تجمع الكروشات اللي ولادتهن في رمضان 1433ه

[ام مهند4]

السلام عليكم .....(قصة ولادتي)
احم احم ...من اين ابتدي الميهم انا كنت مفوته مواعيدي مليت وقررت اروح لاني حسيت البيبي صاعد فوق وصاير عرض قلت لزوجي خليني اروح يمكن في حاجه غلط ..رحت واذا زحمه عند الدكتوره ورقمي 27 قلت اروح اتسوق لين يجي رقمي ومشاني زوجي مشي مو صاحي بسوق واقوله جيب السياره تعبت خلاص يقولي لا مافي انتي تبقي تولدي شدي حيلك ...... ورجعت المستشفى ونفس الشي ضليت ادردش مع الكروشات ودعوات لبعض في استراحة النساء مرت ساعتين ولا جا دوري ..
زوجي طفش وقالي قومي ياحرمه وانا اعدل وضع البيبي واولدك هع هع اكيد فهمتو ايش يقصد الميهم .... وانا الحرومه المطيعه سمعت كلام زوجي ورحت معه البيت وقام بالواجب .... وعلى طول بعد صلاة الفجر قاعده اطقطق بالواتس الا اسمع شي يطق من تحت (: عرفت انو انفتحت المويه قمت على طول واشوف المويه مثل الحنفيه وادق على زوجي ويجي عالسريع وعلى اساس بنروح مستفى خاص الي نويت اولد فيه بس خفت احتاج عمليه لان البيبي صاير فوق والمويه تنزل كثير واتوهق وميزانيتنا فقط لطبيعي الميهم رحنا الولاده وكشفت الدكتوره قالت مسكر الرحم واصلا مافي مويه تنزل ): انا استغربت وهي تعيد الكشف وعلى كحي واخذي نفس ... بعدين تقولي تنويم قلت لا ياحبيبتي اذا تقولي مافي مويه ومسكر الرحم خلاص بروح البيت وتتراجع تقولي بسويلك تخطيط طيب وتختفي وترجع باادوات القصب لمبه كبير ه تخوف وخاجه زي المخروط بتدخلها فيني واتصروع وافز لال ياشيخه ماتفقنا كيذا وهي تقولي لا ضروري عشان اشوف ومدري ايش وانا مافي وقعت اني مابي هالاجراء واقوم من السرير وتشوف النيرس شلون المويه تنزل مني وتنادي الدكتوره وتنحرج الاخت وتقولي خلاص تنويم استسلمت بشرط مافي ادوات تخويف ههههه تنومت من 8 لين 3 العصر جا الطلق ولين 7 وربع ولدت وجبت عومري وبعد قلبي علي ربي يحميه ويحفضه
ومابين تلك الساعات جرت احوال (: ربي ياجرني عليها ويكفر عني يالله

[ام مهند4]

هذا علي الله يحفظه ماشالله تبارك الرحمن بعد ماجابو لي نظفته وكشخته

[طير]

ام مهند على البرررررررررررررركة يارب

الله يصلحة ويتربى بعزك



.::.





نسومة

انا دورتي ملخبطة جدا تقعد شهرين ثلاثة ما تجي و مالها موعد
فحسبتنا مهي مضبوطة .. وافضل شيء بالنسبة لي حسبة السونار
والسنوار قايل ان ولادتي في 28-8

وبس :/


ومن اول السابع تقولي البيبي حجمه صغير ..

طلعت حسبتنا هي الي مقدمتني تقريبا 3 اسابيع



.::.

[الرشا]

ماشالله تبارك الله يارب يحفظه هالكتكووووت
والف الحمدلله على السلامه ومبروك ماجاك ويتربا بعزكم

وعقبالنا يالصامدات بولاده سهله وميسرة

[ام مهند4]

تسلمون طير والرشا عقبالكم بولاده سهله وميسره وتفرحون بشوفتكم نونواتكم بسلامه

[بياني]

مساء الخير ❤ كيف حال الحوامل مشاء الله ناس كثير صامده مثلي 😔 اولاً الحمدلله على سلامة كل من ولدت والفال لنا بإذن واحد أحد ...... انا دخلت التاسع من تاريخ 2 رمضان وباقي لي اسبوع واخلص التاسع ومثلي مثل بعضكم لأحس ولا خبر مجرد بطني يتحجر وعلى فترات متباعدة وأضيق صدري مرررره لأن كل اللي معاي و قبلي وحتى بعدي ربي سهل عليهم وولدوا الا انا 😔😔😔😔 مع العلم ان هذا الحمل هو الثالث وبديت اتوتر وأخاف ان مافيني طلق ولا احس بشي عموماً يوم دخلت المنتدى ارتحت من ناس كثير زي حالتي وربي يسهل ونخلص لأن النفسين ما عادت تتحمل اكثر دعواتكم لي ولكم بالمثل

[omhanen2010]

مبروكه اختي ام مهند ويتربى بعزك
وعقبالنا والله كلنا طفشنا وننتظر الله يسهل علينا انشاء الله

[ام مهند4]

مساء الخير .
ام حنين قريب بتفتكي من الكرشه وتبدي مرحله ثانيه اشقى واتعب الله سهلها عليكم يارب
الليله راحت امي توةدي ولدي يطهرونه معورني قلبي وخايفه واحاتي السهره

[ام مهند4]

بياني ... تحملي شوي الله يلوم اللي يلومك ايام ثقيله بس يستاهلون هالصغانين التعب كل يوم طلعي لا تجلسي بالبيت
عشان لا تفكري واجد

[ام مهند4]

مافي احد اجل بنام اشوفكم