【ツ】أحلى تجمع لأحلى حوامل التوائم 【ツ】 ‏الجزء الثالث

[غلا القلب]

ان الله مع الصابرين
مشكوره ياقلبي بديت اشرب ماي اكثر ومستمره عالمضاد الحيوي وان شاءالله يروح بسرعه


ام عمر
العفو حبيبتي نحن خوات نعين ونعاون


الشرف الرفيع
مشكوره حبيبتي والله يتمم لنا على خير يارب


هيف
ان شاءالله حبيبتي بديت اكثر من شرب الماي وربي يتمملج حملج على خير ويسهل عليج الولاده


هنو
انا صارلي اسبوع فالمستشفى وشكلي مابطلع لين اولد يعني بيلس شهرين الله يعين يارب وسبب نومي فالمستشفى ان طلع عندي عنق الرحم الداخلي مفتوح 3.5 سم وعنق الرحم صاير جدا قصير وخايفين يفتح في اي لحظه واولد فحاليا انا في راحه تامه وتحت الملاحظه


رسم
هيه حبيبتي هالويع اللي تحسين فيه بسبب تمدد الرحم والبطن عندي مابين الا على نهاية الخامس فلاتحاتين يالغلا وانتي من اي اماره؟

[بنت الحسب]

غلا القلب...
انتي كثري مويه شوفي أنصحك وانا عندي نفس الوضع بس ماقدرت اذا كثرت كل شوي وانا بالحمام الله يكرمك...
الشرف الرفيع ....الظاهر ان اقرب وحده لي بعدك بيوم...
هيف...
الله يعينك ع الثقل كمان اسبوع.... انا موعدي الاربعاء الله يسهل مع الثقل واللطعه...

[نور الميدان]

السلام عليكم انا عضوة جديدة والحمد لله ان لقيت احد احكي معه بشأن حملي
انا حامل بتوأم ولله الحمد في الشهر السابع وحابة اعرف منو معاي بنفس الشهر

[حـ ـزن]

هلا بالجميييييع
نور الميدان انا واحلى توينز بالسايع
وحياك بينا
غلا القلب سلامتك وان شاءالله تعدي كل الامور على خير

[الشرف الرفيع]

بنت الحسب انت في الثامن زييي رفيقة درب هههههه
والله اني انبسط لمى اشوفكم معايه حتى لو كنتو متقدمين عني بكم يوم

يانور نورتي التجمع حياك الله ماشاء الله انت بالسابع الله يتمملك حملك وتوصلي التاسع بشري كيف الحمل معاك

احنى تمام ياحزن انت كيفك
الاسبوع هذا كلنا حالتنا مستقرة ولله الحمد الله يهونها علينا

[ريم 505]

السلام علييكم
مرحبا كيفكم اللي ولدوا الف مبروك والحمدلله عالسلامه واللي لسى الله يهون عليهم يارب
انا حامل توينز هذا حملي الثاني بكري كانت بنت وماعندي اي خليفه عن حمل التوام لان محد حولي قد جاب يمكن باجدادنا ههه سبحان الله والحمدلله والله يتمم يارب انا ببداية الخامس واللي اعرف ان الدكتوره قالت لي انهم بمشمتين هل هذا يعني انهم بكيسين او كيس واحد ؟ وثاني شي انا بالرياض وابي مستشفى كويس اولد فيه وش فيه مستشفيات كويسه وعنايتهم زينه بالتوام وطبعا اقصد مستشفى خاص وياليت اسم الدكتوره ثالث شي وش افضل واسهل طبيعي او قيصري فالتوائم ؟ معليش كثرت اسئلة بس عشان ماكثر عدد الصفحات وشكرا

[صغيره بالعمر]

هلا شخباركم جميعا

هذا اجوبتي لحوامل اللي بيولدون بالحرس اللي بالاحساء

ضيعت صفحة الاسئلة فبكتب كل شي اذكره واذا تبون اي سوال انا حاضر ومن عيوني


انا كنت اتابع بمستشفى المانع وبعدين تحولت الى الحرس باول الثامن

فخلو مواعيدي عند جهاد بالبداية ماحدد لي موعد ولاده بس حدد لي عملية لان مشيمة وحده وراس بنتي الاولى فوق بس محدد لي الوقت قال متى ماصار فرق بينهم 700 غرام ولاده ع طول فكان اخر سونار فرق بينهم 200 ع ان قبل اسبوع كان 500 فقال لي جهاد بنخليك اسبوع زياده وكنت باول التاسع بس راح استشار الدكتورة خالده وقالت لا يكفي انها وصلت هالمرحله حنا مو ضامنين ايش يصير والاةوان كويسه كان يوم الثلاثاء فحدد لي يوم السبت ولاده بس قبل بيوم ادخل تنويم اللي هو الجمعة جا يوم الاربعاء العصر جاني مقص بطني فجاه وبد مع اسهال فتوقعت انه عادي زي كل مره ضليت لين الساعة عشر ونص بليل تعبت قلت بروح اخذ مسكن وارجع رحت لهم قالوا مافي طلق بلجهاز بس لازام نكشف رفضت قالوا لا لزام يمكن تحتاجين تنويم كشفوا وكان الرحم مفتوح قالوا انتي الحين ولادة انصدمت صدمة عمري جلست ابكي كانوا المناوبات دكتورة هنيده ودكتورة كرامة سعوديات صغار مو كبار فزوجي رفض انهم يولدوني بدون جهاد فقالوا له لا معنا استشاريها صادقها وانا مدري عن شي وبعد ماولدت باسابيع كان زوجي يورني الوراق ويقولي كل الاوراق توقيع صادقها علشانها مشرفه ع ولادتك قلت اصلا ماشفتها قال مو كانت معك قلت ولا شفت فيسها لا قبل الولاده ولا حتى بعدها فقال ي والله لو صار فيك شي لاروح واشتكي عليهم بس الحمدلله رب العالمين نرجع للولادتي جاني دكتور المخدر وسالني اذا ابي نصفي ولا كامل ونصحني بنصفي ورضيت فيها دخلوني غرفة العمليات وعطوني البنج بظهري وحسيت بالم بس قال لي لا تتحركين بس نملت رجولي شوي ع طول بدو عملية وبصراحة حسيت وهم يجرحوني وكنت اتالم لما جاو يطلعون بنتي الاول كنت اتاللم وحتى لما طلعو الثانية كنت اتالم فكل ماسالت وحده تقول ماحست فقلت يمكن منتظرو اني اتبنج صح وطلع فرق بناتي 800 غرام ع ان قبل كم يوم 200 غرام بعد ماولدت جاني نزيف وخلوني بالعنايه لمدة يوم كامل والحمدلله ولدت ع نعاية الاربعاء فيوكون ولادتي يوم الخميس لما جا الظهر جابو لي بنتي الثانية لان الاولى بالعناية لان وزنه نازل كانو كيلو وسبع مية فكان عندها املاح ناقص واملاح زايدها فخلوها بالعناية والثانية معي وانا اللي اقوم فيها بس اول الايام كنت ما اقدر اتحرك فكانوا يساعدوني النيرسات وكل وحده وحسب مزاجها يعني حضك انتي مع المناوبه ع غرتك نمت 5 ايام عندهم اكلهم اول الايام يجبون لك دايت فالله يكرم النعمه كان فاشل ع ثالث يوم يجيبون لك اكل احسن يوفر لك المستشفى معون اسنان وفرشة وشمبو للبيبي ولوشن وفوط صحية وحافيظ للطفال ومنال وكلوتات للدوره بس انا ولادتي فجاه ما اخذت معي ملابس لا لي ولا عيالي فجاب لي زوجي بعدين للبيبي هم يوفرن لك كل ملابس ماتحتاجين لهم الا بيوم اللي بطلعين وكل يوم ياخذون البيبي ويروشونه بس اذا ماتبين ما يخاذونه منك خذي لك ملابس انتي لاملابس وسيعها وكبيره حيل واذا بيجيك ضيوف خدي لفات للبيبي انا ماكان احد يجيني غير خواتي واخواني وام زوجي فما اهتميت وخذي معك مناديل مرطبه لان مايوفره لك واذا البيبي وصخ اسهل بتنظيغه وخذي معك حليب صناعي ومصاصة لان مايعطون حليب الا لاذا خلاص مات البيبي يبونك انتي ترضعينه واول يومين مايكون فيك حليب فتعبين لان يشجعون ع الرضاعة الطبيعية فاذا اخذتي الحليب خبيه لا يشفونه وكانوا كل يوم يعطوني ابره بطني علشان تجلط الدم وكنت امشي كثير علشان اروح لبنتي الثانية بلعناية صدق تعب باول يومين بس يخف الالم بالتدريج وبصراحه من الله كانت بنتي بلعناية وخلاني امشي و خفف عني لان العملية كل ما مشيتي اكثر تخفين اسرع فكثر مششي لبنتي بس موت تعب مافي نوم وحده عندي وكانوا كل ساعتين ينادوني علشان اروح ارضعه طبيعي حتى لو هي نايمها ولا صاحت يقولون تعالي مرات اوروح واجي ع الفاضي ماترضى واذا هذا يقولون لك شفطي حليب وخليه لها وصح ترى يعطونك شفاطه اليدويه علشان تتشفطين حليب وتمرينن صدرك علشان ينزل حليب وخذي معك كمون علشان تشربينه علشان يطلع الهواء لان تحسين منفوخ وكل هواؤء غير كذا انصحك لا تشيلين القسطره خليه يومين لان بعد اكياس المغذي اللي يحطونها تموتين وانتي رايحها وجايها ع الحمام انا ندمت اني شلتها مت تعب وفي نفس الوقت اقول احسن علشان اتحرك فشوفي اللي يرحيك وكانت وحده ولدت بعد بتوام وكان نفس حالها وحده عندها وحده بالعناية بس تقول لما جاو يولدونها مع 5 دكاتره منهم استشاري ومنهم اخصائي


هذا اللي ذكرته جاوبت عليه اذا في سوال اسالو ومن عيوني اجاوب وسوري ع التاخير

[صغيره بالعمر]

صح تذكرت شي انا سوى لي خياطه مو كبس فكنت مو راضيها ومنقهره ليه سوى خياطه ع بالي الكبس افضل فلما بعد الولاده جاني جهاد قلت له ليه قال بعلكس الخياطه افضل وكرامه وهنيده مدلعينك اللي سواها لك ^،* يقول افضل مو زي الكبس خطر ينفتح باي وقت وكان الجرح مغطى 5 ايام لما جيت بطلع وخروى اللزقة وعدها اتروش عادي بس انشف مكان الجرح زين ولا تلبسين كلوت نازل ويكون ع خط العملية انتبهو لبسو كلوتات كبيره ومرتفعه


واي استفسار انا حاضر ومن عيوني واسفه ااذا تاخرت

تم بحمد الله
^ــــــ^

[صغيره بالعمر]

بناتي سميتهم ريمة وديمة ^ـــ^

صفا الروح وام منصور الف الحمدلله ع سلمتكم ويتربون بعزكم وربي فحت لك كثيررررررر قولو وش سميتوهم





ام عمر الف الف مبروك ع الحمل والله يتمم لك ع خير يارب ولا عاد تقطعينا ترى فقدناك

[غلا القلب]

يابنااات باركولي اليوم دخلت الشهر السابع الف حمد وشكر لك يااارب

الشرف الرفيع / حزن
مشكورين حبايبي وربي يتمملنا جميعا على خير ياااارب

نور الميدان
هلا فيج حبيبتي نورتي التجمع وحياج الله بين خواتج انا اليوم دخلت السابع، انتي بأي اسبوع بالضبط؟

ريم
نورتي حبيبتي وحياج الله بينا، اذا عندج مشيمتين معناته ان كيسين والله يتمملج على خير ياارب