.·¤ تجمع الحوامل اللي ولادتهم في محرم¤·.

[Mishael]

مراوي الله يسلمك فديتك شوفي ياقلبي انا ماعندي مناعه ضد الحصبه عشان كذا من حملت وانا دايم اسخن لان البيبي ياخذ كل المناعه اللي عندي ولازم تتغذين كويس عشان المناعه ،،واهم شي اللحوم تكون ناضجه مرره والخضار تكون مررره غاسلتها يقولون لاتاكلين لحوم البرقر والنقانق بس انا والله اكلت والبيض ماتاكلينه الا مستوي مره يعني البيض اللي نسميه عيون ماتاكلينه ،،،انتبهي من الحيوانات وخصوصا القطاوه
ولما تولدين البيبي لازم يعطون ابره لازم انتبهي سجلي الشي هذا فملف الولاده واطلبيها وطقم التوليد مايكون فيهم مسخن ،،وكثير ماعندهم مناعه والحمدالله يعدون على خير حتى وحده من صحباتي جاها داء القطط وهي حامل ومع ابر الكزاز ومدري ايش الحمدالله عدة على خير ،،ياربي يتسر لنا وتسهل علينا يارب

[Marawy]

مشاعل ،، ربي يطمن قلبج يالغاليه ،، وربي يبعد عننا الامراض ويعدي هالحمل على خير يارب ،، مشكوره ياقلبي على النصايح ،، وان شاء الله امشي عليها لحد ما يخلص حملي على خير ،،

[Marawy]

ملكتني ،، ربي يحفظ لج اعيالج ان شاء الله فديتهم من الوناسه ،، دوم اليهال يكونون جي ،، هههههههه اختي لما ولدت وجابت اخر ولد صرنا كبار وصغار حوالين البيبي هههههه تقولين متخرعين والا مو مصدقين ،،! لانها جابته بعد 11 سنه انتظار ،،

طمنتيني فديتج ،، اي والله ما ودي افطر بصراحه واجري اكثر لاني حامل وصايمه ان شاء الله ،، وبعد الولاده بكون ارضع والبيبي يبي له رعايه ما اقدر اصوم ،، اصوم مع خلق الله الحين ابرك ،، ربي يطمنج دنيا واخره يارب طمنتيني فديت قلبج ،،

الله يعيننا بالنفاس ،، الحمدلله ان ولادتنا بتكون بالبرد ،، يعني شوي اهون ،، ع الاقل الجو يكون حلو مو حر وشمس ،، بس احس الطلق يعور بالبرد هههههه مادري ليش احساسي جي ،،

اشوه طلع نفسه (تشك تشك) هههههه لاني فكرت انه ما راح ينفعني ،، بس الحمدلله طمنتيني ،، اي والله الحمدلله جهزت كل شي ،، والشنطه راح اتناساها الحين ،، لما اوصل نهاية السابع بجهزها ،، بس بسألج في داعي اغسل ملابس النونو واكويها قبل لا اولد ؟ احس مافي داعي ،، واخاف اغسلهم ويختربون ويبان عليهم انهم مستعملين ،،

والوسواس خليه على جنب ههههههه احس نفسي صرت وسواسيه ازيد من حملت ،، لاني مو عارفه وشو مصيري ووين بوصل هههههه ،،

حلوه نقشات الحنه ،، لطشت كم نقشه منهم لان اختي تحني ما شاء الله بخليها تسوي لي ،، بس اللي يحنون ع البطن ،، عادي ما يضرهم ؟؟ لان الحنه فيها بترول !

كيس الجنين مقرف ،، مدري ليش احس ريحته خايسه ،، وعلى هالطاري ف الولاده شنو الريحه تكون ! خايسه او بدون ريحه !! ههههههههه سؤال غبي احسه ،،
واحس بطني عورني لما شفت الصور ووصفج للطلق هههههه الله يعيننا على الولاده ،،
اتخيل شكلي رابطه بنتي بسلسلة حديد ،، ههههههه زوجي يوم شاف مسلسل حياة الفهد قال اول ماتولدينها بعضها عشان اعرفها ،! هههههه

[Marawy]

اعز ،، ههههههههههه والله يقهر الصدر وغير هذا الحكه ! يعني اول مره اشوف صدر ينحك ! مع الحمل كل شي غريب يصير لنا ،،
ليش مو احسكم مو متحمسين للرباعي ،، انا بخاطري اسويه واوقات اخاف اتهور واروح اسويه ،، بس مصبره نفسي لبعد العيد ،، هههههههه احس شعور حلو ،، خصوصا اني وايد اتخيل شكل بنوتتي ،، وبالمره ابي اتأكد انها صج بنوته ،،
ههههههههه خوفتي الرجال ،! في رجال يشمئزون ويحسون بشي غريب ،، زوجي لما احط يده على بطني يقول احس بشي واوقات اقول له انت تكذب علي هههه انا ما احس بالحركه وانت تقول احس ! ولما احس فيها بجد يقول ما حسيت ! هههههههه بنت اختي الصغيره لما احط يدها بطني تخاف ،، وتشمئز وتبعد يدها قبل لا تحس بأي حركه حتى !

[Marawy]

دلع ،، هههههههههه اتخيل تسوين نفس هالصور ،، والله انهم هبلان هههههههههه مدري شلون بيربون ولدهم او بنتهم ! لكن الصوره الثالثه يدننون ياربي ،، خاطري اعضهم ،،
التيشرت حلو ،، شفته بالنت وحده تبيعه ،، وفيه مقاسات بعد ،، هي بحرينيه وفي منتدى بحريني ،، لما طلبت منه قالت خلصت الكميه وماعندها الا مقاس سمول :( فكره ان اطبع الصوره على التيشرت ،، توكلي على الله وسويه لان حلو ،، والصوره الثانيه للشهر الثامن احلى شي ،، لان البيبي طالع كيوت فيها ،،

حلوة الكيكه ،، وعقبال العمر كله تقضونه بالعسل يا قلبي ،، الله يخليكم لبعض ،،

اممممااا الحزام ،، بجد اختراع عجيب ،، بس اكيد سعره فوق ومبالغ فيه ،، ياليت والله اشتري نفسه واحتمال كل يوم اشوف النونو وما راح افكر ازور المستشفى بتاتا ههههه

[Marawy]

اميرة الورد ،، ربي يسخر لج زوجج يارب ويسعدج معاه ،، ممكن عنده ظرف لا تلومينه ،، وربي يطمن قلبج عليه يالغلا ،، ههههههههه ضحكتني سالفة الكروشات اللي طايحه ع اللاب ،،




بنت تبوك ،، ياهلا فيج ،، وين الغيبه وحشتينا ،، مبروك زواج اخت زوجج مقدما ،، ربي يبارك لهم ان شاء الله ،، والبنات ما راح يقصرون معاج وتقدرين تشوفين التسريحات اللي نزلتهم دلع ماشاءا الله شي راقي وحلو وبنفس الوقت ناعم ،،

[Marawy]

بقايا ،، الحمدلله انج تطمنتي وطمنتينا عليج وعلى النونو ،، لو انا منج اول ما ادخل البيت اشوف السي دي ،، واحتمال ليل نهار اشوفه هههههههه ربي يطمن قلبج وتشوفينها بين احضانج ان شاء الله ،، كثري من الماي والسوائل خصوصا الحين برمضان ،، لزوم كل ساعه تشربين كاسة ماي ،، وقلة الماي تسبب التهابات بالبول بسم الله عليج وعلينا ،،

[Marawy]

بنات امس اختي تقول لي لو جبتي بنوته ان شاء الله من الحين اقولج ان تراجيها ( حلق الاذن ) علي ،، ههههههه قلت لها ابي الماس عاد قالت افا عليج اول شي بوديها المستوصف يسوون اذنها وبعدين اشتري لها الماس ،، وامي تقول لا انا بسوي لها حلقها هههههه صاروا يتهاوشون على اذن بنتي فديتها ،،

بس بكل الحالات ما بروح معاهم للمستشفى لاني قلبي راح يعورني لو بشوفها تتألم وتصيح ،، ياااختي عليها خاطري اعضها قبل لا تجي ،،

[عيش الحياة]

شكرا
ملكتني على النصايح والمعلومات والصور دايم ماتقصري

بنات
والله صرت كسولة ومالي نفس بشي بس ابغى اكون متسدحة وقمة الاهمال في كل شي يارب فترة وارجع انشط اتوقع الصوم اثر على نشاطي الحمد لله
واعذروني صرت ما اقدر اقرأ كل الصفحات بعضها واصير اتعب واتكاسل
الله يسهل عليكم ويتمم حملكم ويحفظ اجتنكم

[ام اسكندر]

المشاركة الأصلية كتبت بواسطة ملكتني بهمسك

ام اسكندر ياهلا وغلا طيب عجبتك ملابس البنوتات الي من الكروشيه

البنت اللي لابستهم تعور القلب ماشالله ودي بنت زيها

بحطها خلفية لجهازي يمكن اتوحم عليها ^_^

مشكورة حبيبتي