دردشة بنات فلسطين, دردشة حوامل فلسطين, تجمع بنات فلسطين

[لولو حمادة]

مرحبا صبايا كيفكم




كيف الصيام معكم

[احساس أنثى]

هلا لولو ... الصيام كويس الحمد لله

ربنا بهونها علينا الحمد لله

كيفك انتي ؟

[لولو حمادة]

الحمد لله كويسة بس الاولاد غلبوني جننوني

[احساس أنثى]

ليييييييييييه ؟؟ شو بدهم ؟؟

[maisa odeh]

المشاركة الأصلية كتبت بواسطة احساس أنثى

الصبايا شكلهم ملييين كروشهم ميه ومش قادرين يتحركوا ههههههههههه

اخص عليكم ياصبايا بكفي نص الشلة ولدت وبطلنا نشووفها

كمان انتو ؟!

تسلمي حبيتي احساس المهم الميه بس هيه بما انك اخر حملك بكون حجم الجنين ما شالله كبير وبده كتير غزاه حبيتي ما ضل شي اصلا اجرك اجرين لانوه احنا فينا نفطر لكن بنحاول ما نفطر مشان الاجر والثواب فما بالك اللي حامل وربنا قال في محكم تنزيله وهنا على وهن
اي تعب على تعب

انشالله بكبرو ولادك وبتعملي متلي وراح تحسي ائديش شعور حلو اللمه انا كتيررررررررررررر بحب القطايف عصافيري احنا كمان بنرش عليها فستئ حلبي مطحون وبحب اللي بجوز وكل اشكاله بس العصافيري اكتر شي

[maisa odeh]

المشاركة الأصلية كتبت بواسطة لولو حمادة

مرحبا صبايا كيفكم




كيف الصيام معكم

كيفك لولو شو اخبارك انا والله الحمدلله مو حاسه بجوع ولا عطش يا ربي اضل لهيك يا ربي امين

شو مالهم اولادك ليش مغلبينك وكم اعمارهم وائديش عندك

[maisa odeh]

غمووووووووووووووض كيفك انتي شو اخبارك انا كتير ع فكره بحب اهل المغرب بس انا ناسيه من وين انتي وعرفيني ع حالك اكتر يعني مشان نعرف بعض اكتر وبتمنى الله يئومك بالسلامه


هداك اليوم شفت حكيك عن المسحراتي انا بضل سهرانه للفجر وبشوفه وهوه عم يسحر كتير جو حلو وعنا بالحاره كل بيت بزين ائدام بيتوه هلال رمضان وزينه اضويه كتير جو حلووووووووووووووووووووووووو انشالله مع الوئت بسير عندكم هيك ائولي امين

[حيفا]

المشاركة الأصلية كتبت بواسطة احساس أنثى

هلا صبايا ... جليت واجيتكم على طول شايفين مااشطرني ^_^
ياااااااااااااااااه والله الميه والأكل الهم دوووووور الواحد كان متل الجاجه الصوحه ههههههههههههه

ماشاء الله يابنات شي عامل مندي وشي جاج محشي انا عن نفسي مابحب اللحوم والرز برمضان مابيجي عبالو الواحد الأكل التقيل دائما بفضل الخفيف ... احنا عملنا فطاير جبنه ولحمه ... مع حمص وسلطه وعصير وشوربات الحمد لله نعمه

جاره من شو معدتك دابحتك ؟؟ منتي بتقولي الصيام كويس معك شو مالك ؟؟ ألف سلامه عليكي

حيفا وانا كمان جعت والله مابعرف ليش بطني بعد العصر سار يطلع اصوات وزوجي شمتان فيا لأني مجوعه ابنو ههههههه بضل يحسسني بتأنيب الضمير يقلي حرام عليكي ...

والله حمواتكو عازينكم ... كل يوم الفطور عندها بتروحو تساعدوهم ولا على المعاد ؟؟ اعترفو ؟؟

ههههه
ابنها الوحيد مش قادره تفارقو لهيک انا کل يوم بدي احمل حالي واروح عندها ههههه
مممممم المساعده بجلي بعد الاکل وبعمل قهوه وبقدم الحلو يعني تقريبا بعد الفطور حماتي ما بتلمس شي
بس قبل الفطور هي بتعمل کل شي انا بروح قبل نص ساعه من الاذان
بس بکون ماخده معي شي
مثلا اول يوم عملت سلطات اخدتهم معي
تاني يوم عملت قطايف واخدتهم معي
بکرا ان شاء الله ناويه اعهل صحنين ورق عنب واخدهم معي
مابحب اسمح او افتح المجال لحدا يحکي علي
ربيت حماي من هالنوع
اشتغلت ما اشتغلت جابت حطت
ياستي بعين الله

صباحکم فل وياسکين
ويوم سعيد باذن الله
تقبل الله طاعاتکم جميعا

[maisa odeh]

[quote

بالعكس حبيتي حيفاااااااااااااا يعني اكيد الوحده بتنبسط لما تشوف ابنها ومرتوه يعني بما انوه وحيد لازم تراعي وضعها تصرفك انك تاخدي شي معك ع الافطار عين العئل دايما اعملي شي بحبوه اهل حماكي يعني يمكن المحرومه من دار الحما بتحس انوه حلوين شو ما كانو

انا للاسف دار حماي كتار بس انا وياهم مو صحبه من وراه بنتهم الكبيره المجوزه يعني ما بروح بالمره عندهم يعني ائصتي كتير عويصه بس بالاخر شي اساسي العيله ل اولادك يعني تئريبا اولادي ما بعرفوه اهل ابوهم الا بالعيد اما متل كل عم وعمه للاسف ما في يعني كل واحد بالدنيا الوه ائصه بس اللي بهون علي زوجي يعني واهلي واخواني وخواتي عيلتي كبيره عندي 5 اخوان و5 خوات يعني وولاد اخواني وولاد خواتي يعني الله ما بئطع حدا كتير بدايئ بس افكر بمستئبل اولادي دار السيد من طرف الاب شو ما كانو حلوين بس شو بدي اعمل نصيبي وانشالله اللي انحرمت منوه اعوضه بكره مع اولادي يا ربي امين فما تتدايئوه من دار الحماه والله اسألي اللي محرومين منهم يعني تكوني بغربه وانتي بينك وبينهم خطوتين كتير صعبه الله يهنيكي بدار حماكي حبيتي ومع هيك برضوه انتبهي من اي تصرف ينحسب علكيي

[حيفا]

لا مش انه بتدايق منه او شي لا ابدا بالعکس علاقتنا منيحه ومش حابه انه تسوء لاني بعيده عن اهلي شوي ومش حابه اعيش وحيده
بس انا کمان حابه يکون اللي حياتي الخاصه اللي ماحدا اله فيها بس هم من هالناحيه مش فاتحينلي مجال يعني لازم يوميا اروح عليهم
کل شي بدي اعمله. او اشتريه لازم يشارکو برايهم
مافي خصوصيه بس انا بفکر انه مع الوقت ولما ربنا يمن علي بکرمه واجيب ولاد بيخف هالشي لانه انا وقتها بدي اربي ولادي لحالي مش کل العيله تربي معاي
بدي اجرب عليهم کل شي تعلمته او قرات عنه ههههههه مساکين ولادي
وبکون التربيه صعبه اذا کان في ميه ايد تربي موووو