دردشه رمضانيه للحوامل

[ام حنونه3]

هلا والله فديته انا يومي قريب من يومك بس هذي السنه ناويه اغيره عشاني بالتاسع ومثقل مدري وش بيصير الوضع
يوميات ونيس هههههه قصدي ام حنونه خخخخخخخخخخخ
انا انام الساعه خمسه خمسه ونص الفجر واصحى مثلك الظهر اصلي واجلس اقراء قران لين الساعه 2 الظهر بعدين ادخل المطبخ واكون مذوبه دجاجه ولا لحم من الفجر مطلعته براء قبل مانام او حاطته بالثلاجه يذوب على راحته واول ماادخل المطبخ اعجن عجينة اللقيمات والبيتزاء والفطاير عشان تتخمر بعدين امسك العصيرات اسويها وادخلها الفريز طبعا معروفه سنكوك وفيمتو وبعدين اسوي كريمه وجلي احمر وعلى الثلاجه واسوي صينية حلى قهوه وبالثلاجه واسوي الشيره البنيه للقيمات ويكون اذن العصر اروح اصلي واقراء قران لمدة ربع ساعه وارجع للمطبخ اسوي حشوة السمبوسه باللحم المفروم بعدين الشوربه بالدجاج او لحم بعدين مكرونه او شعريه بعدين اتربع في المطبخ ولا في الصاله واجلس الف السمبوسه شي بالمفروم وشي بالجبن وشي جبن مع مفروم واسوي البيتزاء والفطاير بعدين طوالي على المطبخ يكون باقي على الاذن ساعه الي بيدخل الفرن ادخله ولي يبي قلي اقليه اول شي اقلي اللقيمات بعدين السمبوسه بمقلى ثانيه وزيت شوي والي بالفرن اطلعه بعدين اسوي القهوه واجهز التمر وافرش السماط او اقدم على طاولت المطبخ اذا كان الوقت مزاحمني ومافيه وقت واقدم كل شي وانا اسابق الوقت ومايأذن الا انا منتهيه واروح اقوم عيالي يكونو نايمين وزوجي يفطر على السريع ويروح يصلي وبعد الصلاة يقول ماشتهيت شي انسدت نفسي وانا اتحطم وعيالي يالله ياكلون اكلهم زي وجههم ويكونو توهم قايمن من النوم مالهم نفس عاد انا اقوم اصلي المغرب واعود اضف المواعين واغسل وبعض الاحيان اكون تعبانه ااجلها لين الساعه 11 باليل وبعد ماخلص من المواعين اجلس اناظر مسلسل الي بالسعوديه قديمك نديمك ولا على ام بي سي ون وانوم وانا اتفرج على المسلسل من التعب اغط شوي لين يأذن العشاء بعدين اقوم اصلي العشاء واصلي التراويح ويجي زوجي بعد مايصلي ابي عشاء احط له شوربه ومكرونه بعدين ياكل هو وعياله وانا ويجلس شوي بعدين يروح ينام شوي انا عاد يااني اقوله ودني لهلى ولا اكمل في بيتي اقراء قران وسوي سحور اذا جاء وقت السحور نتسحر وهو يروح يصلي وانا برضه اشيل السحور واغسل مواعين واتوضاء واصلي واقراء قران وانام واكون مهدوده من التعب ونص الاكل او اكثره اوزعه على الجيران لان زوجي وعيالي مش راعين اكل يقهرون وطبعا وقت العصريه يتخللها اتصلات من الزوج وطلبات مني لطبخ جب وجب وجب وبالاخير الاكل اكل عصفور وبكذا ينتهي يومي وكل يوم على هذي الحال الله يبلغنا رمضان ويبلغنا القيام والصيام ايمانا واحتسابا واحنا بصحه وعافيه