شيخوخة المشيمة

[ساندريلا..]

مرحبا اختي
انا سجلت بالمنتدى والله بس لما شفت موضوعك لاني مريت بهالتجربه
قلت بقولك وش صار معي يمكن يفيدك
انا قبل سنتين لما كنت حامل قالوا نفس الكلام ونفس الطريقه قالت لي الدكتوره عادي وتعالي لي الموعد الجاي
بس للاسف لما جيت الموعد الثاني كان البيبي نموه زي ماهو مازاد والمويه قليله والمشيمه منكمشه خلاص ماعاد توصل شي للجنين وعلى طول سوا لي تخطيط على نبض الجنين وكان ضعيف وقالو لي لازم ولاده مع العلم اني كنت في اخر السابع ورحت مستشفى ثاني بنفس الليله وقال نفس الكلام ورحت مستشفى ثالث ايضا وقالو لي نفس الكلام ولازم يولدوني لان الجنين ممكن يموت
والحمدلله توكلت على ربي وولددت طبعا قيصريه لان ماجاني طلق ولا شي وجلست بنتي بالحضانه شهرين وكان وزنها كيلو واحد فقط كانت مره صغيره تكسر الخاطر بس الحمدلله كانت صحتها واعضائها سليمه بفضل ربي
وقبل الولاده عطوني ابره الرئه طبعا
والحمدلله هذي بنتي تمشي الحين مافيها الا العافيه صحيح كانت نحيفه وتعبت معها وكلام الناس اووف ليش كذا نحيفه حرام بس اهم شي انها بعافيه وربي حفظها لي الحمدلله
وعلى فكره الدكتور قال لي السبب في شيخوخه المشيمه هو قله الاكل والحركه الكثيره والعصبيه والنرفزه
وممكن ناس من السكري او الضغط بس انا ماكان فيني سكر ولا ضغط لكن كنت ماشتهي اكل كثير وانا طبيعتي عصبيه شوي وااتحرك كثير
المهم انتي انتبهي على نفسك ولاتستهينين بكلام الدكاتره وحتى لو قرروا ولاده رح يكون من مصلحه الجنين
الله يسهل لك ويكتب لك الخير
ولاتنسين طمنينا عليك