تجمع حوامل الأشهر الأخيره(السابع,الثامن,التاسع)

[مهآآتك]

مرحبا حوامل شخباركم

خخخخ تو تخانقت مع زوجي إلا يبي نفطر عند أهله وأنا رافضه بس آخر شيء رضخت لرأيه
الله يعين عليهنم
مع أنهم حبوبات بس كذا ماأبي أضيق على الناس

حبيباتي عندي سؤال محيرني ومنحرجه أسألكم بس لازم وأعذروني
يقولون أنو من الشهر السابع يطلع من الصدر كذا زي المويا
بس أنا مانزل شيء وبذخل الثامن على حساب الدكتوره بعد يومين
هل هذا طبيعي أو لا ..؟

وسوري مرا ثانيه والله منحرجه منكم

[وردة الأمل]

اختي مهاتك
الله يعينك
الماي الي تقولي عنه يسمى السرسوب وهو بداية اللبن مايطلع لكل الحوامل يختلف اذا الحامل بكريه و سبق لها الانجاب اذا سبق لها ينزل قبل الولاده بالحمل واذا مانزل مافي مشكله بعد الولاده مباشرة ينزل لاتحاتين

[وردة الأمل]

وردة ورديه
يعني ايش تفتيح
كيامد
وبعدين شسويتي لها والله انها مأذيتني

[faith-berry]

مهاتك اخبااارك
روحي غيري شو وانبسطي
انا بكره بفطر لحالي زوجي عندو استلام ما ادري متى يخلصون مناوبه
انا في اول الثامن وانا اتحمم نزلت نقطه من الثدي لونها ابيض بس نقطه
سالت قالو عادي ويختلف من وحده للثانيه

كروشات ماشاء الله رمضان هل علينا بالخيرات يارب لك الحمد
الجو عندنا يمطر ماشاء الله اييييش ذا البرق والرعد :)
يارب يعم الخير ويمطر على كل المملكة يارب

[مهآآتك]

وردة امل مشكورة حبيبتي يعطيكالعافيه ريحتيني

[شجون الشمري]

مباركم عليكم الشهر الله يتقبل مننا صيامه وقيامه

مبروك للي ولدو وعقبال البقيه الله يتمم عليكم ويقر عينكم بشوفتهم

اخبار الكروشات واخبار التعب معكم
اخباري اليوم الحمدلله تمام بس رحت اصلي التراويح واحس رجلي مررره تالمني
بس استمتعت في الصلاه كثير الله يتقبل يارب مني ومنكم ويتمم لنا على خير

[مهآآتك]

بيري صادقه اروح اغير جو وش وراي ههههه
مشكورة حبيبتي على ردك علي

[Kiamed]

المشاركة الأصلية كتبت بواسطة وردة الأمل

وردة ورديه
يعني ايش تفتيح
كيامد
وبعدين شسويتي لها والله انها مأذيتني

والله يا اختي ما سويت وكأني في جرب حتي في رجلي احك فقط انا قلت للك ضننت انه ناموس وبعدين قلت ممكن من الحمل لدا احك وطلعت لي حبوب من مكان أف بس ما عملت شيء حبيبتي بس انا اللي مضايقني هو صدري الين عنقي
الله يشفي حبيبتي

[وميض النجوم]

مبروووووووووووووك عليكم الشهر الفضيل الله يعيننا على صيامه بس حبيت انبهكم بحاجه

اذا ماقدرتو تصومون لاتصومون ترى جدا مضر للجنين اختي دكتورة واليوم تقول ان من شوي جاتها مريضه عشان متابعة حمل وشافت ان نبض الجنين مره منخفض واختي سألت المريضه قالت لها متى آخر مره اكلتي قالت اليوم العصر قالت اكلي اليوم زين وتعالي بعد شوي والله بعدها كلت والنبض رجع طبيعي انا ماابغى اخوفكم لكن احذركم اذا ماقدرتو لاتغصبون نفسكم
والحمدلله ربي حلل لنا احنا الحوامل ان مانصوم الا عند المقدرة

انا احتمال اني مارح اصوم كل الايام لاني جربت قبل كم يوم اني اصوم صراحة ماقدرت لان الدم عندي مره ناقص وحسيت اني مخنوقه ودايخه وراح يغمى علي واختي ودكتورتي قالو لي اذا ماقدرتي تصومين لاتصومين

آسفه طولت عليكم لكن حبيت احذركم

[خفايا الدنيا]

مرررحبا حبيباتي اخباركم اليوم
كل عام وانتو بخير الله يعيده عليكم سنوات عديدة يارب ويتقبل منا ومنكم
وميض مشكورة ع النصيحة حبيبتي ويقولون حركته تقل بعد اذا كانت الام ماتتغذى
زين
الله يقدرنا على صيامه وقيامه