دردشة بنات فلسطين, دردشة حوامل فلسطين, تجمع بنات فلسطين

[بينك روز]

صباح الخير صبايا كيفكم
اليوم كان عند موعد بالعيادة ورحت واجت على المكتب قبل بشوي
القابلة الي هناك حكتلي بعد كل وجبة اكل لازم انام على جنبي اليسار
بس مافهمت ليه
يسعد صباحكم جميعا

[أم عزمي]

يسعد صباحك بينك
كيفك حبيبتي انشاء الله ما تعبتي بالصيام من مشوارك و لا أفطرتي اليوم؟؟؟ وكيف رهوفت ألبك انشاء الله بخير
بالنسبة للنوم عالجنب الشمال ما تخافي هذه هي النومة الصحية للحامل لأنه بيخف ضغط الجنين على الكبد و على أعضاء الأم و بيكون تدفق الدم كتير مناسب للحامل لما تنام عجنبها الشمال فهمتي ليش يعني ما في شي حبيبتي لا تخافي

[أم عزمي]

حبيبتي يا بينك
يعطيكي العافية يا عمري والله تعب من العيادة للمكتب بعين الله حبيبتي

[بينك روز]

هلا ام عزمي
تسلمي حبيبتي والله رهوفة قلبي كتير ممتازة
اليوم سمعت نبضها ماشاء الله عليها
يسلمو كتير على المعلومة
بالنسبة للصيام الحمد لله ماشي حالو
بس اليوم تعبت الشوي مشان رحت على العيادة
بس ما افطرت وان شاء الله اقدر اكمل اليوم يارب

[أم عزمي]

حبيبتي انشاء الله تكملي يومك عخير و سلامة يا عمري

[أم عزمي]

طيب اللي هوووووون يرفع ايدوووووووووووو
يلااااااااا ما في حدا عشان أنا اليوم موجودة طيب عندكم بتبينوا لحظة ما ييجي أبو عزمي ياخد اللابتوب صح بعرف مهو حظي هيك ههههههههههههههه
أصله عشانه صايم و أنا لااااااااااااا بيتسلى بالنت يلا الله يهونها على جميع خلقه يااااارب

[سندس سامي]

كيفكم يا بناات؟؟؟ بدي حد يفيدني انا عندي التهابات كتيرة وحصر زاد كتير برمضان مش قادرة استحمل الوجع مع انو تعالجت قبل رمضان وتحسنت بس رجع الوجع مع رمضان ؟ قوليلي عصير المانجا بسبب هيك اشي؟

[احساس أنثى]

مساكم ورد صبايا .... مسك الحمد لله ام عزمي طمنتك هيها ... أنا والله تلقائي بكون بدي انام على جنبي اليمين عشان افضل تلقائي بقلب على الجنب الشمال ... سبحان الله ...

كويس انك صمدتي بالصيام انا اليوم صايبني عطش غير شكل عشان تسحرت حلاوة ههههههههه بتعطش

أم عزمي انا بسمع ان الأطفال بقلبو اسابيع يعني بجيهم اسبوع مااحلاهم واسبوع نكدين وهكذا ههههههه بس ان شاالله تطلع بنتك أمورة وشاطرة البنات معروف عنهم دائما هادين حتى وهما أطفال

حقرأ جزء وارجعلكم بلكي لقيت حد ابرم معاه لأني ماعنا طبيخ حنجيب فتة حمص ... من عكيله تفضلوووووو افطروا معنا

[احساس أنثى]

المشاركة الأصلية كتبت بواسطة سندس سامي

كيفكم يا بناات؟؟؟ بدي حد يفيدني انا عندي التهابات كتيرة وحصر زاد كتير برمضان مش قادرة استحمل الوجع مع انو تعالجت قبل رمضان وتحسنت بس رجع الوجع مع رمضان ؟ قوليلي عصير المانجا بسبب هيك اشي؟

اختي سندس بتكون رجعلتك الالتهابات عشان رمضان وقلة الميه

عصير المانجا مااعتقد يعمل شي لأن العصاير مفيده للدم وتعتبر سوائل مفيده للجسم

بس انتي كتري ميه من لما تفطري لحد السحور عشان تعوضي النقص يلي بجسمك

[سندس سامي]

شكرا ( احساس انثى) بشرب كتير والله ما باكل شي وبضل اشرب ميه بس فش فايده وجع كتيررر