إستفسار عن أعراض الحمل !!

[أم جمانة]

مشكورين يالغلا كلكم

ماما زوزو وجنا القمر يارب تطلعوا حوامل ان شاء الله بإذن الله
ربي يرزقكم عاجلاً غير آجلاً ..

حالياً عندي إحساس اني حامل بس ان شاء الله ما يخيب احساسي
واحس بوخز كلما بين فترة وفترة بصدري

وجسمي تغير شوي حتى زوجي لاحظ هالشي يقول اني صايره مربربه شوي لأن أنا ضعيفة وايد هههههههه

بالذات منطقة الحوض يقول لي وايد كبرانه ههههه

ان شاء الله خير يارب

[صعبه]

الله يكتب لك اللي فيـــــــــــــه الخير ..

[smhaa]

ان شاء الله ربي يعطيك وتكوني حاامل يارب

[أم جمانة]

بنااااااات انا اليوم موعد دورتي وللحين ما شرفت

و حالياً أحس بأعراض الدورة تروح وتجي وأحياناً أحس ببلل واقول هذي يمكن الدورة نزلت وتالي اروح اجيك ويطلع ان هذي افرازات احيانا تكون شفافة واحيانا تكون بيضة ولزجة وايد

وبعد صايره اشتهي ورق العنب مع ان قبل كنت ما أحبه وايد
وبعد خاطري في لووووز
ويجيني ألم في ظهري بس مو قوي لمن اجلس وايد او اقوم بأعمال البيت
واحس نفسي صايرة آكل وايد وبسرعة اجوع ولمن آكل احس بإمتلاء وثقل وحتى مشيتي تتغير بعد الأكل ههههههههه


ما ابغي اتفائل وايد بعدين انصدم لأن هالاعراض احياناً بعضها اتجيني قبل الدورة

بس بغيت منكم دعوة حلوة بأن الله يرزقني هالشهر ،، فدعاء المؤمن لأخيه المؤمن في ظهر الغيب مستجاب

الله يرزقني ويرزقكم ويرزق كل محروم ويحقق آمانينا يارب

[ســـدن]

ياااارب تكوني حامل بشرينا ياعسل

أصبري اذا تأخرت عشره ايام وحللى

يااااااااارب يفرح قلبك وتكوني حااامل

الله يرزقك ويرزقني ويرزق كل مشتهي ياااااااااااااارب

سدن

[أم جمانة]

مشكورة يا بعد جبدي على الدعوة الحلوة

الله يرزقك ان شاء الله ويفرح قلبك انتي بعد

[دلوعة غلاي]

يارب حاااااااامل وتجيبي جمانه وتفرحين بها ويرزقني ان الله سميع مجيب

[ابتسم وبداخلي مليون طعنه]

نفس الاعراض الي كانت عندي وحللت طلع حمل الله يرزقك الذريه صالحه وتبشرينا بحملك يارب

[الفراولة الحمرا]

يارب تكونون حمل جميعا ............. وانا معكم

[أم جمانة]

جمانة موجودة بس ابغي لها اخت والله أخ ،، ان شاء الله يجي قريب ههههه

للحين ما شرفت بس كلما بين فترة يجيني ألم نفس الدورة بالضبط بالضبط وحتى يجيني إحباط واكتئاب على طول
اقول الحين بتنزل أكيد ولدرجة احس بنزول شي واقول في خاطري هدا أكيد دم الدورة ولما أروح اجيك يطلع مو دم إفرازات شفافه أو بيضاء ..

الليلة كنت طالعة مع صديقاتي ومن كثر ما حسيت بأعراض الدورة قلت لهم 100 % نزلت علي الدورة ولمن رجعت البيت دخلت اجيك وطلع انها ما نزلت والله يستر ههههه

الحين صار لها متأخرة 3 أيام وان شاء الله ما تجي يارب

الله يرزقني ويرزقكم ان شاء الله في القريب العاجل ..

وشكراً من كل قلبي لكل اللي دعت ليي والله يعطيكم بالمثل وأكثر يارب