【ツ】أحلى تجمع لأحلى حوامل التوائم 【ツ】 ‏الجزء الثالث

[انا الله معا الصابرين]

هيف\ الله يقومك بلسلامه انتي والتوينز يارب وتجين تبشرينا
رسم\ الله يسلمج حبيبتي...لاتحاتين بخصوص الكرشه مالها دخل صدقيني تراالاحظ اغلب هلي كرشاتهم صغيره يجيبون اطفالهم مشاءالله بوزن حلو...اناا موعدي اللي طاف قالت لي وزنهم وصاير مره حلو بلنسبه لعمرهم..يعني الكرشه مالها دخل فديتك بس لازم نحاتي صحيح..انا بلرغم من كذا إلا انه بعدي اقول نفسك اخاف انهم اصغار لنه كرشتي اصغيره..اتخيلي باقي لي كم يوم وادخل السابع وبطني كني بلخامس ولا بعد كنه واحد مو ثنين خخخخ لاتحاتين فديتك
عبورة\ الف الحمدلله على سلامتك حبيبتي انا كان عندي ضغط مثلك وكنت اقول للبنات اني احس انه روسهم تحت وصحيح لما رحت كشفت طلع كلامي بمحله وتأقلمت على الوضع الحمدلله او يمكن تغير وضعهم مادري والله.بخصوص الالتهابات حاولين اتكثرين مويه شكلك ماتشربين ماي كثير. بخصوص التحاميل ماتفطر فديتك..بخصوص حجم الكرشه شوفي كلامي للاخت رسم ههههه.وماعليك شر فديتك
غلاوي\ اشلونك حبيبتي اليوم ان شءالله احسن وكيف حركه البيبي؟...انا احس صايره زايده مشاءالله هلفتره خصوصن وقت النوم

[احلى توينز]

هيف ...

ما شاء الله تبارك الله .. اخيرا يا قلبي بتشوفين توأمك .. اسأل الله العلي العظيم ان يتمم لك على خيير ويرزقك فرحه عارمه تدمع لها عينيك من شدة السعاده .. وان يرزقك توأم اصحاء سلمين معافين تامين الخلقه من غير زياده او نقصان .. وان يبلغك فيهم وانتي وهم بألف صحه وعافيه إن شاء الله ..
حبيبتي استودعك الله الذي لا تضيع ودائعه .... ولا تنسين تحصنين نفسك وتوأمك قبل ما تدخلين للعمليات .. والله معاك ويتولاك إن شاء الله


بنات صحيح البطن في السابع ما تزيد كثييير .. احسها في السادس كانت اكبر .. ..
حتى حركة التوأم صارة اقل من قبل ... اللبنات اللي سابقيني في الشهور صحيح هالشي وطبيعي .. وإلا كييف ؟؟؟!!!!

[غلا القلب]

ان الله مع الصابرين

والله انج بنت حلال كنت توني جايه بسألج نفس السؤال ماشاءالله طوول الليل ترفيس وحتى نومي مقطع بسبب الحركه والتحجر زايد علي كثييير غير مغص الدوره اللي يجي اسفل البطن هذا لازم يوميا احس فيه يمكن لان البطن يتوسع وان شاءالله بكرا بيعطوني ابرة التثبيت ويوم الخميس حددولي موعد السونار اطمن على طول عنق للرحم لو مستقر او لاسمح الله قصر اكثر وان شاءالله بعد بيعطوني ابرة الفصيله يوم الخميس لان فصيلة دمي سالبة

وانتي طمنيني عنج شو اخر اخبارج ومتى موعدج ان شاءالله

[razan.alhadad]

بنات يا رب تقومو بسلامة وتجيبو احلا بيبيات قرأت مشاركاتكو وبلشت خاف تتوقعو اولد طبيعي واوصل للشهر التاسع لانهم ثلاثة توائم وانا بكرية يا رب

[انا الله معا الصابرين]

غلاوي/ فديتج والله / ربي يساعدنا. اتصدقين انا اليوم جاني هلألم وخفت انه طلق بعيد الشر عني وعنكم والله مسكني اسفل البطن ولابعارفه لا انسدح ولا اجلس جلس دقيقتين فيني وراح هاذهو اللي تقصدينه فديتج? انا اول ماجاني تذكرتش علا طول مادري شلون والله /بخصوص ابره الفصيله هاه تاخذينه اول مره اعرف انه في ابره للفصيله وش الهدف نهاومنها/ م

[انا الله معا الصابرين]

سوري فديتج داخله بلجوال واوم الطلاسم يغربله/ نسيت اقولج انه موعدي الجاي بعد العيد مره مبعدينه لي الله يعيني ويصبرني/ ان شاءالله حبيبتي قياسات العنق ماتغيرت يارب عندك ويتمم لك علا خير ياربي

[غلا القلب]

المشاركة الأصلية كتبت بواسطة razan.alhadad

بنات يا رب تقومو بسلامة وتجيبو احلا بيبيات قرأت مشاركاتكو وبلشت خاف تتوقعو اولد طبيعي واوصل للشهر التاسع لانهم ثلاثة توائم وانا بكرية يا رب

الله يهون عليج وعلينا يارزان وبتوصلين بقدرة قادر احمد لكن عليج الالتزام بالراااحه التااامه والاستغفار والصدقه والأذكار واذا حسيتي بأي عرض غريب عليج لاتترددين بالذهاب للمستشفى لان كل شي في بدايته ممكن يتعالج والاطباء يتداركون المشكله لكن لو تطورت تصير اصعب

وان شاءالله بتستفيدين كثيير معانا لان الكل يتبادل خبراته وتجاربه

[غلا القلب]

المشاركة الأصلية كتبت بواسطة انا الله معا الصابرين

سوري فديتج داخله بلجوال واوم الطلاسم يغربله/ نسيت اقولج انه موعدي الجاي بعد العيد مره مبعدينه لي الله يعيني ويصبرني/ ان شاءالله حبيبتي قياسات العنق ماتغيرت يارب عندك ويتمم لك علا خير ياربي

ذكرتيني بنفسي انا اتم اراجع الكلام مية مره لاني بعد ادخل من الجوال ويكتبلي طلاسم مثل ماتقولين فلازم اراجع الكلام
هيه والله بعيد كثير موعدج يعني بعد شهر ان شاءالله بس يااارب بيعدي رمضان علينا ونحن واجنتنا في اتم الصحه والعافيه وسبحان الله شهر رمضان من اسرع اشهر السنه مابتحسين فيه الا وموعدج قررب واكيد بطمنكم بعد السونار وتسلمين لي يالغلا على دعواتج
وربي يتمم لنا على خير ياقلبي

[انا الله معا الصابرين]

المشاركة الأصلية كتبت بواسطة غلا القلب

ذكرتيني بنفسي انا اتم اراجع الكلام مية مره لاني بعد ادخل من الجوال ويكتبلي طلاسم مثل ماتقولين فلازم اراجع الكلام
هيه والله بعيد كثير موعدج يعني بعد شهر ان شاءالله بس يااارب بيعدي رمضان علينا ونحن واجنتنا في اتم الصحه والعافيه وسبحان الله شهر رمضان من اسرع اشهر السنه مابتحسين فيه الا وموعدج قررب واكيد بطمنكم بعد السونار وتسلمين لي يالغلا على دعواتج
وربي يتمم لنا على خير ياقلبي

ههههه اي والله ماساه الجوال /الله يسمع منك يارب ويبلغنا رمضان لافاقدين ولامفقودين يارب

[انا الله معا الصابرين]

رزان/ الله ايتمم لك ياربي علا خير وتفرحين بشوفتهم يارب انتي وكل حوامل هلتجمع يارب
غلاوي/ ترا في فوق كلام شوفيه مارديتي علي فيه شكله الجوال مهبل فيك خخخ