تجمع حوامل الأشهر الوسطى(الرابع,الخامس,السادس)

[جنان الورد]

كيف حالكم حبايبي
الحمدلله دام الله رزقكم وفرح قلوبكم وعقبال اخواتنا المحرومات الله يرزقهم ولا يطول عليهم يارب
اني قصتي حزينة باقولها لكم يا حبيايبي
اني تزوجت وكنت توني متخرجة من الثانويه وكنت مرة سعيدة بخطوبتي وزواجي وزوجي حبوب مرة وهادئ
فكرت اني اعيش الحياة وانبسط واني من النوع عندي روح رياضية واخد الحياة ببساطة وقلت بنفسي الحمل بجي بجي سواء من اول سنه او ثاني سنه اهم شي كنت افكر اصير مرتاحة وبعد 5 شهور من زواجي جت زارتني ام زوجي وقالت لي روحي المستشفى اتعالجي يمكن عندك مشاكل عشان كدا ماحملتي حسستني اني مريضة وقامت طلعت من عندي وجلست ابكي واني لساتي عروس بس حاولت انسى اللي قالته وبعد اخدت 9 شهور من زواجي قلت لزوجي خلنا نروح نكشف عن الدكتور ووافق ورحنا كشفنا وطلعت النتيجة اني سليمة ولله الحمد وتبويضي ممتاز وان المشكله عند زوجي عندة 2 مليون بس والحمل يصير عند الرجال لازم يكون 30 مليون او اكثر وهنا تازمت نفسيتنا وتعبنا وصرنا من مستشفى لمستشفى ندور على العلاج واخد ابر وانواع من العسل والحبوب بس مافي فايدة ومريت على زواجنا 3 سنين وحاله زوجي مافيها تحسن واهل زوجي بهدة السنين ماخلوني بحالي كل مايجوني او يكلموني بالتلفون يسالوني ماتعالجتي وايش طلع وياك تخيلوا واني وعدت زوجي اني ماقول لاحد عن حالته وصاروا اهل زوجيلما يحملوا ولا حتى يقولون لي فجاة اسمع انهم ولدانين لو اشوفهم وهم حوامل واسكت كانوا ينطروا لي اني مريضة ولا بحمل ومع هدا تحملت وصبرت عشان كنت احب زوجي وفي السنه الرابعة من زوجي سويت عمليه اطفال انابيب مانجحت بسبب ماحصلوا نواة بالبويضة وارتحنا سنه والسنه الخامسه لنا عملت عمليتين مانجحوا بسبب كان في تشوة بالحيوانات المنويه وبنهايه السنه الخامسه سمعنا عن افضل مستشفى ممتاز ورحنا اليه ومن اول عمليه ولله الحمد نجحت وحملت بولد ولما دخلت الشهر السادس كان شهر دي الحجة السنه اللي فاتت فجاة جت لي ولادة مبكرة وولدت عاش ابني يوم وتوفى والدكتور قال سبب الولادة المبكرة جت لي التهابات وبكتريا سببت في فتح الكيس وارتحت 4 شهور وسويت ترجيع اجنه مجمدة والحين اني حامل ويوم الاحد ادخل الشهر السادس وهدة قصتي يا اخواتي ايش رايكم بقصتي حزينة وعداب
طولت عليكم لاني كتبت الطروف اللي مريت فيها بحياتي ودعواتكم لي اخواتي اني هالمرة اشوف ضنا عيوني اللي انتظرته 6 سنين ومشتاقة لشوفته

[غفران الحلوه]

انا صار لي متزوجه اربع سنوات ونص اول سنه زواج مارحت تعالجت كنت مطنشه موضوع الحمل وعادي الوحد تتاخر سنه بعد السنه صار لي سنه ونص من الزواج بد يسالو اهل زوجي
ليه ماصار حمل ا زوجي وخواته ولا مره ضايقوني وسالوني عن الحمل لان عندهم بنت متزوجه وماجابت عيال لكن زوجات اخوان زوجي اووف هلكوني اسئله رحت المستشفي اول مره لحالي قالو لي عندي اكياس لكن الاكياس ماتمنع الحمل وظليت اتعالج طول السنه لحالي زوجي كان رافض العلاج بعدسنتين ونص من الزواج ماحملت كمان غيرت الدكتوره وكانت نتايجي كلها اوكي قالت لي لازم يجي زوجك كلمته ماوافق وقال هو مافي شي صرنا في سنه الثالثه ونفسيتي تعبت اكثر من كلام الناس وحده من زوجات اخوان زوجي قالت له تزوج شكلها مافيها عيال وزوجي جه وقالي غثني بكلامه زعلت ورحت عند هلى ظليت عند هلى شهرين بعد الشهرين جه يصالحني ومارضيت ارجع الا اذا راح وحلل وسبحان الله وافق والحمد لله بدينا مشوار العلاج رحنا مستشفي طلع عند زوجي ضعف في الحيوانات وقعد ياخد العلاج ومرت سنه وماصار حمل رحنا لدكتور قال سوي تلقيح وسويته وفشل وسوده الدنيا بوجهي وفي نفس الوقت زوجه اخوي حملت وما خبروني بعدها عرفت بصدفه تعبت لمن عرفت وبكيت حيل وولمن صار لي اربع سنوات وشهرين تركت العلاج عشان تعبت بعدها بشهر رجعت اتعالج اخدت كورس منشطات وابر تفجير وقلت لدكتور ماابيهم في بدايه ابي اسوى عمليه انابيب تعبت من الادويه وابر التفجير ومافي نتيجه قال خد ده الكورس والشهر الجاي نسوي عمليه وسبحان الله حملت من الكورس كانت مفاجئه لي والحمدلله على كل حال لمن حملت وخبرت اهلى ماصدقوني لكن مع ايام واعراض الوحام صدقوني يارب يتمم علي حملي ويتمم حملكم على خير وتقر عيونا بشوفه عيالنا يارب

هههههه دوشتكم بقصه حياتي :)

[سلطانة المحبه]

ماشاءالله على صبركم يابنات والله انو مافي احد مثكلم
ربي يصبركم و يتمم حملكم على خير

والله انا قصتي مره عاديه تزوجت بعد ماتخرجت من الكليه في شهر يناير هالسنه
وبعد زواجي شهرين كنت ابي احمل و ادور على اي شي عشان احمل و سبحان الله بعد 4شهور من زواجي حملت و كانت فرحه لاتوصف

وانا عمري 21 و في شهر الرابع .. و يارررررررررررررب اخلصه 9شهور واشووفوو النونوووو ياااارب

اخيييييييييييرا حابه اعتذر عن الغيبه لانو رمضان و ماعندي وقت ادخل اصراحه ..
ان شاءالله كلنا رح نتواصل اكثر بعد رمضاااااااااااااااااان

و جمعه مباركه لكم

[خجول الورد]

جنان الورد .. غفران الحلووة .. من جد والله قصصكم حزينه ومتعبه ومافي شي بعيد عن رب العالمين .. الله سبحانه قال اسع ياعبدي وانا اسعي معك .. انتم سعيتوا وتعبتوا وان شاء الله ربي يتمم عليكم وتولدوا بالسلامة وتحملوا مره ثانية بدون اي علاج ..
سلطانة .. الله يتمم حملك ع خير وتشوفي البيبي بصحه وسلامة ..

[جنان الورد]

اختي غفران الحلوة هلا وسهلا فيك تدكريني اني كنت معاك بالتجمع الاشهر الاولى دكرتيني ههههههههههه يعني جيتي لحقتيني هههههههههههه
اكثر وحدة تاثرت لقصتها فيكم انتي ياغفران عانيتي بس اني معاناتي اكثر منك انتي حملتي طبيعي ولله الحمد بس اني حملي بكون بتعب يالله محسوب لنا اجر عند رب العالمين

[Mishael]

بنات ضايييق صدري لي كم يووم الجنين مايتحرك مدري وش اسوي اذا حطيت يدي على بطني احس بنبض
بس ماادري هذا نبضي ولا نبض البيبي وكان يتحرك عادي

[Reema24]

مرحبا خواتي اخباركم مع الصيام ؟؟

بسالكم كيف احط شريط الحمل في التوقيع ؟؟

[نونااااااااااا]

السلام عليكم
اخباركم ياحلوات
الله يعطيكم الصحه والعافيه ويخلي لكم نوانيكم ويجعلهم في اتم صحه وعافيه
واعذروني حبايبي عالقطعه تعرفون اجازه ودخل علينا رمضان الله يجعلنا من المقبولين فيه
انا قصتي فيها شوووية معاناة مع ان المدة كانت قصيره لمدة سنه بس تعبت فيها شوي
طبعا في بداية زواجي ماكنت افكر في الحمل ابداً .. كنت افكر اتهنى شوي بحياتي كم شهر الى سنه بس كان زوجي رافض الفكره
وكان يبغاها من اول شهر << حركات الرجال مايخلونها
واول شهر جاني الم في المثانه ومع البول اعزكم الله
ورحت المستشفى وقالوا هذي امراض شهر العسل ومش عارف شو
بس اكتشفوا ان عندي كيس كبير عالمبيض الأيمن
وبدأ القلق والمعاناه ومراجعة المستشفيات ومن مستشفى لمستشفى
وطبعا زوجي وصل الخبر لأهله وبدأت حركات الحريم
وانا تعبت نفسيتي من كلامهم ونظراتهم
وبعد مراجعات قالوا لي في المستشفى لازم عملية منظار لستأصال الكيس
وجلس الدكتور بعد العمليه يجرب فيني من غير مايسأل زوجي اذا حلل او لا
مرة منشطات وابر تفجيريه ومره تلقيح اصطناعي وانا في كل مره تتعب نفسيتي اكثر من اول
وخلو نفسيتي كأن لي 100 سنه ماحملت
وبعد ماضغطت على زوجي عشان يروح يحلل لقيو عنده ضعف بسيط وتشوهات في الحيوانات المنويه
وتعالج لمدة ثلاثه شهور والحمدلله بعدها حملت
والله يتمم لي ولكم هذا الحمل ويسهل حمله ومخرجه
ويحسن خلقهم وخلقتهم
ويرزق كل محرومه عاجلاً غير اجل

[جنان الورد]

نونا
اي العلاج يتعب النفسيه بس ولله الحمد لقوا حل لزوجك وماطولتي بالحمل الله يحفطة لك يارب

[روعة النسيان]

ياي فرحانه صار فيه تفاعل في التجمع
لقيت صفحات كثيره هههههههههه
المهم بصراحه أحييكن طلع بينا من عانئ تعتبرن قدوة في الصبر والثقه بالله الله يثبت حملنا ويرزقنا برهم وصلاحهم
هذا والله أهم من الإنجاب
أشوف إن فيه ظلم من مجتمعنا ليه النظره اللي كلها أتهام للمراء وأي مشكله أو تأخر في الحمل يكون بسببها
ليه يعني مايرضون لعيالهم النقص

مشاعل >>>انتي مشاعل صح
استرخي على ظهرك وقت لابأس به وبعده بيتحرك شوي
وخصوصا اول ماتصحي من النوم وإن شاء الله ماقدامك إلا العافيه