زوجي يحيرني بتصرفة

[مشاعل الدوسري]

اذا كان اللي منرفزك بس انو بيظل متضايق
على فكره بحكيك معاه و هو من هذي النوعيه راح يتضايق أكثر

في بداية زواجي

زوجي ما كان يقولي شي لو تضايق لكن كنت أحس
ان فيه شي نظراته و انفاسه و سرحان و عصبيه و و و

كنت أستغرب ..

بأخر اليوم ما اقدر أسكت أقوله في شي مضايقك يقولي ايه متضايق و ما ابي اتكلم و يسكت
مره و اثنيين و 3

قلت ياربي ليه ما يقولي يفضفض لي ..

صرت انا اتضايق و اشك بنفسي لا يكون انا اللي مضايقته
لكن بعد فتره بوقت ما هو رايق

سالته و تكلمت معاه بصراحه ..

كان لما يتضايق يسكر جواله و يقعد بروحه يختفي من الوجود ..

المهم قلت له ليه
ما نتشارك همومنا مثل
ما نتشارك افرحنا
لا تقولي ما تحب تحكي
حق حد انا زوجتك من حقي
اشاركك همك مثل
ما اشاركك فرحك ممكن المشكله اللي مضايقتك حلها يكون عندي
و لو حتى حلها مو عندي على الاقل اعرف

عشان أقدر ظروفك النفسيه


لو انت بتسكت و ما تحكي لي و لا شي يضايقك
و فجأه انا جيت مبسوطه و رايقه ..
اتدلع و اتغنج و اطلب منك طلبات و و و و و و و و
و انت متضايق متوقع كيف بتتقبل طلبي ..
او طريقتك كيف بتتصرف معاي ..

ممكن تقولي فاضيه او تتصدد عني و تتحجج بلتعب و و و و
او مكشر او ابتسامه نص كم .. ذيك الساعه انا بزعل و بتضايق بيصير
بضيقتك هذي اللي كتمتها ضايقت شخص معاك ..


و حتى بأمورك الماليه لازم اعرف انت كم عندك
و ما عندك لا تقولي انا المسؤل و اتصرف لازم اعرف
عشان اقدر و اعرف متى اطلب منك و متى لا
كم ديونك كم
قروضك كم شهريا
تسدد لازم كل شي نتشارك فيه و نتساعد فيه ...


بعد كل هذا الكلام أقتنع .. بس مو على طول تجاوب معاي

و الحين الحمدالله اول ما يفكر يسوي شي يقولي
يأخذ رأي و اذا شي مضايقه يقولي لو حتى بلسياره

شي خربان يقولي ..

صار يتشارك معاي همومه افراحه افكاره ..

لاني ما جبرته أنا تكلمت معاه مره وحده

و بعدها قلت له براحتك اللي يعجبك المهم اللي بقلبي قلته لك

انا ودي نتقاسم كل شي و نعرف كل شي عن بعض و و و و قلت لك شنو يضايقني و شنو اللي يفرحني .. و الخ

و بس ..

[زاهية]

غالبا الرجال في بداية زواجهم لايتكلموا مع زوجاتهم بشفافيه كبيره
ومايكتموه اكثر بكثير مما يصرحوا به ................ لسبب هو ان الرجل يحتاج لعدة سنوات حتى يحس بالامان تجاه زوجته رغم انه يحبها ويغرم بها ....,,,,
فهو يحتاج لدراسة طبيعتها وهل هي اهل لأسراره ام لا
فقد يكون زوجك من هذه النوعيه