.·¤ تجمع الحوامل اللي ولادتهم في محرم¤·.

[ملكتني بهمسك]

في وقت الولاده :
يرسل الله الى المراه ملكين عن يمينها وشمالها فاذا اراد صاحب اليمين اخراج الجنين زاغ الى جهة الشمال واذا اراد صاحب الشمال اخراجه زاغ الى جهة اليمين فتتالم المراه فيتجلى الله تعالى ويقول للجنين
عبدي من أنا ؟
فيقول : أنت الله الذي لا اله الا انت ويسجد
فيخرج راس الجنين وهو ساجد
فسبحان من يسجد له كل من في السموات والارض
الي تفضل القيصري على الولاده الطبيعيه مأجمل ان يخرج جنينك وهو ساجد لربه

[Marawy]

شولولي ،، ربي يعينج يالغاليه ،، ويسخره لج ويهديه يارب ،، لا تضايقين نفسج فديتج ،، وانتي الحين حامل ،، صحتج اولى ،، ودامه راضي خلاص وش بتسوين ،، كلامج ماراح يؤخر ولا راح يقدم شي ،، الخيره فيما اختاره الله ،،

ربي يرزقج بالولد الصالح ،، عشان نزوجه بناتنا ههههه ،، عاد طبي وتخيري بالبنات بعدين ،، بنوتات وعرايس التجمع كثروا ماشاء الله ،،

والله صدقتي ضريبة الامومه ،، كثير شغلات تغيرت فينا لكن دوم نقول ضريبة الامومه ،، ربي لك الحمد والشكر على نعمك ،،

احسن لج ترمضين في بيت اهلج ،، والله ودي بس قلبي ما يطاوعني اترك زوجي بروحه بالبيت ،،
ربي يسمع منج ويقدرنا على صيامه وقيامه يارب ،،

والله نصيحه جهزي شوي شوي من الحين ،، لان بعدين بتصيرين ثقيله وماتقدرين على السوق ومالج مزاج طلعات كثير ،، و من كثر ما قريت بالنت عن الولاده المبكره بسم الله عليج وعلينا صرت اخاف واحاتي ،، وقلت اجهز قبل عشان اكون متطمنه على الاخر ،، ننتظر صورة الدولاب ،،

[ملكتني بهمسك]

اللهم ابطل اثر عين
اصاب جسدا ف امرضته
واصابت جمالا ف شوهته
واصابت شعرا ف اسقطته
واصابت شخصا ف قتلته
واصابت قلبا ف احزنته

الله يكفينا واياكم شر الحسد والعين

[Marawy]

نوقا ،، هههههه زوجي جاب لي هالفكره والله،، من كثر ما شافني اقوم من الفراش للحمام ( ربي يعزج) قال بجيب لج حمام جنب السرير ههههههههه والا تدرين قيصريه نفس الاطفال ،،
ربي يقومنا بالسلامه يارب ونشتغل على نفسنا عدل ونروح رياضه ونبدي ريجيمات محترمه ،، ما ابي افكر اني راح اهمل نفسي ،، يارب تقدرني على هالشي ،،
نوم العوافي يالغاليه ،،


اعز الناس ،، خفي على نفسج لا تهلكين نفسج كثير ،، ارتاحي كل شوي ،، ربي يرزقج الولد الصالح البار بج وبابوه يارب ،، وتشوفينه في حضنج ان شاء الله ،، والحمام سالفته سالفه والله ،، يقومني من عز نومتي ،، وبعدها ابطل ارجع انام ،، الله يعين ،،
نوم العوافي يالحلوة،،

[Marawy]

دلع ،، ياهلا فيج والله ،، انتي وحشتينا اكثر ،، انشغل بالنا عليج ،، ربي يوقفج ان شاء الله وتتخرجين وترتاحين من الجامعه وهمها ،، الحمدلله طمنتيني بخصوص الالم ،، اشوفه الحين شوي خف عن امس ،، وربي يسمع منج ويرزقنا الولاده الطبيعيه الميسره ،،
وهذا اللي افكر فيه بالصيام ،، اللوعه ،، انا اعرف نفسي لما ما اكل فتره طويله ولا اشرب شي يصيدني تعب ولوعه ومعدتي تضرب علي ،، وبزياده لما حملت ،، الله يستر بس ،، ربي يعينج والله ،، الملل هذا بروحه انتحار بطئ ،، الله يعيننا والله ،، لو زوجج يقدر ينام في بيت اهلج خليه يقعد معاج ،، انا لما انام بيت اهلي امي تلزم عليه يجي معاي مايقعد بروحه بالبيت ،، وماعليه شر الوالد ،، طمنينا عليه ان شاء الله صار احسن الحين ؟ ان شاء الله ترجعين لبيتج وربي يحفظج ويحفظ جنينج من كل شر يارب ،، كثري من قراءة سورة البقره في البيت او خليها 24 ساعه شغاله في البيت وبصوت مرتفع ،، حتى وانتي نايمه خلي القران شغال ،، وربي راح يحفظج ان شاء الله ،، لا توسوسين يالغلا والاحلام والكوابيس تكثر للحامل ،، ربي يقدم لج اللي فيه خير وصلاح لج ولزوجج يارب ،،

[Marawy]

انا المستحيل ،، ربي يعيننا والله ،، كثير احاتي هالسالفه برمضان ،، احاتي شرب الماي والسوائل ،، بعد الفطور ما احس نفسي اشرب ماي كثير ،، هذي طبيعتي بكل رمضان ،، الله يقدرني هالسنه يارب ويقدركم ،، والالم بالعظم يجي ويروح ،، اشك ان فيني التهاب او شي لاسمح الله ،، بس دام البنات قالوا صار لهم ،، تطمنت الحمدلله ،،


ملكتني بهمسك ،، ما ذابحنا غير الشكوك والله ،، حركه والا مو حركه ،، احس نفسي تعبت من التفكير ونحاس وعناد ما يتحرك البيبي ،، شكله يبيني انسى الموضوع ،، راح ابتدي أسفه للموضوع وما اعطيه حجم اكبر من حجمه ،، ههههههه عل وعسى يرأف بحالي ويتحرك ،، ربي يسمع منج يارب يالغاليه ،، ويرجع لج زوجج بالسلامه ،، وتجهزين للبيبي ويتهنى فيهم يارب ،، واحسن لج دام عندج اغراض نفاسج الاول ،، بلا مصاريف بلا هم ،، وكل بيبي يجي برزقه ،، الحمدلله هذا رزقه قبله ماشاء الله ،، ربي يتمم لج على خير يارب ويحفظج ،،

[Marawy]

المشاركة الأصلية كتبت بواسطة ملكتني بهمسك

لماذا امهاتنا تؤلمهم ارجلهم ؟؟؟؟؟؟؟؟؟؟

في الرحم وضع الله الطفل في سائل ملحي شديد الملوحه ليطفو جسم الجنين فينعدم ثقله ورزقه يأتيه دون عناء عن طريق الحبل السري المربوط بمشيمه التى مربوطه بالأم فحبل السري هو الذي ينقل له كل اسباب الرزق فان قصرت الأم في طعامها لاينقص على الجنين شئ لوجود غدد تقوم باذابه أسنان وعظام الأم لتعويض النقص لذلك نجد أسنانهم وركبهم تؤلمهم مع تقدم السن ويقولون المرأة تعجز قبل الرجل !!

لو يعلم كل انسان انه يذوب عظم أمه لا أحتار كيف يجازيها ربي اسالك الجنه لحبيبه تعبت وانجبتني

ضريبة الامومه ،، ربي يقدرنا ونوفر لهم العنايه وهم بأرحامنا وخارج ارحامنا يارب ،، وربي يحفظ ويجازي كل ام حملت وتعبت وربت ،، وربي هذا شي عظيم ما يحس به الا اللي جربه ،، لما كنت بنت ما كنت اتخيل انني بفكر هالتفكير ،، لكن من حملت احس نفسي عذرت امي لما تخاف علينا وتحاتينا وتعصب علينا وعلى تصرفاتنا ،، ربي يحفظها من كل شر يارب ،،

كل التعب هذا يهون عشان نشوف اجنتنا في حضوننا ،، يارب لاتحرم اي امرأه من هالشعور ياكريم ،،

[ملكتني بهمسك]

يارب سهل ويسر حملي وهون طلقي وولادتي ولكل حامل يارب

اللهم استودعتك جنيني الذي في رحمي فرده الي عند مولده مردا سالما معافى من كل شر وكل مرض وكل اذى فرده الي في احسن حال من غير زياده او نقصان
واجعل له اخلاق رسولنا ونبينا وحبيبنا محمد صلى الله عليه وسلم
وجمل سيدنا يوسف عليه السلام
فانك لاتضيع ودائعك ولا خاب ولا ندم من استودعك

[Marawy]

المشاركة الأصلية كتبت بواسطة ملكتني بهمسك

في وقت الولاده :
يرسل الله الى المراه ملكين عن يمينها وشمالها فاذا اراد صاحب اليمين اخراج الجنين زاغ الى جهة الشمال واذا اراد صاحب الشمال اخراجه زاغ الى جهة اليمين فتتالم المراه فيتجلى الله تعالى ويقول للجنين
عبدي من أنا ؟
فيقول : أنت الله الذي لا اله الا انت ويسجد
فيخرج راس الجنين وهو ساجد
فسبحان من يسجد له كل من في السموات والارض
الي تفضل القيصري على الولاده الطبيعيه مأجمل ان يخرج جنينك وهو ساجد لربه

سبحان الله هذي رحمه من رب العالمين ،، وان شاء الله نكون عند حسن ظنه بنا ،، ونقدر على تربيتهم التربيه الصالحه ،، والله ان ربي رحيم في كل شي ،، بعد الالم يجينا الفرج وتقر عيوننا بشوفة قطعة مننا عاشت 9 شهور في ارحامنا ،، الحمدلله ثم الحمدلله ثم الحمدلله ،، حتى يبلغ الحمد منتهاه ،،

ربي يرزقنا الولاده الطبيعيه السهله الميسره يارب ،،

[Marawy]

ملكتني بهمسك ،، الْلَّهُمَّ ‏?آٌمَيّن يَارٌَبٌّ العَّالِْمينٌ ،، مشكورة يالغاليه ربي يعطيج الصحه والعافيه يارب على هالادعيه الحلوة ،، حفظتها بجهازي مع الادعيه الموجوده عندي ،، ربي يجزيج خير ويرزقج كل ما تتمنين ،،