا ميته خوف خايفه انو التف لاسمح الله وانا نمت غلط
فعادي شئ والا لا؟؟؟ الله يسعدكم طمنوني لأني مادريت الامن دكتورتي وانتم
الله يوفقكم ويسعدكم وين مماكنتو
انتظر ردكم

بحر الالماس · 08-12-2012, 06:18 AM

طيبتي ياقلبي لا تخوفي نفسك بزيادةةة
انا طول الوقت اتقلب من جنب الي جنب وشوي علي ظهري
يعني مافي وحدة بهالشهر تظل نايمة علي جنب واحد او علي ظهرها
طووووول الوقت تلاقي نفسها الحامل باخر شهر نومها ثقيل مرةةة
يعني لا تخافي ربي خيررر حافظ
بعدين حبيبتي قبل لا تنامي عليك بقراءة المعوذاات 3 مرات
واية الكرسي واخر 3 ايات من البقرة واخر 3 ايات من الحشررر
هذي لوحدهااا ربي ينزل عليك 70 ملك يحفظوك الي ان تصحي
حبيبتي توكلي علي الله ولا تبالي

بسبوسه2 · 08-12-2012, 06:22 AM

طيبتي اكبر همي والله انا الي والي اسمعه دايم انه الخامل من الشهر الخامس مايصلح تنام علا ظهرها
اولا الحامل تنكتم وماتقدر تتنفس زين لان الجنين يضغط علا التنفس
وثانيا ظهرك يتاثر لان الجنين يصير ثقله غالبا علاالعمود الفقري وهاذا الي يخلي الظهر ينحني ويصير يألم الام
وكيف ماشالله عليك تنامين علاظهرك في التاسع ماراح تقدري تتنفسي وغير كذا قالو الحبل السري يمكن يلتف والله علم

طيبتي أكبرهمومي · 08-12-2012, 06:29 AM

بسبوسه وبحوره
ومن شهر الخامس يابنات تجيني تقلصات اوجاع موب طبيعيه عشان كذا مانمت على جانب الايسر لكن الحمدالله عدت على خير وعقبى الاخير إن شآء الله و
لأني وقت شغل في مطبخ كذا انسدح على ظهري من تعب ووشغل بس ماالهك نفسي بتعب
ومره على جنب بس اكثر شئ على ظهر...
بس على الله توكلنا لأني ماسألتها دكتوره الا الحيين ولادريت انو من الخامس كنت متعبه ومتضايقه نفسيآ من المشاكل الله يعين عليها بخير
والله يقومنا بسلامه جميعآ ويرقكم أطفال سلمين معافين يارب

طفلي انتظرتك طويلا · 08-12-2012, 07:10 AM

الله يعطيكم العافيه بنات
بحر الالماس ماقصرتي ياقلبي تسلمين

خجول الورد · 08-12-2012, 07:36 AM

مو جايني نووم مكتومة نفسي ضايق والبيبي يتحرك ونغزات من تحت .. الله يعديها ع خير ..

امل عمري شوفة جنيني · 08-12-2012, 08:15 AM

السلام عليكم

صباح الخير لكل الحوامل

خجول الورد سلامتك حبيبتي وماتشوفين شر انا زيك من الثامن اذا جيت انام يضيق النفس عندي ودايم يتحرك ولدي بالجوانب ونقزات من تحت لين الحين اتوقع طبيعي بس الافضل روحي تطمني على نفسك

وباقي الحوامل طمنوني عنكم وبالذات اللي زيي بالتاسع نكسر الخاطر<<<كل يوم يزيد الخوف من الولاده ههههههه

ARTS · 08-12-2012, 08:25 AM

faith-berry

الله يهونها عليك ياارب..ويسهلك ولادتك وتشووفي مولودك معافاه من كل شر يارب
والجميع
..
ومبرووك للي ولدو...

انا مشيتي كل مالها تسير زي البطريق
في وحده ليا فتره ماشفتها وسلمت عليها لابسه عبايتي واخبارك قلت انتظ بيبي قالت من يوم شفت مشيتك عرفت خخخخ

وانا الان اجهز اولادي ونفسي للعيد
وتعبت من الاسواااق والروحه والجيه
ولسه كمان اجهز للمولود بشوال ولا ذو القعده
يااارب يسهلها
.

عسيريه والطله بهيه · 08-12-2012, 09:48 AM

صباح الخير للحاضرات ونوم العوافي للنايمات من الساعه 8وانا صاحيه مو جاييني نوم لان عندي موعد على الساعه 11يارب تيسر فقلت اجدد حافز وادخل منتداي الحبيب وانتظر اختي تجيني اروح معاها الموعد لان زوجي مسافر ويرجع بالسلامه اصعب حاجه الوحده تكون حامل في شهورها الاخيره وزوجها مو موجود

الفرحه القريبه · 08-12-2012, 11:39 AM

كيفكم كروشات ان شاء الله بخير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ألم الحوض في الأشهر الأخيره من الحمل	سماسم	إستفسارات حوامل من الشهر السابع إلى الشهر التاسع	42	09-09-2014 05:45 PM
دوالي الساقين لدى الحامل في الأشهر الأخيره	سماسم	إستفسارات حوامل من الشهر السابع إلى الشهر التاسع	9	07-06-2014 07:31 AM
تجمع حوامل الأشهر الوسطى(الرابع,الخامس,السادس)	سماسم	إستفسارات حوامل من الشهر الرابع إلى الشهر السادس	28122	06-15-2013 08:36 AM
الإفرازات الدمويه في الأشهر الأخيره من الحمل	سماسم	إستفسارات حوامل من الشهر السابع إلى الشهر التاسع	12	05-17-2012 05:38 PM